1 Rey 6:3 - Kaqchiquel Bible

³ Ri corredor ri k'o-pe chuwech ri ruchi' ri rachoch ri Dios, k'o k'a wo'o' jaj rik'in ka'i' q'a'aj raqen y ka'i' jaj rik'in nik'aj ri ruwech.

1 Rey 6:3 ပူးပေါင်းရင်းမြစ်များ

San Juan 10:23

Ri Jesús k'o k'a apo chupan ri rachoch ri Dios. Y pa jun corredor ri rubini'an Richin ri Salomón, chiri' k'a nibiyajilan-wi.

San Mateo 4:5

Chirij ri' ri Itzel-Wineq xuk'uaj ri Jesús k'a pa tinamit Jerusalem, y k'a ja ri pa ruwi' ri nimalej rachoch ri Dios xberuya-wi.

Ez 41:15

Ri jay ri k'o chirij ri rachoch ri Dios k'o chik jujun taq jay pa ruxikin. Y ri ruwech ri oxi' jay ri' juwineq lajuj jaj. Ronojel ri tz'aq ri ek'o chupan ri ka'i' jay ri ek'o chupan ri rachoch ri Dios y ri akuchi yatok-wi-apo

1 Crón 28:11

K'ari' ri David xuya' k'a kan chire ri Salomón ri ruk'ajol, ri wuj ri achoq chuwech rubanon-wi kan ri achike rubanik niban chire ri rachoch ri Dios: Ri jay ri akuchi niban-wi oken, ri jay richin niyak ri samajibel, ri ruka'n wiq jay, y ri jay ri akuchi nik'oje-wi ri káxa.

1 Rey 6:2

Y ri rupan rachoch ri Jehová ri xupaba-q'anej ri rey Salomón xuya' k'a waqlajuj jaj raqen, wo'o' jaj rik'in ka'i' q'a'aj ruwech y waqxaqi' jaj rujotolen.

1 Rey 6:4

Pa jotol-q'anej chire ri jay ri' xerubanala' ventana ri kokoj yeq'alajin ri chuwech-el y ri chupan xa janila e nima'q kibanik.

1 Rey 7:21

Ri Huram xerupaba' k'a q'anej ri pilar chuwech ri rachoch ri Jehová, y toq e ruya'on chik k'a pa kik'ojelibal xuya' kibi': Ri pilar ri k'o pa xaman xubini'aj Bóaz,*f4* y ri pilar ri k'o pa xokon xubini'aj Jaquín.

Ez 40:48

Chuqa' ri achin xiruk'uaj-el k'a pan okibel richin ri rachoch, akuchi k'o jun jay ri k'o chi naq'axaj richin yatok pa rachoch ri Dios. Ri retabal re jay re' waqi' jaj ruwech y oxi' jaj rik'in oxi' q'a'aj raqen. Ri ruchi-jay kaji' jaj rik'in jun q'a'aj ruwech y ek'o ka'i' pilar pa taq ruxikin. Y ri ruwech chikijujunal ri pilar ri' jun jaj y ri rupimil k'o jun jaj rik'in jun q'a'aj. Y richin yatok chupan ri jay ri' k'o chi yajote-q'anej pa grada.

1 Rey 7:12

Y ri ruwa-jay richin ri rachoch ri Salomón y ri rachoch ri rixjayil sutin k'a rij rik'in jun tz'aq ri banon rik'in abej, y xban chire chi pa ruwi' ri ox-ox cholaj abej, xeq'ebalox kan jujun cholaj tz'alem ri banon rik'in tiox-che'. Ri rubanik ri ruwa-jay ri' kan junan rik'in ri tz'aq richin ri ruwa-jay richin ri rachoch ri Jehová y ri corredor.