1 Rey 9:21 - Kaqchiquel Bible

²¹ Konojel re winaqi' re' e kijatzul kan ri xek'oje' chupan ri ruwach'ulew ri xa man xek'is ta pa kiq'a' ri aj-Israel. Y konojel re winaqi' re' kan xe'ok k'a iliy richin ri Salomón, y kan k'o k'a xkitoj chire rija'. Y keri' kibanon k'a re q'ij wakami.

1 Rey 9:21 ပူးပေါင်းရင်းမြစ်များ

Wuj Kichin ri To'onela' 1:21

Jak'a ri tzobaj richin ri Benjamín man xekoqotaj ta pe ri e rijatzul ri Jebús ri ek'o pa Jerusalem. Y roma ri' ri tzobaj richin ri Benjamín y ri tzobaj richin Jebús xek'oje-qa junan ri chiri'.

Wuj Richin ri Josúe 17:12

Jak'a ri rijatzul ri Manasés man xetikir ta xekelesaj-el ri aj-Canaán, roma ri winaqi' ri' kan xkipaba-ki' chikiwech y man xe'el ta el chiri', xa xek'oje-qa chikikojol rije'.

Wuj Richin ri Josúe 15:63

Ri rijatzul kan ri Judá man xetikir ta xekelesaj-pe ri jebuseo ri ek'o chiri' pa Jerusalem, xa xek'oje-qa chikikojol rije' k'a re wakami.

Wuj Richin ri Nehemías 11:3

Jujun chike ri e sacerdote, ri e levita, ri yesamej pa rachoch ri Dios, ri kijatzul ri e rusamajela' kan ri Salomón y ch'aqa' chik qawinaq xebek'oje' k'a pa taq kokoj tinamit. Jak'a ri aj-raqen pa kiwi' konojel winaqi' y chuqa' ri winaqi' benjamita xek'ase' pa Jerusalem. Ri rubi' ri jun chike ri aj-raqen ja ri Ataías ri ruk'ajol kan ri Ozías, ri Ozías ruk'ajol kan ri Zacarías, ri Zacarías ruk'ajol kan ri Amarías, ri Amarías ruk'ajol kan ri Sefatías, ri Sefatías ruk'ajol ri Mahalalel, ri Mahalalel rijatzul kan ri Fares.

Wuj Richin ri Nehemías 7:57

Chuqa' xepe ri e kijatzul ri e rusamajela' ri rey Salomón. Jare' k'a ri kibi' ri kati't-kimama': Ri Sotai, ri Soféret, ri Perudá, ri Jaalá, ri Darcón, ri Guidel, ri Sefatías, ri Hatil, ri Poquéret-hasebaím y ri Amón.

1 Rey 9:15

Ri rey Salomón xerumol k'a winaqi' richin xban-q'anej ri samaj. Y ri samaj ri', ja ri xban-q'anej ri rachoch ri Jehová, ri rachoch rija', ri tz'aq ri rusutin-rij ri tinamit Jerusalem y ri ulew ri achoq ik'in xtaq'ajux-wi richin chiri' xpabex-q'anej ri tinamit, y chuqa' richin xepabex chik q'anej ri tinamit Hasor, ri Meguido y ri Guézer.

1 Rey 5:13

Ri rey Salomón xuteq koyoxik e 30,000 achi'a' chiri' pan Israel, richin nibekibana' ri samaj.

Wuj Kichin ri To'onela' 2:20

Y ri winaqi' israelita kan janila k'a xkiyek royowal ri Jehová y roma ri' xubij k'a chike: Roma kan man xinimaj ta nutzij y xa xixolq'otij ri nujikibel-tzij ri xinya' chiwe,

Deut 20:11

Wi ri winaqi' richin ri tinamit ri' xtikajo' ri uxlanibel-k'u'x y nikiya' q'ij richin yixok-apo pa kitinamit; jari' ri xkesamej iwik'in y xke'ok isamajela' y kan xke'iya' pa kowilej taq samaj.

Wuj Richin ri Josúe 17:13

Stape' ri israelita xk'oje-q'anej kuchuq'a', man xekelesaj ta el ri aj-Canaán, xa xkiben chike richin xeyuqe' pa samaj kik'in.

Wuj Kichin ri To'onela' 3:1

Ri Jehová k'a xeruya' na kan jujun tzobaj winaqi' richin ri ruwach'ulew richin yerutejtobej ri israelita, ri man jun bey kitz'eton jun labal achi'el ri xban chiri' pa Canaán.

1 Rey 9:20

Richin xban ronojel re samaj re', xeruya' pa samaj konojel ri winaqi' amorreo, ri heteo, ri ferezeo, ri heveo y ri aj-Jebús. Re winaqi' re' man e rijatzul ta kan ri Israel.

1 Crón 22:2

Chirij k'a ronojel re', ri David xerumol k'a konojel ri winaqi' ri man e aj-Israel ta ri ek'o chikikojol rije', y xerucha' k'a ri e choyoy abej richin nipabex-q'anej ri rachoch ri Dios.

Wuj Richin Etamabel-Tzij 12:24

Ri wineq ri kan jebel nisamej, xtiban k'a chire chi ja rija' ri xtik'oje' pa kiwi' ri samajela'; jak'a ri wineq ri xa nuq'oraj nisamej, xa xtiban chire chi tisamej.

Wuj Richin ri Josúe 16:10

Jak'a ri e rijatzul ri Efraín man xekelesaj ta el ri aj-Canaán ri ek'o chiri' pa tinamit Guézer, ri xa xek'oje-qa chikikojol rije'. Y xban chike ri aj-Canaán richin xeyuqe' pa samaj kik'in.

Wuj Kichin ri To'onela' 1:36

Y ri ruk'ulba't ri kiruwach'ulew ri winaqi' amorreo nitiker-el pa ruwa taq juyu' Acrabim, akuchi k'o-wi ri tinamit Selá, y nibe pa jotol.