1 Rey 8:21 - Kaqchiquel Bible

²¹ Yin xinben k'a jun jay ri akuchi nik'oje-wi ri káxa richin ri rujikibel-tzij ri Jehová, y re jikibel-tzij re' xuben kik'in ri qate-qatata' toq xerelesaj-pe pan Egipto, xcha' ri Salomón.

1 Rey 8:21 ပူးပေါင်းရင်းမြစ်များ

1 Rey 8:9

Chupan ri káxa ri' xa kan xaxe k'a ri ka'i' tz'alem taq abej k'o, y ri abej ri' jari' ri xuya' kan ri Moisés toq xk'oje' pa juyu' Horeb, ri akuchi xuben ri jikibel-tzij ri Jehová kik'in konojel ri e rijatzul kan ri Israel toq xe'el-pe pan Egipto.

Deut 31:26

Tiyaka' k'a re wuj re', ri richin ri pixa' chuxikin ri káxa ri richin ri rujikibel-tzij ri Jehová ri qa-Dios; y tik'oje' k'a chiri' richin chi jari' ri q'alajirisabel pan iwi' rix chire ri man ja ta ye'iben.

Deut 9:11

Toq xq'ax yan kawineq q'ij y kawineq aq'a', ri Jehová xuya-pe chuwe ri ka'i' tz'alem taq abej ri' ri akuchi tz'ibatel-wi pe ri rujikibel-tzij.

Deut 9:9

Toq yin xijote-el pa ruwi' ri juyu' ri' richin xebenk'ulu' kan ri ka'i' tz'alem taq abej richin ri rujikibel-tzij ri Jehová ri xuben qik'in, xik'oje' k'a chiri' kawineq q'ij y kawineq aq'a' man xiwa' ta y man xinuk'ya' ta.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

Ex 24:8

K'ari' ri Moisés xberuk'ama-pe ri nik'aj chire ri kik' ri e ruya'on chupan ri nima'q taq k'ojelibel y xuchikaj pa kiwi' ri winaqi' y xubij: Rik'in re kik' re' niq'alajin ri jikibel-tzij ri nuben ri Jehová iwik'in y chuqa' nijike' kan pa kiwi' ri ch'abel ri xebitej-qa, xcha'.