1 Rey 5:9 - Kaqchiquel Bible

⁹ Ri nusamajela' xtikeraj-el ri che' pa Líbano y xtikik'uaj k'a chuchi' ri palou. Y yin xtinteq-el ri che' ri' pa ruwi' ya' richin napon akuchi xtabij-wi rat. Y chiri' ri asamajela' xtikisol ri che' y xtikeraj-el. Xaxe k'a nink'utuj chawe chi xtaya-pe chike ri nusamajela' ronojel ri nik'atzin richin nitij wawe' pa wachoch, xcha'.

1 Rey 5:9 ပူးပေါင်းရင်းမြစ်များ

Ez 27:17

Y chuqa' ri winaqi' aj-Judá y ri aj-Israel yepe rik'in richin ye'oloq'on; nikik'en-pe trigo ri nipe pa tinamit Minit. Chuqa' nikik'en-pe kab ri nikiya' ri taq chikopi', aceite richin olivo y jalajoj kiwech aq'om y rik'in ri' nikitojbej kan.

Wuj Richin ri Esdras 3:7

Y xkiya' k'a méro chike ri aj-tz'aq y chike ri ajanela' ri xkebesamej. Y chuqa' xkiya' kiway-kuk'ya' y aceite, chike ri aj-Sidón y ri aj-Tiro, richin chi nikik'en-pe tiox-che' k'a pa Líbano y nikik'uaj k'a pa Jope pa ruwi' ya'. Y ronojel re' xban roma ri Ciro, rey richin Persia, kan xuya' q'ij chike.

Hechos 12:20

Chirij re' ri rey Agripa kan royowal k'a chike ri aj-Tiro y ri aj-Sidón. Jak'a rije' xkiya' chikiwech richin yebe rik'in rija'. Y xkich'ek k'a ri jun rusamajel ri Agripa rubini'an Blasto, richin xeruk'uaj k'a chuwech ri rey y xkichojmirisaj chikiwech chi tik'is chiri' ri oyowal, roma ja ri chiri' pan Israel nel-wi-el ri nitij ri pa ka'i' tinamit ri'.

2 Crón 2:16

Y roj kan xtiqaben k'a ri ache' re wawe' pa Líbano ri nik'atzin chawe rat, y xtiqak'owisaj-el chawe pa ruwi' ri palou, k'a pa tinamit Jope. Y chiri' ja rat chik k'a yatuk'uan-q'anej pa Jerusalem, xcha-el ri rey Hiram.

2 Crón 1:15

Chuqa' kan xumol ruchi' saqipueq y q'anapueq pa ruk'iyal chiri' pa Jerusalem, y kan achi'el chik k'a ri abej rubanon, y chuqa' janila xetamex ruwech ri tiox-che' kan achi'el etaman ruwech ri ruche'el wíkix ri k'o chuwa-taq'aj.

Deut 3:25

Roma ri' nink'utuj jun nimalej utzil chawe richin chi naya' ta q'ij chuwe richin yiq'ax la juk'an chik chire ri raqen-ya' Jordán, roma yin ninwajo' nintz'et ri utzilej ruwach'ulew, y nintz'et ta ri jebelej taq juyu' richin ri Líbano, keri' xinbij.

1 Rey 5:8

K'ari' xuteq rubixik chire ri rey Salomón y xubij: Xink'ul yan k'a ri ch'abel ri xateq-pe rubixik chuwe. Yin kan xtinya' k'a chawe ri che' ri ak'utun-pe, y chuqa' xtinya-el k'isis ri nik'atzin chawe.

1 Rey 5:10

Y keri' ri rey Hiram kan xuya' k'a ronojel ri tiox-che' y ri k'isis, xa janipe' ri nik'atzin chire ri rey salomón.

1 Rey 9:27

Y ri rey Hiram xeruteq k'a ri rusamajela' richin yebesamej chupan ri barco ri xeruben ri Salomón. Ri achi'a' ri' kan jebel ketaman achike rubanik yekik'uaj barco pa ruwi' ri palou. Kan junan xesamej kik'in ri rusamajela' ri Salomón.

1 Rey 3:12

Y roma ri' ninya' chawe ri xak'utuj chuwe. Xtinojisaj k'a ri awánima rik'in na'oj y re' kan man jun achoq chire nuya'on-wi y man jun achoq chire xtinya-wi ri chawech-apo.

1 Rey 4:20

Ri aj-Judá y ri aj-Israel kan e janila k'a chi winaqi', ri kajlabal kan achi'el chik k'a ri sanayi' ri k'o chuchi' ri palou. Rije' kan jebel k'a ri k'aslen kik'uan roma jebel yewa' y ye'uk'ya', y kan janila k'a kikoten k'o kik'in.

2 Crón 9:22

Kan xaxe k'a ri rey Salomón ri k'o más rubeyomel y más runa'oj chikiwech konojel rey richin ri ruwach'ulew.

Wuj Richin ri Achin Job 32:8

Jak'a xa man keri' ta, ri wineq k'o runa'oj roma kan ja ri Dios ri xya'on chire toq xuya' ruk'aslen, kan ja ri Dios ri k'o ronojel uchuq'a' pa ruq'a', ri xya'on na'oj chire toq xuxupuj k'aslen rik'in.

Wuj Richin ri Molojri'il 1:16

Yin kan xinbij k'a pa wánima: Kan janila nuq'ij, kan xk'oje' nim nuna'oj chikiwech ri ch'aqa' chik rey ri xek'oje' yan el pa Jerusalem roma xk'oje' nuna'oj y wetamabal.