1 Rey 8:61 - Kaqchiquel Bible

⁶¹ Ri qánima kan ta choj k'a chuwech ri Jehová ri qa-Dios, qojbiyin chupan ri rubey y tiqataqej ronojel ri pixa' achi'el re yojtajin chubanik wakami, xcha' chike.

1 Rey 8:61 ပူးပေါင်းရင်းမြစ်များ

1 Rey 11:4

y toq ri rey Salomón xapon pa rurijixinen, ri ixoqi' kan kisachon chik k'a ruk'u'x y xerutzeqelibej ri ch'aqa' chik dios. Ri ránima kan man choj ta chik chuwech ri Jehová ri ru-Dios. Kan man xuben ta achi'el xuben ri David ri rutata',

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

1 Rey 15:14

Ri ránima rija' kan xuya' k'a richin xuben ri xrajo' ri Jehová chupan chijun ruk'aslen, stape' xa man xeruwulaj ta el ri akuchi xya-wi kiq'ij ri ch'aqa' chik dios ri pa ruwi' taq juyu'.

Wuj Richin ri Achin Job 1:8

Xeri' ri Jehová xubij k'a chire: ¿Atz'eton ruk'aslen ri Job ri nusamajel? Rija' jun achin ri kan janila choj ri ruk'aslen y man jun achike ta itzel nilitej chirij. Rija' kan k'o nukiy chuwech y nuya' k'a nuq'ij. Chuqa' kan man jun chik ri achi'el ta rija' chuwech ri ruwach'ulew, xcha'.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

Deut 18:13

Jak'a rix kan choj ri ik'aslen tibana' chuwech ri Jehová ri qa-Dios.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin Bix Chire ri Dios 37:37

Tatz'eta' ri wineq ri choj ruk'aslen, ri man jun itzel banobel nuben. Re wineq re' xtik'ase' rik'in uxlanibel-k'u'x.

Wuj Richin ri Achin Job 1:1

K'o k'a jun achin ri chiri' pa jun ruwach'ulew rubini'an Us, ri rubini'an Job. Re achin re' kan janila k'a choj ri ruk'aslen y kan man jun achike ta itzel nilitej chirij. Kan janila k'a rukiy ri Dios chuwech, y kan ruch'aron-ri' chire ri itzel taq banobel.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.