1 Rey 6:20 - Kaqchiquel Bible

²⁰ Y ri jay ri' ri akuchi kan man jun wineq nok-apo xuben chire chi kaji' jaj rik'in nik'aj raqen, ri ruwech y ri rujotolen. Xutz'apej rik'in q'anapueq ri jebel ch'ajch'oj, ronojel ri ruwech ri jay ri' y xuben chuqa' ri porobel-pom rik'in tiox-che', y k'ari' xutz'apej-rij rik'in q'anapueq.

1 Rey 6:20 ပူးပေါင်းရင်းမြစ်များ

1 Rey 7:48

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq, y jare': Ri nima-porobel-pom y ri ch'aqa' chik kokoj porobel-pom, Ri mesa ri niya'ox ri kaxlan-wey pa ruwi' ri nisuj chire ri Dios, Ri lajuj candelabro ri nibe aceite chupan ri e banon kotz'i'j chirij, y xeruya' chupan ri nima-jay chupan ri rachoch ri Jehová, wo'o' pa rijkiq'a' ri jay ri' y wo'o' pa rajxokon, Ri ch'aqa' chik lámpara, ri chojmirisabel ri kiq'aq'al y ri chupbel, Ri jalajoj kiwech bojo'y, ri cuchara y Ronojel ri bisagra richin ri nima'q taq ruchi-jay richin ri rachoch ri Jehová.

1 Rey 6:22

Xuya' k'a q'anapueq chijun ruwech ri rupan ri ka'i' jay, nitiker-el pan ulew k'a pa jotol-q'anej. Chuqa' xuya' k'a q'anapueq chirij ri porobel-pom ri k'o-apo chupan ri jay akuchi k'o-wi ri Jehová.

1 Rey 6:19

Y ri ti jay ri k'o-apo chirij xuwiq k'a, richin chiri' niya'ox-wi ri káxa richin ri rujikibel-tzij ri Jehová.

1 Rey 6:21

Chuqa' xutz'apej ruwech ri tz'alem chupan ri jun chik jay rik'in q'anapueq ri jebel ch'ajch'oj, y xuben jun cadena ri banon rik'in q'anapueq, y xuya' akuchi k'o-wi ri okibel chupan ri jay ri kan man jun wineq nok-apo chiri'.

2 Crón 3:7

Xuya' k'a q'anapueq chupan chijun ri rupan ri jay, ri tem, ri palibel richin ri okibel, ri ruwech ri tz'aq, ri ruchi-jay, y chuqa' xeruben kiwachibel querubín e k'oton chuwech ri jay.

Ez 41:4

Xeri' rija' xretaj rupan ri jay y waqi' jaj ruwech y waqi' jaj raqen. Y ri jay ri' jari' ri akuchi kan man jun wineq nok-apo, kan xaxe ri Dios.

Ez 41:22

wo'o' q'a'aj raqen, wo'o' q'a'aj ruwech y jun jaj ri rujotolen. Ri pa taq ruxikin, ri rutz'uyubal y ri chi kaji' ruwech ri porobel ri' e tz'apen-kij rik'in che'. Y ri achin ri' xubij chuwe chi re mesa re' richin ri Jehová.

Ex 26:29

Ronojel k'a marco xkeq'olix rik'in q'anapueq y chuqa' xkekiben argolla rik'in q'anapueq, richin chi chiri' yeju'ux-wi ri che'. Y re che' re' e q'olin chuqa' rik'in q'anapueq.