1 Rey 9:19 - Kaqchiquel Bible

¹⁹ Y keri' chuqa' xerupaba-q'anej ri tinamit ri akuchi ek'o-wi ri ru-carruaje richin oyowal, ri tinamit akuchi xek'oje-wi ri achi'a' ri yech'oke' chirij kiej y ri tinamit ri akuchi ek'o-wi yakonabel richin ronojel ri nitij. Y chuqa' xupaba-q'anej ronojel ri xrajo' chi xban ri chiri' pa Jerusalem, ri chiri' pa Líbano y chijun ruwach'ulew ri k'o chuxe' ri ruq'atbal-tzij rija'.

1 Rey 9:19 ပူးပေါင်းရင်းမြစ်များ

1 Rey 10:26

Ri Salomón xeruloq' k'a e k'iy ru-carruaje y xek'oje' e k'iy ruwinaq ri yech'oke' chirij kiej. Ronojel k'a ri ru-carruaje e 1,400, y e 12,000 achi'a' ri yech'oke' chirij kiej, ri xerutaluj k'a pa taq tinamit ri akuchi yeyak-wi ri carruaje, y chuqa' ek'o xek'oje' kan rik'in ri chiri' pa Jerusalem.

1 Rey 5:6

Yin nink'utuj k'a jun nimalej utzil chawe chi tataqa' ruqupixik tiox-che' pa Líbano, y yin xkentoj ri asamajela' ri xkebanon ri samaj achi'el ri kajel ri xtabij rat, roma awetaman chi re wawe' pa nutinamit man jun nitikir niqupin che' achi'el ri isamaj rix ri aj-Sidón. Yin xkenteq chuqa-el nusamajela' ri xketo'on kichin, xcha-el ri Salomón.

1 Rey 9:1

Toq ri Salomón xuk'is yan rubanik ri rachoch ri Jehová, ri rachoch rija' y xuk'is yan rubanik ronojel ri xrajo' ri xuben,

1 Rey 9:20

Richin xban ronojel re samaj re', xeruya' pa samaj konojel ri winaqi' amorreo, ri heteo, ri ferezeo, ri heveo y ri aj-Jebús. Re winaqi' re' man e rijatzul ta kan ri Israel.

2 Crón 1:14

Y ri Salomón xeruloq' k'a e k'iy ru-carruaje y xek'oje' e k'iy ruwinaq ri yech'oke' chirij kiej. Ronojel k'a ri ru-carruaje e 1,400, y ri achi'a' ri yech'oke' chirij kiej e 12,000. Konojel re winaqi' re' xerutaluj pa taq tinamit ri akuchi ek'o-wi ri ru-carruaje y ek'o ri xek'oje' kan chiri' pa Jerusalem rik'in rija'.

Ex 1:11

Kan ja ri q'ij ri', ri aj-Egipto xekikanoj achi'a' richin yek'oje' pa kiwi' ri israelita richin niya'ox k'ayew taq samaj chike y xban chike chi xkipaba-q'anej ri nima'q taq tinamit kibini'an Pitón y Ramsés, richin nuyek ri ru-trigo ri rey.

Wuj Richin ri Molojri'il 2:10

Y ronojel k'a ri rayixel ri xintzu' kan xinben y chuqa' ronojel ri kikoten ri xurayij ri wánima xinben, roma ri wánima kan xuxlan k'a toq xinben ronojel ri nurayij. Jare' ri xinch'ek chire ronojel ri nusamaj.

Wuj Richin ri Molojri'il 6:9

Más utz yakikot rik'in ri natzu' chi kan awichin, ke chuwech yaken chirij ri xaxe pan ach'obonik k'o-wi, roma re' chuqa' xa q'axel y xa man tikirel ta nawil ri nawajo'.