1 Rey 8:43 - Kaqchiquel Bible

⁴³ wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

1 Rey 8:43 ပူးပေါင်းရင်းမြစ်များ

Wuj Richin Bix Chire ri Dios 102:15

Toq xtikiben keri', ri winaqi' ri man yatkitzeqelibej ta xtikiqasaj-ki' chawech. Konojel k'a ri rey kan xtikiya' aq'ij.

1 Sam 17:46

Y chupan re q'ij re' rija' xkarujech pa nuq'a'. Xtintzak'ij la ajolon. Chuqa' chupan re q'ij re' ri kich'akul konojel ri awinaq xtinya' chikiwech k'ucha', y chikiwech k'uxunela' taq chikopi', richin keri' konojel k'a ri ruwach'ulew tiketamaj chi k'o jun k'aslik Dios chiqakojol roj.

Wuj Richin ri Isaías 11:9

Kan man jun k'a itzel ri xtik'uluwachitej chiri' pa juyu' Sión, roma chijun ri ruwach'ulew kan xtinoj rik'in etamabel richin ri Jehová, achi'el ri ya' nunojisaj ri palou.

Wuj Richin Bix Chire ri Dios 86:9

Konojel tzobaj winaqi' ri xe'aben, xkepe chawech y xtikiya' aq'ij rat ajaw. ¡Kan xtikinimirisaj k'a ri abi'!

Wuj Richin Bix Chire ri Dios 67:2

Keri', konojel ta ri winaqi' xtiketamaj ri rubey, ri winaqi' ri man nikitzeqelibej ta, kan xkekolotej ta.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

2 Crón 6:33

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax chikiwech konojel winaqi' chi kan xaxe chupan re jay re', re xinpaba-q'anej yin, ri niban-wi ronojel k'utunik chawe rat.

Wuj Richin ri Josúe 4:24

Keri' k'a xbanatej richin chi konojel tinamit richin chijun ruwach'ulew xtiketamaj chi ri ruq'a' ri Jehová kan janila ruchuq'a', y richin chuqa' chi rix k'o ta rukiy ri Jehová ri qa-Dios chiwech ronojel q'ij, xkecha', xcha' ri Josué.

Wuj Richin ri Josúe 4:23

Roma ri Jehová ri qa-Dios xuben chi xpa'e' y xumol-ri' ri ya' richin ri Jordán richin ri qati't-qamama' xeq'ax pa chaqi'j achi'el chuqa' xuben chire ri Kaqa-Palou.

1 Rey 8:60

richin tiketamaj konojel tinamit richin chi jun ruwach'ulew, chi ri Jehová jari' ri Dios y man jun chik achi'el rija'.

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Crón 16:8

¡Kan tiqaya' ruq'ij ri Jehová! ¡Kan tiqatzijoj ri nimalej rubi'! Kan tiqatzijoj chike ri tinamit ri nima'q taq banobel ri yeruben.

Wuj Richin Bix Chire ri Dios 33:14

Kan k'a akuchi k'o-wi rija' yerutz'et-pe. Yerutzu-pe konojel ri ek'o chuwech re ruwach'ulew.

Wuj Richin ri Jeremías 25:29

Roma yin kan rik'in ri tinamit ri nucha'on, xtintikeriba' ri nabey ruk'ayewal. Kan man xkixkanej ta kan choj keri', roma yin kan xtinteq-pe ruk'ayewal pan iwi' y pa kiwi' konojel ri winaqi' re ek'o chuwech re ruwach'ulew. Kan man xtinkuy ta ri imak. Ja yin Jehová k'iytisanel richin ronojel ri yibin, xkacha' chike.

Deut 26:15

Tatz'eta' k'a pe chila' chikaj ri akuchi atk'o-wi. Taya' k'a pe urtisanik pa ruwi' ri atinamit Israel; ri akuchi niwachin-wi ronojel ruwech tiko'n; achi'el ri xasuj chike ri qati't-qamama', xkixcha'.