1 Rey 7:8 - Kaqchiquel Bible

⁸ Ri rachoch rija' xuben-q'anej pa jun chik ruwa-jay, chirij-apo ri Jay Richin Q'atbel-tzij. Y ri Salomón xupaba' chuqa' jun chik jay richin chi chiri' xk'oje-wi ri rixjayil, ri rumi'al ri rey richin Egipto. Y ri kibanik ri jay ri' kan junan rik'in ri ch'aqa' chik jay.

1 Rey 7:8 ပူးပေါင်းရင်းမြစ်များ

1 Rey 3:1

Ri rey Salomón xk'ule' rik'in ri rumi'al ri rey richin Egipto, y keri' xjunamatej-kiwech, y xek'oje' chiri' pa rutinamit kan ri rey David, rokik chiri' pa Jerusalem najin rupabaxik ri rachoch rija', ri rachoch ri Jehová y ri tz'aq ri nisutin-rij ri tinamit ri'.

1 Rey 7:9

Ronojel k'a ri jay ri xeban-q'anej, kan rik'in k'a jebelej taq abej xeban-wi. Ja k'a abej ri' xe'ukusex richin ri kixe' ri jay y ronojel ri xjote-q'anej. Y ri abej ri' kan jebel k'a kiqupixik xban chire rik'in jun qupibel-abej richin liq'-liq' xetzu'un.

1 Rey 9:16

Y re tinamit Guézer jare' ri xuch'ek ri rey richin Egipto, y chuqa' xerukamisaj konojel ri winaqi' aj chiri' y xuya' ruq'aq'al. Y ja tinamit ri' ri xusipaj chire ri rumi'al ri k'ulan rik'in ri Salomón.

1 Rey 9:24

Ri rixjayil ri Salomón, ri rumi'al ri rey richin Egipto, xel k'a el ri chiri' pa rutinamit kan ri rey David y xq'ax k'a q'anej pa rachoch rija' ri xban-q'anej roma ri Salomón. Y k'ari' ri Salomón xutaq'ajuj, xeruben ch'aqa' chik jay y xusutij chi tz'aq.

2 Rey 20:4

Ri Isaías beneq, y toq man jani tapon pa nik'aj ruwa-jay, jari' toq ri Jehová xch'on chik pe rik'in y xubij chire:

2 Crón 8:11

Ri Salomón kan xupaba' yan k'a q'anej jun jay richin ri rixjayil, rumi'al ri rey richin Egipto. Xrelesaj k'a el chiri' chupan ri tinamit richin kan ri rey David, roma xuch'ob chi ri rixjayil man ruk'amon ta nik'oje' chiri' pa rachoch kan ri David, roma kan chiri' xk'oje-wi ri káxa richin ri rujikibel-tzij ri Dios, y ri chiri' kan janila rejqalen. Ri Salomón xuq'axaj k'a q'anej ri rixjayil chupan ri k'ak'a' jay ri'.