1 Rey 7:46 - Kaqchiquel Bible

⁴⁶ Ri rey xuteq k'a rubanik ronojel re' chupan jun taq'aj richin ri raqen-ya' Jordán, y ri taq'aj ri' k'o chukojol ri tinamit Sucot y ri Saretán. Y rik'in k'a q'enq'oj-pueq ya'erisan xeruben-wi, y xkikusaj k'a ri xeq-ulew richin xeban.

1 Rey 7:46 ပူးပေါင်းရင်းမြစ်များ

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.

2 Crón 4:17

Ri rey xuteq k'a rubanik ronojel re' chupan jun ruwa-taq'aj richin ri raqen-ya' Jordán, y ri ruwa-taq'aj ri' k'o chukojol ri tinamit Sucot y ri Saretán. Y kan pan ulew k'a xeban-wi-qa ri kibanik ronojel ri taq wachibel ri xeban y chiri' xkaq'ux-qa ri q'enq'oj-pueq ya'erisan.

Wuj Richin ri Rutikeribel 33:17

Jak'a ri Jacob xa pa Sucot*f29* xbe-wi y chiri' xupaba-q'anej jun rachoch y chuqa' xeruben-q'anej kachoch ri rawej rik'in ruq'a-che'; roma ri' xubij Sucot chire ri akuchi xk'oje-wi-qa.

Wuj Richin ri Josúe 13:27

Y chupan ri taq'aj richin ri raqen-ya' Jordán, chuqa' xkichinaj ri tinamit Bet-aram, ri tinamit Bet-nimrá, ri tinamit Sucot, ri tinamit Safón, y ri ch'aqa' chik tinamit ri xek'oje' pa ruq'a' ri Sihón, rey richin ri Hesbón. Ri jun k'ulba't napon pa qajbel-q'ij chire ri raqen-ya' Jordán y ri jun chik k'ulba't napon pa xaman chire ri ruchi' ri choy richin Quinéret.

1 Rey 4:12

Ri Baaná ruk'ajol ri Ahilud ja rija' ri k'o pa ruwi' ri ruwach'ulew ri nitiker-pe pa relebel-q'ij rik'in ri tinamit Bet-seán, Saretán y ri Abel-meholá, chijun ri taq'aj richin Jezreel chukojol ri tinamit Meguido y Taanac, y napon k'a pa tinamit Jocmeam ri k'o pa qajbel-q'ij.