1 Rey 6:5 - Kaqchiquel Bible

⁵ Chuqa' xerupabala-q'anej ch'aqa' chik jay pa taq ruxikin y ri chirij. Pa taq cholaj k'a xerubanala' chike, y oxi' wiq jotol chikaj.

1 Rey 6:5 ပူးပေါင်းရင်းမြစ်များ

1 Rey 6:16

Chupan ri nima-jay ri' xuben k'a jun rutaslen, richin xuben chik kan jun ti jay ri chirij-qa. Y xuben chi wo'o' jaj rik'in ka'i' q'a'aj raqen y wo'o' jaj rik'in ka'i' q'a'aj ruwech. Ri ti jay ri' xut'ajajej chuqa' rik'in tz'alem tiox-che', nitiker-el pan ulew y napon k'a chikaj-q'anej. Keri' k'a xban ri jay ri akuchi kan man jun wineq nok-apo roma chiri' k'o-wi ri Jehová.

Wuj Richin Bix Chire ri Dios 28:2

Tabana' utzil kinawak'axaj toq yin yich'on awik'in chupan ri awachoch, toq ninyek ri nuq'a' richin nink'utuj to'onik chawe.

2 Crón 5:9

Ri baloj taq che' ri' kan janila k'a e nima'q kaqen, y roma ri' chupan ri jay ri' kan niq'alajin ri kitza'n, jak'a xa man niq'alajin ta chik ri chupan ri nima-jay. Y keri' k'a rubanon kan.

2 Crón 5:7

Ri sacerdote xkiya-apo ri káxa richin ri rujikibel-tzij ri Jehová chupan ri jay ri xban akuchi nik'oje-wi ri Jehová, ri akuchi kan man jun wineq nok-apo, chuxe' ri kixik' ri querubín,

1 Rey 6:31

Y ri pan okibel richin ri jay ri akuchi k'o-wi ri Jehová, xuya' ruchi' ri banon rik'in tz'alem olivo. Ri ruchi' ri jay wo'o' k'a rutza'n.

Ez 40:44

Toq jun nel-el pa corredor richin nok-apo chuwa-jay ri chiri' pa xaman, k'o jun chik jay. Y ri ruchi' nitzu'un pa xokon. Y toq jun nel-el pa corredor richin nok-apo chuwa-jay ri chiri' pa xokon, k'o jun chik jay. Y ri ruchi' nitzu'un pa xaman.

Wuj Richin ri Jeremías 35:4

Y xenk'uaj pa rachoch ri Jehová y xojok-apo pa kachoch ri ralk'ual ri Hanán ruk'ajol ri Igdalías, ri rusamajel ri Dios; ri jay ri' k'o-apo chunaqaj ri jay kichin ri tata'al, ri k'o pa ruwi' ri rachoch ri Maaseías ruk'ajol ri Salum ri nichajin ri ruchi' ri rachoch ri Dios.

Wuj Richin ri Nimalej Bix 1:4

Kan chi'anin k'a kinak'uaj-el, kan kinak'uaj k'a el pan awachoch. Kan janila k'a yojkikot awik'in rat. Kan niqaya' más rejqalen ri awajowabal rat ke chuwech ri vino. Xa roma aj k'a ri' janila yatajowex.

Wuj Richin ri Nehemías 12:44

Chupan ri q'ij ri' xecha'ox kan achi'a' richin nikichajij ri jay richin ri beyomel, richin ri sipanik, richin ri nabey taq ruwech tiko'n, richin ri jun chire ri lajuj chire ri kich'akoj, roma ri winaqi' k'o chi nikik'en-pe juba' chire ronojel ri nipe pa taq juyu' y pa taq tinamit, richin nich'ar chike ri sacerdote y ri levita, y roma ri' ri winaqi' judío janila yekikot kik'in re sacerdote y re levita re'.

Wuj Richin ri Nehemías 10:37

Y chuqa' xqaya' qatzij chi niqak'uaj pa rachoch ri Dios chike ri sacerdote ronojel re': Ri k'ej richin ri nabey taq k'ej, ri qasipanik richin jalajoj ruwech ixin, ri jebelej ruwech taq che' richin yetij, ri jebelej taq vino y ri jebelej taq aceite richin olivo. Y chike ri e levita niqaya' ri jun chire ri lajuj richin ronojel, toq rije' xke'el richin nikimol.

2 Crón 31:11

K'ari' ri Ezequías xubij chi kejosq'ix ri jay ri ek'o chiri' pa rachoch ri Dios, richin nok yakonabel. Y kan keri' xbanatej.

1 Crón 28:11

K'ari' ri David xuya' k'a kan chire ri Salomón ri ruk'ajol, ri wuj ri achoq chuwech rubanon-wi kan ri achike rubanik niban chire ri rachoch ri Dios: Ri jay ri akuchi niban-wi oken, ri jay richin niyak ri samajibel, ri ruka'n wiq jay, y ri jay ri akuchi nik'oje-wi ri káxa.

1 Crón 23:28

Xek'oje' k'a kan ri e rijatzul ri Aarón chuxe' kitzij ri e sacerdote, richin yesamej pa rachoch ri Dios. Ja rije' ri yejosq'in ri ruwa-jay y ri pa jay, y nikich'ajch'ojirisaj ri samajibel ri yekusex toq niya'ox ruq'ij ri Dios, y keri' chuqa' ri ch'aqa' chik samaj ri niban chiri'.

1 Crón 9:26

Jak'a ri e kaji' levita ri nikichajij ri kaji' ruchi' ri rachoch ri Dios, ja rije' ri ek'o pa ruwi' re samaj re'. Chuqa' ri e kaji' ri' kan nikichajij ri jay ri akuchi k'o-wi ri beyomel y ri ch'aqa' chik jay ri e richin chuqa' ri rachoch ri Dios.

Wuj Richin ri Q'axanri'il 7:89

Ronojel mul toq ri Moisés xok-apo chupan ri rachoch ri Dios richin molojri'il richin nibech'on rik'in, xrak'axaj ri ruch'abel ri Dios chiri' pa ruwi' ri tz'apebel-ruwi' ri káxa, chiri' chikikojol ri ka'i' kiwachibel querubín.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Ex 25:22

Y chiri' k'a pa ruwi' ri tz'apebel, chiri' chikikojol ri e ka'i' querubín, chiri' xtink'ut-pe-wi' chawech. Ja ri chiri' ri xtiqak'ul-wi-qi' richin xtinbij ri k'atzinel richin nikiben ri awinaq.

1 Rey 6:6

Ri cholaj jay ri ek'o pa nabey wiq jun jaj rik'in ka'i' q'a'aj ruwech ri kipan, y ri cholaj jay ri ek'o pa ruka'n wiq, jun jaj rik'in nik'aj ruwech ri kipan y ri rox wiq jun jaj rik'in nik'aj ruwech ri kipan. Ri tz'aq richin ri jay kan choj-choj beneq-q'anej niq'alajin ri chuwech, jak'a ri chupan, ri tz'aq richin ri nabey wiq kan más pim rubanon y ri ruka'n wiq más chik juba' xax, y ri tz'aq richin ri ruk'isibel-q'anej wiq kan más k'a ti xax. Keri' k'a xban chire richin chi ri che' ri yeq'e'e', yeli'e-qa pa ruwi' ri wiq tz'aq ri e banon kan.

Wuj Richin ri Jeremías 35:2

Kabiyin kik'in ri aj-Recab y ke'ak'uaj chupan jun chike ri jay richin ri wachoch ri ek'o wawe'. K'ari' taya' juba' vino chike, xcha' chuwe.

Ez 41:4

Xeri' rija' xretaj rupan ri jay y waqi' jaj ruwech y waqi' jaj raqen. Y ri jay ri' jari' ri akuchi kan man jun wineq nok-apo, kan xaxe ri Dios.

Ez 40:17

Chirij ri' ri achin xiruk'uaj-el pa corredor y xojel-el chuwa-jay. Y ri chiri' losa ukusan chire ri rusutin-q'anej ruwech ri tz'aq y ri ruwech, wolajuj jaj y ri' k'o k'a pa xulan. Y yin xintz'et ri chiri' pa ruwi' ri losa ri' banon juwineq lajuj taq jay.