1 Rey 8:13 - Kaqchiquel Bible

¹³ Jak'a re wakami, yin xinpaba-q'anej re jun jebelej y nimalej awachoch rat richin yak'oje' chupan richin q'asen, xcha' chire ri Dios.

1 Rey 8:13 ပူးပေါင်းရင်းမြစ်များ

2 Sam 7:13

Kan k'a ja rija' ri xtipaban-q'anej jun wachoch. Y pa ruq'a' rija' xtinjikiba-wi kan jumul ri q'atbel-tzij.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

Ex 15:17

Rat xke'ak'uaj y xke'atik pa ruwi' ri juyu', ri xtaya' chike. Ri chiri', ri akuchi atk'o-wi rat Jehová Dios. Ri akuchi abanon rat Jehová, chi chiri' nak'ul-wi aq'ij.

Hechos 6:14

Roma qak'axan k'a chi nubila' chi ri Jesús aj-Nazaret xtuwulaj re jay re', y chi xtujel-el ronojel ri rubin kan ri Moisés ri nik'atzin chi tiqabana', xecha'.

2 Crón 6:2

Jak'a re wakami, yin xinpaba-q'anej re jun jebelej y nimalej awachoch richin yak'oje' chupan richin q'asen, xcha'.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

1 Crón 28:10

Tawetamaj k'a chi ri Jehová ri xacha'on richin napaba-q'anej ri jay richin rija'. Roma ri' tatija' aq'ij y tabana' ri samaj, xcha' ri David chire.

1 Crón 28:6

Y chuqa' ri Dios xubij chuwe: Ja ri ak'ajol Salomón jari' ri xtipaban-q'anej ri wachoch y ri ruwa-jay, roma ja rija' ri xincha' richin xtok nuk'ajol y yin xkinok rutata'.

1 Crón 17:12

Rija' xtupaba-q'anej jun wachoch, y yin xtinjikiba' ri ruq'atbal-tzij richin q'asen.

San Mateo 23:21

Ri niya'on rutzij pa rubi' ri rachoch ri Dios, xa kan nunataj chuqa' rubi' ri Dios ri k'o chiri'.

Ez 43:7

Y xubij k'a chuwe: Rat Ezequiel, jare' ri ruk'ojelibal ri nutz'uyubal y ri akuchi xkipa'e-wi. Kan wawe' k'a xkik'oje-wi q'asen chikikojol ri awinaq israelita. Rije' y ri ki-rey man jun bey chik xtikiqasaj nuq'ij. Kan man jun bey chik xtikiya' kiq'ij ch'aqa' chik dios y man xkekilij ta chik. Chuqa' man xtikiben ta chik q'anej kiwachibel ri ki-rey akuchi yekiya-wi kiq'ij ri wachibel toq xeken yan el.

Ez 43:9

Wakami k'a, wi xtikimalij kan ri itzel taq banobel ri man niqa' ta chinuwech yin y wi man xtikiben ta chik ri wachibel ri kan nikiya' kiq'ij, k'ari' yin xkik'oje' chikikojol richin q'asen.