1 Rey 9:16 - Kaqchiquel Bible

¹⁶ Y re tinamit Guézer jare' ri xuch'ek ri rey richin Egipto, y chuqa' xerukamisaj konojel ri winaqi' aj chiri' y xuya' ruq'aq'al. Y ja tinamit ri' ri xusipaj chire ri rumi'al ri k'ulan rik'in ri Salomón.

1 Rey 9:16 ပူးပေါင်းရင်းမြစ်များ

1 Rey 3:1

Ri rey Salomón xk'ule' rik'in ri rumi'al ri rey richin Egipto, y keri' xjunamatej-kiwech, y xek'oje' chiri' pa rutinamit kan ri rey David, rokik chiri' pa Jerusalem najin rupabaxik ri rachoch rija', ri rachoch ri Jehová y ri tz'aq ri nisutin-rij ri tinamit ri'.

1 Rey 9:24

Ri rixjayil ri Salomón, ri rumi'al ri rey richin Egipto, xel k'a el ri chiri' pa rutinamit kan ri rey David y xq'ax k'a q'anej pa rachoch rija' ri xban-q'anej roma ri Salomón. Y k'ari' ri Salomón xutaq'ajuj, xeruben ch'aqa' chik jay y xusutij chi tz'aq.

1 Rey 7:8

Ri rachoch rija' xuben-q'anej pa jun chik ruwa-jay, chirij-apo ri Jay Richin Q'atbel-tzij. Y ri Salomón xupaba' chuqa' jun chik jay richin chi chiri' xk'oje-wi ri rixjayil, ri rumi'al ri rey richin Egipto. Y ri kibanik ri jay ri' kan junan rik'in ri ch'aqa' chik jay.

Wuj Richin ri Josúe 16:10

Jak'a ri e rijatzul ri Efraín man xekelesaj ta el ri aj-Canaán ri ek'o chiri' pa tinamit Guézer, ri xa xek'oje-qa chikikojol rije'. Y xban chike ri aj-Canaán richin xeyuqe' pa samaj kik'in.

Wuj Richin ri Josúe 10:33

Y chuqa' ri rey Horam y ri achi'a' e richin ri tinamit Guézer xejote-el chuto'ik ri tinamit Laquis. Jak'a ri Josué y ri achi'a' xekikamisaj konojel rije', y kan man jun xkiya' kan rik'in ruk'aslen.