1 Rey 8:9 - Kaqchiquel Bible

⁹ Chupan ri káxa ri' xa kan xaxe k'a ri ka'i' tz'alem taq abej k'o, y ri abej ri' jari' ri xuya' kan ri Moisés toq xk'oje' pa juyu' Horeb, ri akuchi xuben ri jikibel-tzij ri Jehová kik'in konojel ri e rijatzul kan ri Israel toq xe'el-pe pan Egipto.

1 Rey 8:9 ပူးပေါင်းရင်းမြစ်များ

1 Rey 8:21

Yin xinben k'a jun jay ri akuchi nik'oje-wi ri káxa richin ri rujikibel-tzij ri Jehová, y re jikibel-tzij re' xuben kik'in ri qate-qatata' toq xerelesaj-pe pan Egipto, xcha' ri Salomón.

2 Crón 5:10

Chupan ri káxa ri' man jun achike ta chik ri k'o, xa kan xaxe ri ka'i' tz'alem taq abej ri xuya' kan ri Moisés chupan toq xk'oje' pa juyu' Horeb, ri akuchi xuben-wi ri jikibel-tzij ri Jehová kik'in ri e rijatzul kan ri Israel toq xe'el-pe pan Egipto.

2 Crón 5:9

Ri baloj taq che' ri' kan janila k'a e nima'q kaqen, y roma ri' chupan ri jay ri' kan niq'alajin ri kitza'n, jak'a xa man niq'alajin ta chik ri chupan ri nima-jay. Y keri' k'a rubanon kan.

Ex 13:21

Y ri Jehová beneq k'a chikiwech rije': Ri paq'ij beneq pa jun sutz' pa'el chikaj richin nuk'ut ri bey chikiwech, y ri chi'aq'a', ri sutz' ri' nok ruxaq-q'aq' richin nusaqirisaj ri kibey, richin chi yebiyin chi paq'ij chi chaq'a'.

Ex 14:24

Y xk'uluwachitej k'a, chi toq k'a jukumaj na chire ri q'ij ri', ri Jehová xerutzu-pe ri aj-labal richin Egipto y xuben chike chi xsach kik'u'x. Ri Jehová kan chupan k'a ri sutz' y ri q'aq' ri' beneq-wi.

Ex 16:10

Y ri Aarón kan xubij k'a chike ri kiwinaq chi kepe konojel, y ketzu'un k'a apo akuchi k'o-wi ri tz'iran ruwach'ulew y jari' toq ri ruk'ojlen ri Jehová xbek'ulun-pe chupan ri sutz' ri'.

Ex 16:33

Y roma ri' toq ri Moisés xubij k'a chire ri Aarón: Tayaka' kan oxi' libra aj-chikajil-wey chupan jun xára y tik'oje' kan chuwech ri Jehová, richin chi niyake-apo chike ri qijatzul ri e peteneq.

Ex 25:16

Y ri ka'i' tz'alem taq abej ri xkenya' chawe, ri e tz'ibatel ri nupixa' chikiwech, xke'aya' k'a chupan ri káxa.

Ex 25:21

Y chupan k'a ri káxa ri' xtaya-wi ri ka'i' tz'alem taq abej, ri niq'alajirisan chi roj k'o chik tununri'il chiqakojol y k'ari' xtaya' ri tz'apebel ruwi' ri káxa.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

Ez 10:4

K'ari' ri ruk'ojlemal ri Jehová xyakatej-el pa ruwi' ri querubín y xbe pa ruchojmilal ri okibel richin ri rachoch ri Jehová. Y ri sutz' ri' xunojisaj ri jay y chuqa' kan xusaqirisaj ri ruwa-jay rik'in ri ruk'ojlemal ri Jehová.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Wuj Richin ri Q'axanri'il 17:10

Y jari' toq ri Jehová xubij chik chire ri Moisés: Tatzolij chik apo ri ruch'ame'y ri Aarón chuwech ri káxa richin ri nujikibel-tzij, richin keri' nik'oje' kan jun retal chikiwech ri iwinaq pa kiwi' ri kan itzel yech'on chuwij. Re meyel banobel re' kan xtuben chi man chaq kech'on chuwij richin chi man xkeken ta, xcha'.

Wuj Richin ri Q'axanri'il 9:15

Chupan k'a ri q'ij toq xtane' ruchojmirisaxik ri rachoch ri Dios, kan jari' k'a toq k'o jun achi'el sutz' ri xumatzej-rij ri jay ri'. Y ri achi'el sutz' ri' nok k'a achi'el jun q'aq' ri nisaqirisan ri chaq'a' y toq niseqer-pe nok chik el sutz'.

Deut 31:26

Tiyaka' k'a re wuj re', ri richin ri pixa' chuxikin ri káxa ri richin ri rujikibel-tzij ri Jehová ri qa-Dios; y tik'oje' k'a chiri' richin chi jari' ri q'alajirisabel pan iwi' rix chire ri man ja ta ye'iben.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

Apocalipsis 15:8

Ri rachoch ri Dios xnoj k'a pe rik'in sib retal ruq'ij-ruk'ojlen y ri ruchuq'a'. Y kan man jun k'a nitikir nok-apo chiri' pa rachoch, k'a toq k'achojineq chik kan ruya'ik ri wuqu' ruk'ayewal koma ri ángel.