1 Rey 9:1 - Kaqchiquel Bible

¹ Toq ri Salomón xuk'is yan rubanik ri rachoch ri Jehová, ri rachoch rija' y xuk'is yan rubanik ronojel ri xrajo' ri xuben,

1 Rey 9:1 ပူးပေါင်းရင်းမြစ်များ

2 Crón 7:11

Ri Salomón xk'achoj chire ri rachoch ri Jehová, y ri rachoch rija', y ronojel ri k'o chi xban pa rachoch ri Jehová y chupan ri rachoch rija'; kan ronojel k'a utz xuben chuwech.

1 Rey 9:19

Y keri' chuqa' xerupaba-q'anej ri tinamit ri akuchi ek'o-wi ri ru-carruaje richin oyowal, ri tinamit akuchi xek'oje-wi ri achi'a' ri yech'oke' chirij kiej y ri tinamit ri akuchi ek'o-wi yakonabel richin ronojel ri nitij. Y chuqa' xupaba-q'anej ronojel ri xrajo' chi xban ri chiri' pa Jerusalem, ri chiri' pa Líbano y chijun ruwach'ulew ri k'o chuxe' ri ruq'atbal-tzij rija'.

Wuj Richin ri Molojri'il 6:9

Más utz yakikot rik'in ri natzu' chi kan awichin, ke chuwech yaken chirij ri xaxe pan ach'obonik k'o-wi, roma re' chuqa' xa q'axel y xa man tikirel ta nawil ri nawajo'.

Wuj Richin ri Molojri'il 2:10

Y ronojel k'a ri rayixel ri xintzu' kan xinben y chuqa' ronojel ri kikoten ri xurayij ri wánima xinben, roma ri wánima kan xuxlan k'a toq xinben ronojel ri nurayij. Jare' ri xinch'ek chire ronojel ri nusamaj.

Wuj Richin ri Molojri'il 2:4

Xinju' k'a wi' chuxe' nimalej taq samaj, xenbanala' k'a q'anej nima'q taq wachoch richin ninq'et-tzij, chuqa' xenbanala-qa nutiko'n richin uva,

1 Rey 9:11

Jari' toq ri rey Salomón xerujech chire ri Hiram ri rey richin Tiro, ri juwineq kokoj tinamit ri e rusujun chire, y ri tinamit ri' ek'o chiri' pa ruwach'ulew Galilea. Xerujech k'a ri tinamit ri' roma ri Hiram ruya'on tiox-che', k'isis y ronojel ri q'anapueq ri xk'atzin chire ri rey Salomón.

1 Rey 7:51

Keri' xk'achoj rubanik ronojel ri samaj ri yek'atzin chupan ri rachoch ri Jehová, ri xubij ri rey Salomón. Chirij re' xuk'uaj-el ronojel ri samajibel ri banon rik'in q'anapueq y saqipueq, ri ruya'on kan ri David ri rutata', y xeruyek k'a pa jun jay richin yakonabel ri k'o pa rachoch ri Jehová.

1 Rey 6:37

Ronojel ri samaj richin xban ri rachoch ri Jehová xchapatej chupan ri ik' Zif chire ri rukaj juna' chire ri q'atbel-tzij richin ri Salomón. Y chupan ri ik' ri' xeya'ox-qa ri nabey taq abej richin xban-q'anej ri jay ri'.

1 Rey 7:1

Y ri Salomón chuqa' xupabala-q'anej ri rachoch rija', y re' xuk'uaj oxlajuj juna' richin xek'achoj.

1 Rey 7:2

Jun chike ri jay ri xuben-q'anej ja ri nima-jay ri rubini'an Che' richin Líbano. Re jay re' juwineq wuqu' jaj raqen y oxlajuj jaj rik'in nik'aj ruwech, y waqxaqi' jaj rujotolen. Chupan re jay re' xya'ox oxi' cholaj xata't ri e banon rik'in tiox-che', y pa ruwi' re' e ch'okol tem ri e banon rik'in tiox-che' chuqa'.

1 Rey 8:66

Y toq xk'is ri nimaq'ij ri', ri ruka'n q'ij chik, ri Salomón xerutaluj-el ri winaqi', y rije' kan xkinimirisaj ri rubi' rija', y k'ari' xebe chi taq kachoch rik'in janila kikoten pa taq kánima, roma ronojel ri utzil ri xuben ri Jehová rik'in ri ánima David ri rusamajel, y chuqa' rik'in ri rutinamit Israel.

1 Rey 9:10

Y nitz'aqet yan k'a juwineq juna' chi ri Salomón ruchapon-pe ri samaj richin ri rachoch ri Jehová y ri rachoch rija', y xk'achoj-q'anej.

2 Crón 8:6

Chuqa' xerupaba' chik q'anej ri tinamit Baalat y ri ch'aqa' chik tinamit akuchi yeyak-wi ronojel ri k'atzinel y ronojel ri jay akuchi ek'o-wi ri carruaje richin oyowal, ri jay kichin ri winaqi' ri yech'oke' chirij kiej y ronojel ri xrajo' xupaba-q'anej pa Jerusalem, y chuqa' pa ruwach'ulew Líbano y chupan ronojel ri ruwach'ulew ri k'o pa ruq'a'.

1 Rey 3:1

Ri rey Salomón xk'ule' rik'in ri rumi'al ri rey richin Egipto, y keri' xjunamatej-kiwech, y xek'oje' chiri' pa rutinamit kan ri rey David, rokik chiri' pa Jerusalem najin rupabaxik ri rachoch rija', ri rachoch ri Jehová y ri tz'aq ri nisutin-rij ri tinamit ri'.

2 Crón 7:1

Toq ri Salomón xtane-qa chire ri ruch'owen rik'in ri Jehová, xbeqaqa-pe q'aq' chila' chikaj y xuk'is ri kamelabel y konojel ri chikopi' ri e ya'on pa ruwi' ri porobel, y ri ruq'ij-ruk'ojlen ri Jehová xunojisaj ri rachoch,

2 Crón 8:1

Ri Salomón pa juwineq juna' xuk'achojirisaj ri rachoch ri Jehová y ri rachoch rija'.