1 Rey 8:7 - Kaqchiquel Bible

⁷ Ri querubín ri' kan kirik'ik'en ri kixik' pa ruwi' ri káxa richin ri Jehová y pa ruwi' ri baloj taq che' ri uk'uabel richin ri káxa.

1 Rey 8:7 ပူးပေါင်းရင်းမြစ်များ

Hebreos 9:5

Pa ruwi' ri tz'apebel-ruwi' ri káxa k'o ri ka'i' kiwachibel querubín kirik'on kixik' pa ruwi' ri akuchi nikuyutej-wi ri mak. Jak'a wakami man nik'atzin ta niqanataj ronojel re'.

Ex 25:20

Ri jun ruwachibel querubín niban k'a chire chi k'o apo chuwech ri jun y ri jun chik k'o pe chuwech re jun re'. Niban chike chi kirik'on-apo ri kixik' chikiwech, richin nikimatzej ruwi' ri tz'apebel. Y niban chuqa' chike chi rije' yetzu'un-qa pa ruwi' ri tz'apebel.

1 Rey 6:27

Ri Salomón xeruya' k'a ri ka'i' kiwachibel querubín chupan ri jay ri akuchi k'o-wi ri Jehová, y rije' kan kirik'on k'a ri kixik'. Ri kixik' chi e ka'i' nutun-ri' pa nik'aj chire ri jay ri', y ri jun chik rutza'n ri kixik' napon k'a chuwech ri jay.

1 Rey 8:6

K'ari' ri e sacerdote xkikusaj k'a apo ri káxa richin ri rujikibel-tzij ri Jehová chupan ri k'ak'a' rachoch, ri chiri' chupan ri jay akuchi kan man jun wineq nok-apo, y xkiq'eba' kan chiri' chuxe' ri kixik' ri querubín.

1 Rey 8:8

Ri baloj taq che' ri' kan janila k'a e nima'q kaqen, y roma ri' xaxe chupan ri jay ri' niq'alajin ri kitza'n, jak'a xa man niq'alajin ta chik ri k'a chupan ri nima-jay richin ri rachoch. Y keri' k'a rubanon kan k'a re q'ij re'.

Wuj Richin ri Q'axanri'il 4:6

Y k'ari' nikiya' chik el jun sale'y chirij ri kan jebejoj ok rubanik y pa ruwi' chik ri' nikirik' chik el jun raxroj tzieq y k'ari' nikiju-el ri che' pa taq ruxikin richin chi utz nuk'uex.

Wuj Richin ri Isaías 6:2

Y pa ruwi-el rija' ek'o k'a serafín,*f1* y chikijujunal rije' k'o k'a waqi' kixik'. Rik'in ri ka'i' kixik' kitz'apen ri kipalej; rik'in ri ka'i' kitz'apen ri kaqen, y rik'in ri ka'i' chik kixik' yexik'an.