1 Rey 9:9 - Kaqchiquel Bible

⁹ Y rije' xa xtikibij: Xa roma xkimalij kan ri Jehová ri ki-Dios, ri xelesan-pe kichin ri kite-kitata' pa ruwach'ulew Egipto, y xa xekik'amala-apo ch'aqa' chik dios richin xkiya' kiq'ij y richin xekisamajij. Xa roma ri' ri Jehová xuya-pe pa kiwi' re ruk'ayewal re', xkecha'.

1 Rey 9:9 ပူးပေါင်းရင်းမြစ်များ

1 Rey 18:18

Y ri Elías xubij: Yin man nusachon ta kik'u'x ri qawinaq israelita: Ja rat y ri ek'o pa rachoch ri atata'. Rix xa xiya' k'a kan ri rupixa' ri Jehová richin xe'itzeqelibej ri Baal.

2 Rey 22:17

Rije' kan xinkimalij kan y xkiporoj pom chikiwech ri jujun chik dios. Chuqa' xkiya' kiq'ij ri wachibel ri xekibanala'. Roma ri' kan xyakatej k'a woyowal pa ruwi' re tinamit re', y ri woyowal man xtik'is ta qa choj keri'.

2 Crón 29:8

Roma ri' ri Jehová xuteq-pe ri royowal pa kiwi' ri qate-qatata' ri ek'o pa Judá y pa Jerusalem, y xuben chike richin xkik'uluwachij nima'q taq q'axo'n, y ri winaqi' richin ri ch'aqa' chik ruwach'ulew kan xkixibij k'a ki' toq xekitz'et, y chuqa' kan xetze'en chikij. Y rix kan itz'eton k'a pe re'.

2 Crón 7:22

Y rije' xa xtikibij: Xa roma xkimalij kan ri Jehová ri ki-Dios, ri xelesan-pe kichin ri kite-kitata' pa ruwach'ulew Egipto, y xa xekik'amala-apo ch'aqa' chik dios richin xkiya' kiq'ij y richin xekisamajij. Xa roma ri' ri Jehová xuya-pe pa kiwi' re ruk'ayewal re', xkecha'.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Jeremías 22:8

E k'iy k'a tzobaj winaqi' ri xke'ik'o chunaqaj re tinamit re'. Y rije' xtikik'utula-qa chikiwech, ¿achike k'a roma ri Jehová xuben kere' chire re tinamit re'?, xkecha'.

Wuj Richin ri Jeremías 44:23

Roma xixmakun chuwech ri Jehová y xisuj pom chikiwech ch'aqa' chik dios y man xinimaj ta ri xubij chiwe y man xitaqej ta ronojel pixa' ri ya'on chiwe, roma ri' xpe k'a re jun ruk'ayewal re' pan iwi' achi'el re wakami.

Wuj Richin ri Jeremías 5:19

Toq xtik'utux chawe ri achike roma yin kere' xinben, rat Jeremías, xtabij k'a chike: Ri Jehová xixrumalij kan, roma rix xa xe'iwilij ch'aqa' chik dios ri man e richin ta re tinamit re'. Keri' chuqa' k'o chi xke'iwilij winaqi' ri man e richin ta re tinamit re', ri ek'o pa jun chik ruwach'ulew, xkacha'.

Wuj Richin ri Jeremías 50:7

Toq ri e etzelanel iwichin yixkil, kan yixkik'is. Y k'ari' rije' nikibij chi man kimak ta ri keri' xkiben iwik'in, roma rix kan xixmakun chinuwech, ri in qitzij yuq'unel, achoq ik'in xkikuquba-wi kik'u'x ri ite-itata'.

Wuj Richin ri K'uxla'anik 2:15

Konojel ri winaqi' ri yeq'ax keri' qik'in, kan yojkitze'ej kan. Chuqa' yexuban y nikisiloj ri kijolon chiqij. Ri e etzelanel qichin yetze'en y nikibij: Jak'a tinamit re' ri nikibij chi kan janila jebel, Kan jare' ri ruwaq'ijaj richin chijun ruwach'ulew, yecha'.

Deut 29:23

Y xtikitz'et k'a chi ri chiri' kan xtok kan tz'iran ruwach'ulew, xa kan xaxe chik ri chuwilej-abej, atz'an y k'atineq ulew k'o y man niwachin ta chik y ni ta q'ayis man nik'ase' ta chik chuwech, roma kan xtibanatej rik'in achi'el ri xbanatej kik'in ri tinamit Sodoma, Gomorra, Admá y Zeboím, roma ri Jehová xyakatej janila royowal chikij y xeruk'is.