1 Rey 7:28 - Kaqchiquel Bible

²⁸ Kere' kibanik ri carretón ri': Kan achi'el káxa kibanik, y chi kaji' ruxikin e ya'on ri ripireq q'enq'oj-pueq ri ek'o retz'aba'l chijun ruwech. Y ri ripireq q'enq'oj-pueq e ya'on-apo chuwech ri ru-marko ri káxa ri'.

1 Rey 7:28 ပူးပေါင်းရင်းမြစ်များ

1 Rey 7:27

Chuqa' xuben lajuj carretón rik'in q'enq'oj-pueq richin yek'oje' yakbel-ya' pa ruwi'; chikijujunal jujun jaj ri kaqen, y ri kiwech jujun jaj chuqa', y jubama jun jaj ri kijotolen.

1 Rey 7:29

Y chikiwech ri ripireq ch'ich', e banon re jalajoj ruwech wachibel re': Querubín, koj y bóyix. Y ri marco richin ri pa jotol y ri pa xulan kan e banon tzeqaj kotz'i'j chuwech.

2 Rey 16:17

Y kan xuchoy k'a ri ripireq ch'ich' ri ek'o pa taq ruxikin ri carretón richin yakbel-ya'. Chuqa' xerelesaj ri yakbel taq ya' ri'. Chuqa' xrelesaj ri nimalej yakbel-ya' ri k'o pa kiwi' ri wachibel bóyix ri e banon rik'in q'eqapueq, y k'ari' xuya' pa ruwi' ulew y xerutemej rik'in abej.

1 Rey 7:40

Ri Huram xeruben chuqa' jalajoj kiwech bojo'y y pala elesabel chaj. Keri', xuk'is k'a rubanik ronojel ri samaj richin ri rachoch ri Jehová, ri xubij ri rey Salomón chire, y ja ronojel re' ri xuben: Ri ka'i' pilar, Ri ka'i' retz'aba'l ruwi' ri ka'i' pilar, Ri ka'i' wiqobel ri xuben ri achi'el ya'l rubanik ri richin ri retz'aba'l ruwi' ri ka'i' pilar, Ri 400 ruwachibel granada richin xuya' chuchi' ri ka'i' achi'el ya'l rubanik, ri wok'al xeruyala' pa jujun cholaj, Ri lajuj carretón rik'in kokoj yakbel-ya', Ri nimalej yakbel-ya' y ri kablajuj kiwachibel bóyix, Ri jalajoj kiwech bojo'y y ri pala elesabel chaj. Ronojel re samajibel re' richin ri rachoch ri Jehová, xeruben ri Huram achi'el ri xbix chire roma ri rey Salomón. Y re' xeruben rik'in q'enq'oj-pueq y kan jebel yerepelun xeruben chire.