1 Rey 8:20 - Kaqchiquel Bible

²⁰ Ri Jehová kan xutaqej-wi k'a re ruch'abel, y roma ri' wakami ja yin ri in yakatajineq-q'anej pa ruk'exel ri David ri nata', y ink'o kan chupan ri rutz'uyubal richin ninq'et-tzij pa ruwi' ri tinamit Israel. Y chuqa' wakami yin kan xinpaba' k'a q'anej ri rachoch ri Jehová ri qa-Dios richin niya'ox ruq'ij, achi'el ri xubij chire ri nata'.

1 Rey 8:20 ပူးပေါင်းရင်းမြစ်များ

Filipenses 1:6

Ri Dios ruchapon k'a jun utzilej samaj pa taq iwánima, y kan jujik chi xtuk'is-wi pa ruwi', toq xtapon ri q'ij richin nipe chik ri Jesucristo.

Romanos 4:21

Rija' kan jebel wi chik retaman chi ri Dios ri janila uchuq'a' rik'in, kan xtuben-wi ri rubin.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Ez 37:14

Chuqa' kan xtinya' k'a ri ik'aslen richin kan xkixk'ase' chik jun bey y toq xkixink'uaj chik pan iruwach'ulew k'ari' xtiwetamaj chi ja yin Jehová ri xibin y kan xinben, xcha'.

Ez 12:25

Roma ri', ja yin Jehová ri xkich'on y ri xtinbij kan xtinben y kan man xtinya' ta chik kan k'iy q'ij. Y kan xtinben k'a richin xtikitz'et ri awinaq ri e yakatajineq chuwij. Yin Jehová ri yibin, xcha'.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Wuj Richin ri Nehemías 9:8

Y xatz'et k'a, chi rija' kan xukuquba' ruk'u'x awik'in. Chuqa' kan xajikiba-atzij chire chi naya' chike ri rijatzul rija', ri ruwach'ulew kichin ri cananeo, ri hitita, ri amorreo, ri ferezeo, ri jebuseo y ri gergeseo. Y kan keri' k'a xaben roma rat kan naben ri nabij.

1 Rey 8:15

Y xubij k'a: Kan nim k'a ruq'ij-ruk'ojlen ri Jehová ri qa-Dios, roma wakami xbanatej ri rusujun kan chire ri David ri nata', toq xubij chire:

Hechos 7:47

Jak'a man ja ta k'a ri rey David ri xbanon ri jay. Xa k'a ja ri Salomón ri ruk'ajol ri xbanon ri rachoch ri Dios.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

Wuj Richin ri Josúe 21:45

Kan man jun k'a ch'abel ri man ta xbanatej chire ronojel ri rusujun ri Jehová chike ri e rijatzul kan ri Israel; kan ronojel k'a xbanatej.

1 Rey 1:48

Y ri rey David xubij: Nim ruwa-ruq'ij ri Jehová ri qa-Dios. Matiox chire richin xuya' q'ij chi jun chike ri wijatzul yin xk'oje' kan pa nuk'exel, y yin kan k'a xintz'et na kan, xcha' ri David, xcha' ri Jonatán chire ri Adonías.

Wuj Richin Bix Chire ri Dios 138:2

Yitzu'un pa ruchojmilal ri awachoch, y ninya' aq'ij. Xtinbixaj k'a ri abi' roma ri ajoyowanik y kan naben ri nabij, roma kan animirisan k'a ri abi' y ri ach'abel pa ruwi' ronojel.