1 Rey 9:5 - Kaqchiquel Bible

⁵ yin xtinjikiba' ri aq'atbel-tzij pa ruwi' ri ruwach'ulew Israel richin q'asen achi'el ri xinbij chire ri David ri atata'. Wi keri' kan beneq k'a ruwech xtik'oje' jun chike ri awijatzul chupan ri q'atbel-tzij richin Israel.

1 Rey 9:5 ပူးပေါင်းရင်းမြစ်များ

1 Rey 2:4

roma ri Jehová kan rujikiban rutzij chinuwech y rubin chi wi ri walk'ual xtikitaqej ri rubey rija', y wi kan qitzij chi xtikitzeqelibej rija' rik'in ronojel kánima y ronojel kik'u'x; wi keri', kan jantape' k'a xtik'oje' jun wijatzul chupan ri tz'uyubel richin q'atoy-tzij.

1 Rey 6:12

Ninwajo' yich'on awik'in pa ruwi' re jay re yatajin chupabaxik. Wi rat kan xtataqej ronojel ri jalajoj ruwech nupixa', yin kan xtinben k'a ri xinsuj chire ri David ri atata', kan awik'in k'a rat xtiq'ajer-wi ri nubin chire.

2 Sam 7:16

Ri awijatzul y ri aq'atbal-tzij kan xtijike' k'a richin q'asen, xcha' ri Dios.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

1 Rey 8:20

Ri Jehová kan xutaqej-wi k'a re ruch'abel, y roma ri' wakami ja yin ri in yakatajineq-q'anej pa ruk'exel ri David ri nata', y ink'o kan chupan ri rutz'uyubal richin ninq'et-tzij pa ruwi' ri tinamit Israel. Y chuqa' wakami yin kan xinpaba' k'a q'anej ri rachoch ri Jehová ri qa-Dios richin niya'ox ruq'ij, achi'el ri xubij chire ri nata'.

1 Rey 8:15

Y xubij k'a: Kan nim k'a ruq'ij-ruk'ojlen ri Jehová ri qa-Dios, roma wakami xbanatej ri rusujun kan chire ri David ri nata', toq xubij chire: