1 Rey 8:6 - Kaqchiquel Bible

⁶ K'ari' ri e sacerdote xkikusaj k'a apo ri káxa richin ri rujikibel-tzij ri Jehová chupan ri k'ak'a' rachoch, ri chiri' chupan ri jay akuchi kan man jun wineq nok-apo, y xkiq'eba' kan chiri' chuxe' ri kixik' ri querubín.

1 Rey 8:6 ပူးပေါင်းရင်းမြစ်များ

1 Rey 6:27

Ri Salomón xeruya' k'a ri ka'i' kiwachibel querubín chupan ri jay ri akuchi k'o-wi ri Jehová, y rije' kan kirik'on k'a ri kixik'. Ri kixik' chi e ka'i' nutun-ri' pa nik'aj chire ri jay ri', y ri jun chik rutza'n ri kixik' napon k'a chuwech ri jay.

1 Rey 6:19

Y ri ti jay ri k'o-apo chirij xuwiq k'a, richin chiri' niya'ox-wi ri káxa richin ri rujikibel-tzij ri Jehová.

2 Sam 6:17

Ri David kan runaban k'a jun jay banon rik'in tzieq. Y chiri' xbekiya-wi kan ri káxa richin ri Jehová. Y k'ari' xusuj chikop richin niporox jumul y xusuj sipanik ri nuq'alajirisaj chi junan ruwech rik'in ri Jehová.

Ez 10:5

Ri kixik' ri querubín kan niq'ajan y kan nak'axatej k'a ri jun chik ruwa-jay. Y nawak'axaj chi kan achi'el ja ta ri Jehová nich'on-pe.

Wuj Richin ri Isaías 37:16

Jehová k'iytisanel richin ronojel, ri at qa-Dios roj israelita. Rat atk'o pan atz'uyubal richin q'atoj-tzij chikikojol ri querubín. Xaxe k'a rat ri at Dios kichin konojel q'atoy taq tzij richin ri ruwach'ulew. Rat xabanon ri kaj y ri ruwach'ulew.

Wuj Richin Bix Chire ri Dios 99:1

Ri Jehová ja rija' ri rey. Roma ri' kan tik'oje' k'a rukiy rija' chikiwech ri tzobaj winaqi' richin ri ruwach'ulew. Rija' kan tz'uyul k'a chikikojol ri querubín richin nuq'et-tzij. Y roma ri' chijun ri ruwach'ulew kan nisilon.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

2 Crón 5:7

Ri sacerdote xkiya-apo ri káxa richin ri rujikibel-tzij ri Jehová chupan ri jay ri xban akuchi nik'oje-wi ri Jehová, ri akuchi kan man jun wineq nok-apo, chuxe' ri kixik' ri querubín,

1 Rey 8:4

y xkik'uaj k'a q'anej, y ri ch'aqa' chik sacerdote ri e levita ri xe'uk'uan y xkik'uaj-el chuqa' ri rachoch ri Dios ri banon rik'in tzieq y ronojel ri samajibel ri kan ek'o kan chiri'.

2 Sam 6:2

Ri David e rachibilan konojel ri achi'a' ri', xebe k'a pa tinamit Baalá richin Judá, richin chi nibekik'ama' ri káxa richin ri rujikibel-tzij ri Dios. Ri káxa ri', pa ruwi' ri' ninatex rubi' ri Jehová ri k'o ronojel uchuq'a' pa ruq'a', ri k'o rutz'uyubal chikikojol ri querubín.

1 Sam 4:4

Y rije' xekiteq k'a el jun tzobaj achi'a' pa Siló richin xbekik'ama-pe ri káxa ri' ri akuchi niq'aton-wi-tzij ri Jehová k'iytisanel richin ronojel, ri k'o chiri' chikikojol ri ka'i' querubín. Y ri Hofní y ri Finees, ri e ka'i' ruk'ajol ri Elí, chuqa' xebe chirij ri káxa.

Ex 37:9

Ri jun ruwachibel querubín xuben k'a chire chi k'o-apo chuwech ri jun y ri jun chik k'o pe chuwech re jun re'. Xuben chike chi kirik'on-apo ri kixik' chikiwech, richin nikimatzej ruwi' ri tz'apebel. Y xuben chuqa' chike chi rije' yetzu'un-qa pa ruwi' ri tz'apebel.

1 Rey 6:16

Chupan ri nima-jay ri' xuben k'a jun rutaslen, richin xuben chik kan jun ti jay ri chirij-qa. Y xuben chi wo'o' jaj rik'in ka'i' q'a'aj raqen y wo'o' jaj rik'in ka'i' q'a'aj ruwech. Ri ti jay ri' xut'ajajej chuqa' rik'in tz'alem tiox-che', nitiker-el pan ulew y napon k'a chikaj-q'anej. Keri' k'a xban ri jay ri akuchi kan man jun wineq nok-apo roma chiri' k'o-wi ri Jehová.

1 Rey 8:3

Y toq xe'apon ri achi'a' ri k'o kiq'ij, jari' toq ri e sacerdote xbekitzeqej-pe ri káxa

1 Rey 8:7

Ri querubín ri' kan kirik'ik'en ri kixik' pa ruwi' ri káxa richin ri Jehová y pa ruwi' ri baloj taq che' ri uk'uabel richin ri káxa.

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

Ez 41:4

Xeri' rija' xretaj rupan ri jay y waqi' jaj ruwech y waqi' jaj raqen. Y ri jay ri' jari' ri akuchi kan man jun wineq nok-apo, kan xaxe ri Dios.

Wuj Richin Bix Chire ri Dios 80:2

Tak'utu' ri awuchuq'a' chikiwech ri aj-Efraín, ri aj-Benjamín y ri aj-Manasés, katanpe richin yojakol.