1 Rey 6:19 - Kaqchiquel Bible

¹⁹ Y ri ti jay ri k'o-apo chirij xuwiq k'a, richin chiri' niya'ox-wi ri káxa richin ri rujikibel-tzij ri Jehová.

1 Rey 6:19 ပူးပေါင်းရင်းမြစ်များ

Wuj Richin Bix Chire ri Dios 28:2

Tabana' utzil kinawak'axaj toq yin yich'on awik'in chupan ri awachoch, toq ninyek ri nuq'a' richin nink'utuj to'onik chawe.

2 Crón 5:7

Ri sacerdote xkiya-apo ri káxa richin ri rujikibel-tzij ri Jehová chupan ri jay ri xban akuchi nik'oje-wi ri Jehová, ri akuchi kan man jun wineq nok-apo, chuxe' ri kixik' ri querubín,

1 Rey 6:16

Chupan ri nima-jay ri' xuben k'a jun rutaslen, richin xuben chik kan jun ti jay ri chirij-qa. Y xuben chi wo'o' jaj rik'in ka'i' q'a'aj raqen y wo'o' jaj rik'in ka'i' q'a'aj ruwech. Ri ti jay ri' xut'ajajej chuqa' rik'in tz'alem tiox-che', nitiker-el pan ulew y napon k'a chikaj-q'anej. Keri' k'a xban ri jay ri akuchi kan man jun wineq nok-apo roma chiri' k'o-wi ri Jehová.

1 Rey 6:5

Chuqa' xerupabala-q'anej ch'aqa' chik jay pa taq ruxikin y ri chirij. Pa taq cholaj k'a xerubanala' chike, y oxi' wiq jotol chikaj.

1 Rey 6:18

Chijun ri rupan ri rachoch ri Jehová xnojisex ruwech rik'in tiox-che' y kan man jun abej niq'alajin ta pe. Y ri tiox-che' ri xeyolox chuwech ri jay kan xeban k'a jalajoj ruwech retz'aba'l achi'el ri kotz'i'j y ri ruwachibel taq ik'oy.

1 Rey 6:20

Y ri jay ri' ri akuchi kan man jun wineq nok-apo xuben chire chi kaji' jaj rik'in nik'aj raqen, ri ruwech y ri rujotolen. Xutz'apej rik'in q'anapueq ri jebel ch'ajch'oj, ronojel ri ruwech ri jay ri' y xuben chuqa' ri porobel-pom rik'in tiox-che', y k'ari' xutz'apej-rij rik'in q'anapueq.