1 Sam 1:11 - Kaqchiquel Bible

¹¹ Y xuben k'a jun jikibel-tzij rik'in ri Dios y kere' xubij: Wi rat Jehová kan at qitzij k'iytisanel richin ronojel, xtaya-pe jun ti wal ala', y yin kan xtinya' k'a chawe y kan xtok awichin chijun ruk'aslen y man xtisokex ta rusumal-ruwi', xcha'.

1 Sam 1:11 ပူးပေါင်းရင်းမြစ်များ

Wuj Richin ri Rutikeribel 28:20

Y ri Jacob kan xuben k'a ri xubij: Wi rat Dios xkabe wik'in y xkinachajij chupan ri nuk'aslen y wi xtaya' nuway richin yiwa' y xtaya' nutziaq richin ninkusaj,

Wuj Richin ri Rutikeribel 29:32

Y ri Lea kan xyawej k'a kan chirij ak'ual y toq xk'oje' ri ak'ual xubini'aj Rubén. Y re bi'aj re' nel chi tzij titz'eta'. Y chuqa' xubij: Ri Jehová xutz'et chi yin janila xibison, y roma ri' xk'oje' re ti wal re', y wakami kan xkinajowex roma ri wachijil, xcha'.

Wuj Richin ri Rutikeribel 30:22

K'ari' ri Dios xuya' ri rutzil pa ruwi' ri Raquel, y roma ri' xuya' q'ij richin xk'oje' ral.

Wuj Richin ri Rutikeribel 8:1

Jak'a ri Dios kan xuya-wi ri rutzil pa ruwi' ri Noé y ronojel kiwech chikopi' ri ek'o chupan ri nima-barco ri'; y roma ri' ri Dios xuben k'a chi xq'ax jun kaq'iq' pa ruwi' ri ruwach'ulew y ri ya' xuchop-qa ruqajinen.

2 Sam 16:12

Rik'in juba' ri Jehová xtutz'et ri tijoj-poqonal ri ninq'axaj, y kan xtujoyowaj nuwech pa ruk'exel ri itzel oyonik ri xuya' ri Simí pa nuwi', xcha'.

Wuj Richin Bix Chire ri Dios 25:18

Tatzu' ri nuq'axo'n y re ruk'ayewal re ninq'axaj, y takuyu' ronojel ri numak.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Wuj Richin Etamabel-Tzij 31:2

Wal yin, man taben itzel taq banobel; man nach'ob naben ri man utz ta, wal yin; xa mani nach'ob naben itzel, rat ri kan at rurayibel ri wánima yin.

Wuj Richin ri Molojri'il 5:4

Toq rat k'o nasuj chire ri Dios richin naben, man k'a kayoke' richin naben, roma rija' kan man niqa' ta chuwech ri k'o nikisuj y xa man nikiben ta. Man k'a taben achi'el nikiben ri nakaneq taq winaqi'.

Wuj Richin ri Chojmirisabelri'il 27:2

Kere' k'a tabij chike ri awinaq: Wi k'o ta jun wineq nrajo' nukol jun chik wineq ri sujun chik chuwe yin, xtuk'en k'a pe ri saqipueq y xtetex rik'in ri etabel ri ek'o chupan ri wachoch. Xtutoj k'a chuwe achi'el ri rajlabal ri k'o:

Wuj Richin ri Q'axanri'il 21:2

Y xeri' ri israelita kan xkibij k'a chire ri Jehová, chi wi xkerujech ri winaqi' ri' pa kiq'a', kan xkekik'is ri kitinamit.

Wuj Richin ri Q'axanri'il 6:11

Ri sacerdote nusuj jun chike ri ka'i' aj-xik' taq chikopi' richin nikuyutej rumak y ri jun chik niporox chijun richin nijunamatej ruwech wik'in, roma ri kamineq. Ja q'ij ri' toq rija' xtujech chik pe ri rusumal-ruwi' richin retal chi rija' rujachon-ri' chuwe yin.

Wuj Richin ri Q'axanri'il 6:5

Ronojel ri q'ij ri rujachon-ri' chuwe yin, man nusokaj ta ri rusumal-ruwi', jak'a nuya' q'ij richin nik'iy-qa, roma rija' kan rujachon-ri' chuwe yin. Kan k'o chi nibiyin pa ruchojmilal chinuwech k'a toq nik'is na ri q'ij ri rubin.

Wuj Richin ri Q'axanri'il 6:8

y chupan ronojel ri q'ij ri rujachon-ri' chuwe yin, k'o chi tik'oje' ch'ajch'oj.

Wuj Kichin ri To'onela' 11:30

K'ari' ri Jefté k'o jun xusuj chire ri Jehová y xubij: Wi xke'ajech ri winaqi' amonita pa nuq'a',

Wuj Kichin ri To'onela' 13:5

Wakami k'a, xtipe alanik chawij y xtik'oje' jun ti awal. Ri ak'ual ri' man xtabesokaj ta rusumal-ruwi', roma kan pa rusanti'il ch'aron-pe chire ri Dios, richin kan ja rija' xtikolon kichin ri awinaq israelita, pa kiq'a' ri aj-Filistea, xcha'.

1 Sam 1:10

Ri Ana janila q'axomarineq ri ránima, y roma ri' xch'on rik'in ri Jehová y kan janila xoq'.

1 Sam 1:12

Rokik ri Ana nich'on rik'in ri Jehová y kan xyaloj yan juba', ri Elí rutzuliben k'a ri ruchi'.

1 Sam 1:19

Toq xkiya' yan ruq'ij ri Jehová, ri ruka'n q'ij nimaq'a' yan xeyakatej y xetzolin k'a pa kachoch kela' pa Ramá. Chirij re' ri Elcaná xk'oje' k'a rik'in ri Ana. Y jari' toq ri Jehová xoqaqa k'a chuk'u'x ri k'utunik ri rubanon ri Ana.

1 Sam 1:22

Jak'a ri Ana man xbe ta q'anej kik'in, xa xubij k'a chire ri rachijil: Yin man yibe ta chiwij roma xa k'a xtinwelesaj na rutz'um ri ak'ual, k'ari' xkibe, richin xtink'uaj-el y ninjech pa ruq'a' ri Jehová, y xtik'oje' kan chiri' jumul, xcha' rija'.

1 Sam 1:27

Ja ak'ual re' ri xink'utuj chire ri Jehová, y rija' kan xuya-wi chuwe.

1 Sam 1:28

Roma ri', wakami yin ninjech kan pa ruq'a' ri Jehová y ninjech chire chijun ri ruk'aslen, richin xtok richin ri Jehová, xcha' ri Ana. K'ari' xkiya' ruq'ij ri Jehová.

1 Sam 2:20

Y ri sacerdote Elí xuya' ruq'a' pa kiwi' ri Ana y ri Elcaná y xubij: Ja ri Jehová xtuya' más awalk'ual rik'in re ixoq re', pa ruk'exel ri jun ri xiya-pe pa rachoch rija', xcha'. Y k'ari' rije' xetzolin-el pa kachoch.