1 Rey 7:12 - Kaqchiquel Bible

¹² Y ri ruwa-jay richin ri rachoch ri Salomón y ri rachoch ri rixjayil sutin k'a rij rik'in jun tz'aq ri banon rik'in abej, y xban chire chi pa ruwi' ri ox-ox cholaj abej, xeq'ebalox kan jujun cholaj tz'alem ri banon rik'in tiox-che'. Ri rubanik ri ruwa-jay ri' kan junan rik'in ri tz'aq richin ri ruwa-jay richin ri rachoch ri Jehová y ri corredor.

1 Rey 7:12 ပူးပေါင်းရင်းမြစ်များ

1 Rey 6:36

Y xuben k'a ri tz'aq chirij ri ruwa-jay richin xutz'apej rij, y xuben-q'anej rik'in abej ri banon chik rutzil. Xuben chire chi pa ruwi' ri ox-ox cholaj abej, xeq'ebalox kan jujun cholaj tz'alem ri banon rik'in tiox-che'. Y keri' xban chire chijun ri tzaq.

Hechos 5:12

Ri e taqon roma ri Cristo janila k'a k'iy meyel taq banobel y retal ri yekibanala' chikiwech ri winaqi'. Y ri kan kikuquban kik'u'x rik'in ri Dios, junan k'a kiwech nikimol-ki' chiri' chuwa-jay richin ri rachoch ri Dios, ri rubini'an Ruwa-jay richin Salomón.

Hechos 3:11

Ri achin ri' e ruchapapen k'a ri Pedro y ri Juan. Y janila chi winaqi' ri xebe chi'anin chikitz'etik ri chiri' chuwa-jay richin ri rachoch ri Dios, ri rubini'an Ruwa-jay richin Salomón. Y ri winaqi' ri' janila xkimey.

San Juan 10:23

Ri Jesús k'o k'a apo chupan ri rachoch ri Dios. Y pa jun corredor ri rubini'an Richin ri Salomón, chiri' k'a nibiyajilan-wi.

1 Rey 7:6

Chuqa' xuben jun chik nima-jay ri maneq ruxe', y ri jay ri' rubini'an Jay Richin Xata't. Ri ruyuqulen oxlajuj jaj rik'in nik'aj, y ri ruwech waqxaqi' jaj. Chire re jay re' k'o chik k'a jun corredor ri niberutunu-ri' rik'in jun chik jay, y re' k'o ruxata't y ruwi' chuqa'.

1 Rey 7:11

Y chuqa' akuchi xebetane-wi kan ri jay ri pa jotol, kan ja ri jebelej taq abej k'a ri xe'ukusex chire, y re' kan e chojmirisan chik y etan jebel. Y xe'ukusex chuqa' ri tiox-che'.

1 Rey 6:3

Ri corredor ri k'o-pe chuwech ri ruchi' ri rachoch ri Dios, k'o k'a wo'o' jaj rik'in ka'i' q'a'aj raqen y ka'i' jaj rik'in nik'aj ri ruwech.

2 Crón 4:9

Chuqa' ri Salomón xuben ri ruwa-jay akuchi yesamej-wi ri e sacerdote, y jun chik ruwa-jay ri más nim. Xeruya' ri kichi' ri ka'i' ruwa-jay, y xutz'apej-kij rik'in q'enq'oj-pueq.