1 Rey 8:12 - Kaqchiquel Bible

¹² Y xeri' ri Salomón xch'on rik'in ri Jehová y xubij: Rat Jehová abin chi kan chupan jun mokol sutz' yak'oje-wi.

1 Rey 8:12 ပူးပေါင်းရင်းမြစ်များ

Wuj Richin Bix Chire ri Dios 97:2

Ri sutz' y ri q'equ'm kan kisutin k'a rij rija'. Ri q'atoj-tzij y ri ruchojmilal kan jari' ri ruxe' ri rajawaren.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Wuj Richin ri Isaías 45:15

Kan qitzij na wi chi rat kan at jun Dios ri man at tz'etel ta. Ja rat ri at Dios qichin roj ri atinamit Israel, y at qakolonel.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Deut 5:22

Jare' k'a ri ruch'abel ri Jehová toq xch'on qik'in qonojel, pa ruwi' ri juyu' y pa runik'ajal ri q'aq', ri sutz' y ri nimalej q'equ'm y xak'axatej k'a ri ruch'abel y man jun ch'abel ri xuya' ta ruwi'. Y ja ch'abel re' ri xutz'ibaj-pe chuwech ka'i' tz'alem taq abej y xuya-pe chuwe yin.

Deut 4:11

Rix kan xixjel k'a apo y xojk'oje' chiri' chuxe' ri juyu' ri'; y ri juyu' nibiron k'a pa q'aq', y ri ruxaq q'aq' kan nej k'a napon-wi-el, ri rusibil ri q'aq' ri' kan achi'el sutz' xuben, y xuq'equmarisaj ri juyu'.

Ex 20:21

Y rokik ri winaqi' k'a nej xek'oje-wi-el chire ri juyu', ri Moisés xok-apo chupan ri pimilej-sutz' ri', ri akuchi k'o-wi ri Dios.

2 Sam 22:10

Xujeq k'a ri kaj, y xqaqa k'a pe, y xpa'e' k'a pa ruwi' ri q'equ'm sutz'.

1 Rey 8:11

Y ri e sacerdote man xetikir ta chik xek'oje' chiri' richin xesamej, roma ri ruk'ojlen ri Jehová xunojisaj rupan ri rachoch.

Wuj Richin ri Nehemías 8:5

Toq ri Esdras xujeq ri wuj konojel k'a ri winaqi' xkitz'et roma rija' k'o-q'anej pa ruwi' ri palibel, y kan jari' konojel ri winaqi' xepa'e-q'anej.