1 Rey 5:8 - Kaqchiquel Bible

⁸ K'ari' xuteq rubixik chire ri rey Salomón y xubij: Xink'ul yan k'a ri ch'abel ri xateq-pe rubixik chuwe. Yin kan xtinya' k'a chawe ri che' ri ak'utun-pe, y chuqa' xtinya-el k'isis ri nik'atzin chawe.

1 Rey 5:8 ပူးပေါင်းရင်းမြစ်များ

2 Crón 3:5

y chupan apo ri nima-jay, xeruya' tz'alem ri banon rik'in k'isis, y chuwech k'a ri tz'alem ri' ya'on q'anapueq. Rija' xerubanala' k'a kiwachibel palmera y cadena chuwech ri rupan ri jay.

1 Rey 6:34

Y ri ruxaq ri ruchi-jay ri', rik'in k'a k'isis xeruben-wi, y kaji' k'a ruxaq ruk'uan ri' ri kan yerik'itej toq yejaqatej, xuben chire.

1 Rey 6:15

Ronojel ri ruwech ri rupan ri jay, xuya' tz'alem tiox-che' chuwech. Ri tz'alem ri' xerut'ajajej-q'anej, xuchop-el ri pan ulew chire ri jay k'a pa jotol-q'anej k'a akuchi e q'e'el-wi ri tem richin ri ruwi'. Y ri pan ulew, tz'alem k'isis k'a ri xerut'ajajej-qa.

2 Sam 6:5

Ri David y ri ch'aqa' chik israelita yetzopilan k'a e beneq, yebixan k'a chuwech ri Jehová rik'in jalajoj ruwech q'ojom.

1 Rey 5:7

Toq ri rey Hiram xrak'axaj ri ch'abel ri rutaqon-el rubixik ri rey Salomón, janila xkikot y xmatioxin y xunimirisaj ruq'ij ri Jehová, roma kan ruya'on jun ruk'ajol ri David, ri janila runa'oj richin nuq'et-tzij pa ruwi' ri jun nimalej tinamit.

1 Rey 5:9

Ri nusamajela' xtikeraj-el ri che' pa Líbano y xtikik'uaj k'a chuchi' ri palou. Y yin xtinteq-el ri che' ri' pa ruwi' ya' richin napon akuchi xtabij-wi rat. Y chiri' ri asamajela' xtikisol ri che' y xtikeraj-el. Xaxe k'a nink'utuj chawe chi xtaya-pe chike ri nusamajela' ronojel ri nik'atzin richin nitij wawe' pa wachoch, xcha'.

2 Crón 2:16

Y roj kan xtiqaben k'a ri ache' re wawe' pa Líbano ri nik'atzin chawe rat, y xtiqak'owisaj-el chawe pa ruwi' ri palou, k'a pa tinamit Jope. Y chiri' ja rat chik k'a yatuk'uan-q'anej pa Jerusalem, xcha-el ri rey Hiram.