1 Rey 8:32 - Kaqchiquel Bible

³² rat Ajaw kan tawak'axaj ri chila' chikaj, y xtaben k'a ri ruk'amon. Xtaq'et-tzij pa kiwi' ri winaqi' ri'. Kan xtaben k'a chi xtiqaqa ri ruk'ayewal pa ruwi' ri aj-mak, y xtaben k'a ri ruchojmilal pa ruwi' ri maneq rumak. Rik'in ri chojilej aq'atbel-tzij, rat xtaq'et-tzij pa kiwi'.

1 Rey 8:32 ပူးပေါင်းရင်းမြစ်များ

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Ez 18:20

Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Ex 34:7

Ri nujoyowanik yin kan xtik'oje' k'a kik'in ri winaqi' ri yepe chi wiq chi tanaj, richin jantape'. Yin kan ninkuy k'a ri itzel taq kibanobal, ri kiyakatajinenri'il y ri kimak. Chinuwech yin, ri yebanon etzelal kan k'o chi nikik'ul ri rutojbalil roma ri kimak. Ri rutojbalil ri kimak ri tata'aj, kan xkerumej ri kalk'ual, ri kimam, ri xikin-kimam y ri kalk'ual ri kixikin-kimam, xcha' ri Jehová.

Romanos 7:9

Ri ojer kan, toq man jani q'axineq chinuwech ri pixa' ri', yin xinna' chi k'o nuk'aslen rik'in ri Dios. Jak'a ri q'ij toq xq'ax chinuwech ri nubij ri pixa', jari' toq xq'ax chinuwech chi k'o ri mak pa wánima,

Romanos 2:13

Ri Dios man nuben ta chi ri winaqi' man jun kimak yek'ulun chuwech xaxe roma rije' nikak'axaj ri nubij ri pixa'. Jak'a nuben chi man jun kimak yek'ulun chuwech wi kibanon ronojel ri nubij.

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Wuj Richin Etamabel-Tzij 17:15

Ek'o yebanon chi ri aj-mak choj rubanobal nikiben chire y ri maneq rumak nikiben aj-mak chire; chi ka'i' banobel re' kan itzel k'a nitz'et roma ri Jehová.

Wuj Richin Etamabel-Tzij 1:31

Rix xa kan xtik'ul yan k'a ri ruk'amon chi nik'ul roma ri itzel ibanobal, y roma kan janila k'iy ruk'exel ri itzel pixabanik ri xtik'ul, kan xtik'o ik'u'x chire.

Wuj Richin ri Q'axanri'il 5:27

Wi re ixoq re' man ch'ajch'oj ta ruk'aslen roma ruk'amon ruwech jun chik achin y xa xuq'ol ri rachijil, re k'ayilej-ya' nuben chire chi nuk'en-pe ri q'axo'n chire; xtisipoj y kan xtiq'ey ri rupan. Keri' xtiq'alajin chikiwech ri winaqi' chi rija' xqaqa etzelanik pa ruwi'.

Ex 23:7

Man tiju-iwi' chupan tz'ukuj taq tzij, ni man tiben chi nikamisex jun wineq ri xa man jun rumak o choj ruk'aslen. Roma ri wineq ri nibanon keri' chirij jun chik, xa kan aj-mak-wi.

2 Sam 22:21

Ri Jehová xuya' k'a ri ch'akonik chuwe yin. Roma k'a ri ruch'ajch'ojil ri wánima, xuya' chuwe ri ruk'amon.

Wuj Richin Bix Chire ri Dios 18:25

Roma rat Jehová kan man namalij ta ri man yarumalij ta rat. Kan choj k'a naben rik'in ri choj nibiyin chawech.

Wuj Richin ri Isaías 45:25

Jak'a yin, Jehová, xtinben chi ri winaqi' israelita kan xkech'akon, y kan xtel utzilej kitzijol, ncha' ri Dios.

1 Sam 2:25

Titz'eta' na pe, wi jun wineq nimakun chuwech jun chik wineq, ek'o k'a yeq'aton-tzij pa ruwi', jak'a ri jun wineq nimakun chuwech ri Jehová ¿Achike k'a xtito'on richin?, xubij ri Elí. Jak'a rije' man xeniman ta chire ri kitata', roma ri Jehová Dios ruch'obon chik richin nrelesaj-el kik'aslen.

1 Rey 2:32

Kan ja ri Jehová xtiya'on ruk'ayewal pa ruwi' ri Joab roma xerukamisaj chi espada ri Abner, ruk'ajol ri Ner, y ri Amasá, ruk'ajol ri Jéter, y rije' kan más k'a e utz chuwech rija'. Jak'a ri nata' kan man xretamaj ta toq ri Joab xerukamisaj ri e ka'i' achi'a' ri': ri Abner, aj-raqen kichin ri aj-labal richin ri Israel, y ri Amasá, aj-raqen pa kiwi' ri aj-labal richin ri Judá.

1 Rey 2:33

Richin keri' ri Joab y konojel ri rijatzul, kan jantape' xtikejqalej re mak re'. Jak'a ri Jehová kan jantape' xtuya' uxlanibel-k'u'x kik'in ri e rijatzul kan ri David ri xkek'oje' chupan ri q'atbel-tzij, xcha' ri Salomón.

Ester 9:25

Jari' k'a toq ri reina Ester xapon chuwech ri rey, toq xubij chi titz'ibex chuwech jun wuj, ronojel ri etzelal ri xuch'ob ri Amán chikij ri judío, xa kan chirij k'a rija' tiqaqa-wi, y chi titzeqebex rija' y ri e lajuj ruk'ajol.

Wuj Richin Bix Chire ri Dios 7:9

Tik'is k'a wakami ri ketzelal ri aj-maki' y takolo' ri choj ruk'aslen, roma rat at jun Dios choj, y kan nanik'oj ri ránima y ri ruch'obonik ri wineq.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.