1 Rey 8:36 - Kaqchiquel Bible

³⁶ wi keri', rat kan xke'awak'axaj k'a pe chila' chikaj y xtakuy ta rumak ri atinamit Israel, y xtak'ut ta k'a ri utzilej bey ri akuchi k'o chi yebiyin-wi, y xtaya' ta chik k'a pe ri job pa ruwi' re ruwach'ulew ri xkichinaj kan awik'in rat.

1 Rey 8:36 ပူးပေါင်းရင်းမြစ်များ

Wuj Richin Bix Chire ri Dios 27:11

Jehová, tak'utu' chinuwech ri abey. Kinayuqej chupan ri bey richin ruchojmilal, roma kan ek'o-wi ri e etzelanel wichin.

1 Sam 12:23

Roma ri', kan nej ta k'a k'o chuwe yin chi xkimakun chuwech ri Jehová, richin man yich'on ta pan iwi' rix rik'in ri Jehová. Yin xa kan xkixintijoj k'a chupan ri choj laj bey.

Wuj Richin ri Jeremías 6:16

Yin Jehová ninbij chiwe: Kixpa'e' pa taq bey; titz'eta' y tik'utuj ri akuchi ek'o-wi ri utzilej taq bey richin ojer richin xtiwil uxlanibel-k'u'x. Jak'a rix xa xibij chi ni, roma rix man niwajo' ta nitzeqelibej ri bey ri'.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Wuj Richin Bix Chire ri Dios 94:12

Jebel ruwa-ruq'ij ri wineq ri nachojmirisaj ri ruk'aslen rat Jehová, ri kan natijoj rik'in ri apixa' rat,

1 Rey 18:45

Jari' toq ri kaj xq'equmer-pe roma ri sutz', y janila kaq'iq' xpe. Y xpe k'a jun nimalej job, y ri Acab xbe chupan ri ru-carruaje richin xbe pa tinamit Jezreel.

1 Rey 18:1

Toq q'axineq chik k'a ri q'ij, chupan ri rox juna', ri Jehová xch'on chik rik'in ri Elías y xubij chire: Kabiyin y tabek'utu-awi' chuwech ri Acab, y yin kan xtinben chi xtipe job chuwech re ruwach'ulew, xcha'.

San Mateo 22:16

Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

Wuj Richin ri Miqueas 4:2

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

Wuj Richin ri Jeremías 42:3

Tak'utuj chire ri Jehová ri qa-Dios richin nuk'ut ri bey chiqawech ri akuchi yojbe-wi y ri k'atzinel chi niqaben, xecha'.

Wuj Richin ri Isaías 35:8

Y chiri' xtik'oje' jun nimalej bey, y xtubini'aj Bey Kichin ri Winaqi' ri Janila e Ch'ajch'oj. Man jun wineq ri man ch'ajch'oj ta rik'in ri ruk'aslen ri xtiq'ax ta chiri', jak'a kichin ri ch'ajch'oj kik'aslen chuwech ri Dios. Y ri achike xkebe chupan ri bey ri', stape' man nel ta kánima, man xkesach ta.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

Wuj Richin Bix Chire ri Dios 143:8

Tabana' chuwe chi ri pa taq nimaq'a' xtintz'et ta ri awajowabal, roma kan nukuquban nuk'u'x awik'in. Tak'utu' chinuwech ri bey ri akuchi k'o chi yibe-wi, roma awik'in rat yich'on-wi.

Wuj Richin Bix Chire ri Dios 119:33

Jehová kan tak'utu' k'a chinuwech ri ruchojmilal ri apixa', y kan man xtinmestaj ta k'a chupan chijun ri nuk'aslen.

Wuj Richin Bix Chire ri Dios 86:11

Nimalej Jehová, tabana' utzil tak'utu' chinuwech ri abey, y yin kan man xtinmalij ta kan ri bey ri'; tajikiba' ri wánima richin chi nik'oje' akiy chinuwech.

Wuj Richin Bix Chire ri Dios 68:9

Nimalej Dios, rat xaben chi xpe janila chi job; ri atinamit ri nimayamo' yan qa xaben chire chi xk'oje' chik el ruchuq'a'.

Wuj Richin Bix Chire ri Dios 32:8

Ri Jehová nubij: Yin kan atintzuliben k'a. Xtink'ut k'a chawech ri bey ri k'o chi nak'uaj. Y xtinben k'a chawe richin xtiq'ax chawech.

Wuj Richin Bix Chire ri Dios 25:12

Ri nikixibij-ki' chawech kan xtiketamaj ri bey ri k'o chi nikik'uaj.

Wuj Richin Bix Chire ri Dios 25:8

Rat Jehová kan janila at utz y at choj; kan nak'ut chikiwech ri aj-maki' ri utzilej bey.

Wuj Richin Bix Chire ri Dios 5:8

Jehová, kinayuqej chupan ri ruchojmilal. Tak'utu' chinuwech ri abey, roma kan ek'o-wi ri e etzelanel wichin.

1 Rey 18:41

K'ari' ri Elías xubij chire ri Acab: Kabiyin richin yabewa-yatuk'ya', roma kan niq'ajan chik ruch'abel jun nimalej job, xcha'.

Wuj Richin Bix Chire ri Dios 119:133

Tabana' chuwe chi xkibiyin ta achi'el nubij ri ach'abel, y man taya' q'ij chi ri etzelal nich'akon chuwij.

Wuj Richin Bix Chire ri Dios 68:10

Ri qawinaq kan chiri' k'a pa tz'iran ruwach'ulew xek'oje-wi. Rik'in ri awutzil xaya' ri k'atzinel chike ri man jun k'o kik'in.

Joel 2:23

Roma ri' kixkikot chuqa' rix winaqi' aj-Sión; kan kixkikot y kan kixnimaq'ijun chuwech ri Jehová ri qa-Dios, roma kan pa ruq'ijul xuya-pe ri nabey taq job. Chuqa' rija' kan xtuya-pe ri job pa ruk'isibel. Rija' kan jantape' xtuya-pe ri job achi'el rubanon-pe.