1 Sam 1:10 - Kaqchiquel Bible

¹⁰ Ri Ana janila q'axomarineq ri ránima, y roma ri' xch'on rik'in ri Jehová y kan janila xoq'.

1 Sam 1:10 ပူးပေါင်းရင်းမြစ်များ

Wuj Richin ri Rutikeribel 30:1

Toq ri Raquel xunabej chi man yek'oje' ta ral, janila xch'upun-ruk'u'x chirij ri runimal y xubij chire ri Jacob: Katalk'ualan k'a wik'in, roma wi man xtik'oje' ta wal xkiken roma bis, xcha'.

Wuj Richin ri Rutikeribel 50:10

Y toq xe'apon k'a pa ruwach'ulew Goren-ha-atad ri k'o pa relebel-q'ij chire ri raqen-ya' Jordán, chiri' xkiben k'a jun nimalej oq'ej, y ri José kan xuchajij k'a wuqu' q'ij roma ri rukamik ri rutata'.

2 Sam 13:36

K'a juba' tich'on-qa ri Jonadab, jari' toq xe'apon ri ralk'ual ri rey y kan xe'oq'. Chuqa' ri rey xoq' kik'in roma ri bis y keri' chuqa' ri rusamajela'.

2 Sam 17:8

Y chuqa' ri Husai xubij chire: Rat awetaman chi ri atata' y ri achi'a' ri e beneq rik'in, e achi'a' ri man nikixibij ta ki'. Wakami rije' kan itzel kina'on y yakatajineq koyowal achi'el jun ixoq oso toq e majon-el ri taq ral chuwech. Chuqa' ri atata', rija' jun achin ri kan richin oyowal, y man xtuq'axaj ta re aq'a' re' junan kik'in ri ruwinaq.

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

Wuj Richin ri Achin Job 10:1

¡Yin kan xik'o yan nuk'u'x chupan re k'aslen re'! Roma ri' kan xtinya' k'a q'ij chire ri nujiloj; kan xtinq'alajirisaj k'a ri ruk'eyul ri nuk'aslen.

Wuj Richin ri Achin Job 7:11

Roma ri', nu-Dios, kan man xkitane' ta k'a richin yich'on; xa kan xtinq'alajirisaj k'a ri q'axo'n ri k'o pa wánima. Kan rik'in k'a bis xkich'on awik'in roma ri nuk'aslen keri' nuben chuwe.

Wuj Richin ri Achin Job 9:18

Kan k'ayew ri rubanon chuwe, kan man yiruya' ta kan juba'. Rija' nuben chuwe chi ruyon q'axo'n ri ninq'axaj.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Wuj Richin Etamabel-Tzij 14:10

Ri ránima ri wineq kan retaman k'a ri q'axo'n ri k'o rik'in; y chuqa' toq k'o kikoten rik'in, kan xaxe rija' ri nina'o.

Wuj Richin ri Isaías 38:15

¿Achike ta k'a yitikir ninbij yin? Roma ja rat xaya' q'ij chi xiruchop ri yabil ri'. Wakami k'a chijun ri nuk'aslen kan ninqasaj-wi' chawech rat, roma ri nimalej bis ri xk'oje' pa wánima.

Wuj Richin ri Isaías 54:6

Yin Jehová kan xkixinwoyoj, achi'el ye'oyox ri ixoqi' ri e ya'on kan koma ri kachijil, achi'el jun ixjayilonel ri k'a xten na y ya'on kan, y janila poqonatajineq. Yin Jehová ri yibin.

Wuj Richin ri Jeremías 13:17

Roma wi rix man xkixniman ta, yin kan xkinoq'. Kan xtibiyin k'a ri ruya'al taq nuwech, roma kan xkixuk'uex-el pa ximonri'il, rix ri ix tzobaj richin ri Jehová, xicha'.

Wuj Richin ri Jeremías 22:10

Chuqa' ri Dios xubij: Man kixoq' y man kixbison chirij ri rey Josías, roma rija' xa xken. Xa kan janila kixoq' y kixbison chirij ri Joacaz*f7* ri ruk'ajol, roma rija' nibe y man nitzolin ta chik pe. Kan man jun bey chik xtutz'et ri ruwach'ulew ri akuchi xalex-wi.

Wuj Richin ri K'uxla'anik 3:15

Ri Dios xunojisaj ri nuk'aslen rik'in ruk'eyul. Kan achi'el k'a ri ruya'al ri k'ayilej-q'os ri xuya' chuwe richin xinqum.

San Lucas 22:44

Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Wuj Kichin ri To'onela' 21:2

Chirij ri oyowal ri xbanatej, ri israelita xkimol k'a ki' chiri' akuchi k'o-wi ri rachoch ri Jehová y xek'oje' chiri' chuwech k'a toq xok na ri aq'a', y kan janila k'a xe'oq' y xkibij:

Wuj Richin ri Rut 1:20

Jak'a rija' xubij chike: Man tibij chik Noemí chuwe; más utz nibij Mará chuwe,*f1* roma ja bi'aj re' ri más ruk'amon chuwe yin, roma ri Dios ri k'o ronojel uchuq'a' pa ruq'a', xuya' jun k'ayilej k'aslen chuwe.

1 Sam 1:11

Y xuben k'a jun jikibel-tzij rik'in ri Dios y kere' xubij: Wi rat Jehová kan at qitzij k'iytisanel richin ronojel, xtaya-pe jun ti wal ala', y yin kan xtinya' k'a chawe y kan xtok awichin chijun ruk'aslen y man xtisokex ta rusumal-ruwi', xcha'.

1 Sam 1:9

Y k'o k'a jun q'ij toq xebe pa Siló, y toq xewa'-xe'uk'ya' yan, xyakatej-el ri Ana y xq'ax-apo richin xbech'on rik'in ri Jehová. Y ri sacerdote Elí tz'uyul pa jun ch'aket chunaqaj jun xata't richin ri chuchi' ri rachoch ri Jehová.