1 Rey 8:34 - Kaqchiquel Bible

³⁴ wi keri', rat Ajaw kan xtawak'axaj k'a pe ri chila' chikaj y xtakuy k'a rumak ri atinamit Israel y xketzolej ta chik pe chupan re ruwach'ulew re' ri xaya' rat chike ri qati't-qamama'.

1 Rey 8:34 ပူးပေါင်းရင်းမြစ်များ

Am 7:2

Y chupan ri achik' ri', xintz'et k'a chi ri sak' xkik'is ronojel tiko'n. Y jari' toq yin xisik'in y xinbij: Jehová, takuyu' ri qamak. ¿Achi'el kami toq xtiqakoch' roj ri oj israelita, roma roj xa kan yalan oj juba' ok?, xicha'.

Dn 9:25

Ja juna' ri' nitikeriba' richin niwajlaj toq xtel ri rutzijol chi nipabex chik q'anej jun bey ri tz'aq richin ri tinamit Jerusalem. Toq xkechojmirisex k'a ri tz'aq y ri bey ri chiri', kan xtuk'uaj k'a kawineq beleje' juna', y kan xtik'oje' janila ruk'ayewal. Y k'o chi nikiq'axaj chik 434 juna' k'a toq xtoqaqa na ri jun tata'al ri taqon-pe roma ri Dios.

Dn 9:19

Ajaw, tabana' utzil kinawak'axaj yan k'a, takuyu' k'a ri qamak. Taya' k'a axikin chire ri nuch'owen ri ninben awik'in. Tak'uluba' k'a pe ri nuch'abel nu-Dios yin, roma ri abi' rat kan jari' k'a ri ninatex pa ruwi' ri awinaq y ri atinamit, xicha'.

Dn 9:12

Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Wuj Richin ri Jeremías 31:27

Chuqa' ri Jehová xubij: Xtapon k'a jun q'ij toq yin xtinchajij ri ruwach'ulew Israel, ri Judá, ri winaqi' y ri chikopi', achi'el nuben jun tikonel.

Wuj Richin Bix Chire ri Dios 106:47

Ri winaqi' israelita xkibij k'a: Jehová qa-Dios roj, qojakolo' k'a. Qojawelesaj-el chikikojol ri winaqi' ri man yatkitzeqelibej ta rat, Qojamolo' chik richin niqanimirisaj ri loq'olej abi', richin chi rik'in kikoten xtiqaya' aq'ij, yecha'.

1 Rey 8:30

Kan kinawak'axaj k'a toq yikamela'an yin ri in asamajel y chuqa' toq yekamela'an ri atinamit pa ruchojmilal ri awachoch. Kan tawak'axaj k'a pe ri chila' chikaj ri akuchi atk'o-wi, y takuyu' tasacha' qamak.

Wuj Richin ri Josúe 21:43

Kere' k'a xuben ri Jehová richin xuya' ronojel ri ruwach'ulew chike ri tinamit Israel, roma kan xuya' rutzij chike ri kite-kitata' chi kan xtuya-wi chike. Y rije' xkichinaj k'a y chiri' xek'oje-wi.

Ex 6:8

Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

1 Rey 8:33

Wi ta ri nuwinaq xkech'akatej-el roma jun chik tinamit ri etzelanel qichin roma xemakun chawech rat, jak'a wi xa xtitzolin-pe kik'u'x y xtikik'utuj kuyubel-mak chawech y xtikiya' chik aq'ij ak'ojlen, y xtikik'utuj utzil chawe pa ruchojmilal re awachoch;

1 Rey 8:35

Y wi ri kaj nitz'ape' y man ta nuben job roma xemakun chawech rat, jak'a wi nikik'utuj kuyubel kimak chawech pa ruchojmilal re awachoch re' y xtikiya' chik aq'ij, y wi xketane' chire ri mak toq nikik'owisaj ri tijoj-poqonal;

Wuj Richin Bix Chire ri Dios 85:2

Kan xakuy k'a qamak; ronojel k'a ri mak ri xeqabanala' kan xatz'apej ruwi'.

Deut 30:1

Xinbij yan chiwe ronojel ri urtisanik y ronojel ri etzelanik ri xtik'uluwachij. Y wi rix man nikuquba' ta ik'u'x, kan xkixrutaluj k'a el chuwech re ruwach'ulew. Jak'a wi xtoqaqa chi'ik'u'x,

Deut 30:4

Stape' ta ri winaqi' e talun-el pa taq tinamit ri ek'o k'a pa ruk'isibel chire ri ruwach'ulew, ri Jehová ri qa-Dios k'a chiri' k'a xkeberuk'ama-pe.

Wuj Richin Bix Chire ri Dios 106:46

Xuben k'a chike ri winaqi' ri e uk'uayon-el kichin pa ximonri'il, chi xkijoyowaj kiwech.