1 Rey 8:22 - Kaqchiquel Bible

²² K'ari' ri Salomón xbek'oje' chuwech-apo ri porobel richin ri Jehová chikiwech-apo ri rijatzul ri Israel ri kimolon-ki' chiri', y k'ari' xutzeqej-q'anej ri ruq'a' chikaj,

1 Rey 8:22 ပူးပေါင်းရင်းမြစ်များ

1 Rey 8:54

Toq ri Salomón xtane' chi ch'owen rik'in ri Jehová, xyakatej k'a pe chiri' chuwech ri porobel richin ri Jehová roma chiri' xxuke' y xeruyek-wi ri ruq'a'.

2 Rey 11:14

Y xutz'et k'a chi ri k'ak'a' rey k'o chunaqaj ri pilar ri kan akuchi nik'oje-wi ri rey. Chuqa' xutz'et chi ri tata'al y ri yeq'ojoman ri trompeta ek'o chunaqaj ri Joás. Y konojel ri winaqi' yekikot y yenimaq'ijun, nikiq'ojomaj ri ki-trompeta. Jari' toq ri Atalía xuretz ri rutziaq y xsik'in y xubij: ¡Xiniq'ol! ¡Xiniq'ol!, xcha'.

2 Rey 23:3

Ri rey xpa'e' k'a q'anej chunaqaj ri ru-pilar y xuben jun jikibel-tzij chuwech ri Jehová, chi kan xtutzeqelibej rija'. Chuqa' kan xtuben ri nubij ronojel ri pixa', y kan xtuben k'a rik'in ronojel ránima y rik'in ronojel ruk'u'x. Y k'ari' konojel ri winaqi' chuqa' kan xkijikiba-kitzij.

Wuj Richin ri Esdras 9:5

Chupan ri ramaj ri' k'ari' xiyakatej-q'anej chupan ri poqonal ri ink'o-wi, y toq xinretz yan ri nutziaq ri nuq'un, xixuke-qa, y xinyek nuq'a' chikaj chuwech ri Jehová ri nu-Dios.

Wuj Richin ri Achin Job 11:13

Xa ta rat najech jumul ri awánima chire ri Dios, y nayuq ri aq'a' richin naya-apo pa ruq'a' rija'.

Wuj Richin Bix Chire ri Dios 28:2

Tabana' utzil kinawak'axaj toq yin yich'on awik'in chupan ri awachoch, toq ninyek ri nuq'a' richin nink'utuj to'onik chawe.

Wuj Richin Bix Chire ri Dios 63:4

Kan chijun k'a ri nuk'aslen xtinya' aq'ij, kan xtinyek k'a ri nuq'a' richin yitzijon awik'in.

Ex 33:10

Toq ri winaqi' nikitz'et chi ri sutz' pa'el chikaj y k'o chiri' chuchi' ri jay ri', jari' toq chikijujunal yexuke' chuchi' ri kachoch y nikichop nikiya' ruq'ij ri Jehová.

Ex 9:29

Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.

Ex 9:33

Y toq ri Moisés xel-el chupan ri tinamit toq k'a juba' tich'on kan rik'in ri rey, jari' toq xuyek ri ruq'a' chikaj y xch'on rik'in ri Jehová y jari' toq xtane-qa ri koqolajay, ri saqboch y xtane' chuqa' ri job ri najin pa ruwi' ri ruwach'ulew.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

1 Timoteo 2:8

Ninwajo' k'a chi ri achi'a' kech'on rik'in ri Dios xabakuchi ek'o-wi, tikitzeqej ri loq'olej kiq'a' chikaj, y man ta jun oyowal ri niq'aton ri kich'owen.