1 Rey 8:11 - Kaqchiquel Bible

¹¹ Y ri e sacerdote man xetikir ta chik xek'oje' chiri' richin xesamej, roma ri ruk'ojlen ri Jehová xunojisaj rupan ri rachoch.

1 Rey 8:11 ပူးပေါင်းရင်းမြစ်များ

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

2 Corintios 3:18

Roma ri' qonojel roj ri qakuquban qak'u'x rik'in ri Jesucristo, man tz'apel ta chik qach'obonik. Xa kan niq'alajin k'a ri ruq'ij-ruk'ojlen rija' qik'in roj, y ri ru-Espíritu nuben chiqe chi yojok achi'el rija'.

Ez 44:4

Chirij k'a ri' ri achin xiruk'uaj-el pan okibel ri k'o pa xaman chuwech-apo ri rachoch ri Dios. Y toq xojok-apo, xintz'et k'a chi ri ruk'ojlemal ri Jehová runojisan chijun ri rachoch rija'. Y yin kixukuk xiqaqa pan ulew chuwech.

Wuj Richin ri Chojmirisabelri'il 9:23

K'ari' ri Moisés y ri Aarón xe'ok-apo chupan ri rachoch ri Dios richin molojri'il y toq rije' xe'el-pe, xekurtisaj chik ri winaqi' y jari' toq ri ruk'ojlemal ri Jehová xuk'ut-ri' chikiwech konojel ri winaqi'.

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Ez 43:2

Y jari' toq ri ruk'ojlemal ri Dios kichin ri winaqi' israelita peteneq kere' pa relebel-q'ij. Kan niwajin peteneq achi'el toq niwajin jun nimalej raqen-ya' y ri ruwach'ulew kan xnoj rik'in rusaqil richin ri ruk'ojlemal.

Apocalipsis 21:11

Y re tinamit re', kan niyik'lun roma ri rusaqil ri Dios; kan achi'el niyik'lun ri abej jaspe, kan rex y keq nitzu'un achi'el ri chay.

Hechos 7:55

Jak'a ri Esteban kan jun achin k'a ri nojineq ránima rik'in ri Loq'olej Espíritu. Roma ri', toq rija' xtzu'un ri chikaj, xutz'et k'a ri ruq'ij-ruk'ojlen ri Dios, y xutz'et chuqa' ri Jesús pa'el-apo pa rijkiq'a' rija'.

Wuj Richin ri Chojmirisabelri'il 9:6

K'ari' ri Moisés xubij: Jare' k'a ri rubin-pe ri Jehová ri k'o chi niben, richin keri' yixtikir nitz'et ri nimalej rusaqil rija', xcha'.

Romanos 9:4

Roj ri oj israelita kan xban k'a chiqe roma ri Dios chi xojok ruwinaq. Rija' xuben chike ri qati't-qamama' chi xe'ok ralk'ual. Chuqa' kan xkitz'et k'a ri ruq'ij-ruk'ojlen ri Dios. Kik'in k'a rije' xban-wi ri jikibel-tzij. Ri Dios chike rije' xuya-wi ri pixa', y xuk'ut chikiwech achike rubanikil richin nikiya' ruq'ij. Y chuqa' k'o ri xusuj chike.

Ex 40:34

Y toq xk'achoj ronojel re', jari' toq ri sutz' xumatzej rij ri rachoch ri Dios y ri ruk'ojlemal ri Dios kan xunojisaj ri rachoch.

Ex 40:35

Ri Moisés kan man nitikir ta k'a nok-apo chupan ri jay, roma ri sutz' ri' kan rumatzen k'a rij y ri ruk'ojlemal ri Jehová kan runojisan ri jay.

1 Rey 8:10

Toq ri e sacerdote xe'el-pe chupan ri jay richin ri Dios, jari' toq ri ruk'ojlen ri Jehová ri k'o chupan jun nimalej sutz' xunojisaj ri rachoch.

1 Rey 8:12

Y xeri' ri Salomón xch'on rik'in ri Jehová y xubij: Rat Jehová abin chi kan chupan jun mokol sutz' yak'oje-wi.

2 Crón 5:14

y ri e sacerdote man xetikir ta chik xek'oje' chiri' richin xesamej, roma ri sutz' ri'. Ri ruq'ij-ruk'ojlen ri Jehová xunojisaj chijun ri k'ak'a' rachoch.

Wuj Richin Bix Chire ri Dios 90:16

Xtiq'alajin ta chik pe ri meyel taq abanobal qik'in roj ri oj asamajela'. Ri ak'ojlemal rat kan ta xtiq'alajin-pe pa kiwi' ri qijatzul.

Wuj Richin ri Hageo 2:7

Rija' xtuben chike konojel winaqi' chi xkebaybot. Jari' k'a toq rije' xtikik'en-pe ronojel ri kibeyomel re wawe', roma richin rija' ronojel ri saqipueq y ri q'anapueq. Y ri ruk'ojlen ri Dios xtunojisaj ri k'ak'a' rachoch. Ri Jehová ri k'o ronojel uchuq'a' pa ruq'a' rusujun ronojel re'.

Ex 29:43

Y ja ri chiri' chuqa' xtiqak'ul-wi-qi', ri awinaq y yin, roma ri' ri chiri' ri akuchi niban-wi oken, kan xtok wichin yin, roma ja ri chiri' xtink'ut-wi' rik'in ri nuq'ij-nuk'ojlen.

Wuj Richin ri Isaías 6:1

Chupan k'a ri juna' toq xken ri rey Ozías, jari' toq yin xintz'et chupan jun achi'el achik' chi ri Jehová tz'uyul pa ruwi' ri rutz'uyubal ri k'o el pa jotol y janila nim. Y ri ruchi' ri rutziaq runojisan ri rachoch.

Ez 10:4

K'ari' ri ruk'ojlemal ri Jehová xyakatej-el pa ruwi' ri querubín y xbe pa ruchojmilal ri okibel richin ri rachoch ri Jehová. Y ri sutz' ri' xunojisaj ri jay y chuqa' kan xusaqirisaj ri ruwa-jay rik'in ri ruk'ojlemal ri Jehová.