1 Rey 8:14 - Kaqchiquel Bible

¹⁴ K'ari' ri Salomón xupiskolij-ri', xerutzu' konojel ri ruwinaq y xerurtisaj. Y konojel k'a ri ruwinaq e pa'el-apo chiri'.

1 Rey 8:14 ပူးပေါင်းရင်းမြစ်များ

2 Sam 6:18

Toq ri David xk'achoj richin xusuj ri ka'i' sipanik ri', xerurtisaj ri ruwinaq pa rubi' ri Jehová ri k'iytisanel richin ronojel.

San Mateo 13:2

Y e janila k'a chi winaqi' ri xkimol-apo-ki' rik'in. Roma ri' rija' xok-apo pa jun barco y xtz'uye-qa chiri', y konojel k'a ri winaqi' e pa'el chuchi' ri choy nikak'axaj-apo ri Jesús.

Wuj Richin Bix Chire ri Dios 118:26

Nimalej k'a ruq'ij ri rey ri peteneq pa rubi' ri Jehová. Y chuqa' kan k'a pa rachoch ri Jehová niqoyoj ri urtisanik pan iwi' rix qawinaq.

Wuj Richin ri Nehemías 9:2

Y rije' kich'aron chik ki' kik'in ri winaqi' ri xa man e qawinaq ta. Y e pa'el chiri' xkiq'alajirisaj ri kimak, y xkejqalej ri itzel taq kibanobal rije' y ri kite-kitata'.

Wuj Richin ri Nehemías 8:7

Rokik ri winaqi' e pa'el pa kik'ojelibal, ri e levita xkibij ri achike nel chi tzij ri pixa'. Y ja kibi' re' ri xeq'axan chikiwech: Ri Josué, ri Baní, ri Serebías, ri Jamín, ri Acub, ri Sabetai, ri Hodías, ri Maaseías, ri Quelitá, ri Azarías, ri Jozabad, ri Hanán y ri Pelaías.

2 Crón 7:6

Y ri e sacerdote kan jari' ek'o pa taq kisamaj. Chuqa' ri e levita nikiq'ojomaj jalajoj kiwech taq q'ojom richin nikiya' ruq'ij ri Jehová. Y re q'ojom re' kan ja ri rey David banayon kan richin nikibixaj rubi' ri Jehová rik'in ri bix ri nubij: Roma ri rujoyowanik ri Jehová kan richin q'asen, yecha'. Y ri e sacerdote ek'o-apo chikiwech y nikixupuj ri ki-trompeta. Y konojel ri winaqi' e pa'el-apo kik'in.

2 Crón 6:3

K'ari' ri Salomón xupiskolij-ri' y xerutzu' ri ruwinaq ri e pa'el-apo chiri', y xroyoj k'a urtisanik pa kiwi' konojel rije', ri e rijatzul kan ri Israel.

1 Crón 16:2

Y toq xek'achoj chire ri kamelabel ri', ri David xuya' urtisanik pa ruwi' ri tinamit Israel pa rubi' ri Dios.

Wuj Richin ri Josúe 22:6

Ri Josué kan xerurtisaj k'a el richin xkichop-el ri kibey richin xebe pa taq kachoch.

Ex 33:10

Toq ri winaqi' nikitz'et chi ri sutz' pa'el chikaj y k'o chiri' chuchi' ri jay ri', jari' toq chikijujunal yexuke' chuchi' ri kachoch y nikichop nikiya' ruq'ij ri Jehová.

2 Crón 31:8

Y toq ri Ezequías y ri e tata'al xkitz'et chi xmolotej k'iy, kan xkiya' ruq'ij ri Jehová y xkimatioxij chike ri kiwinaq.