1 Rey 5:5 - Kaqchiquel Bible

⁵ Roma ri' yin wakami ninwajo' ninpaba-q'anej jun rachoch ri Jehová ri nu-Dios, roma kan keri' rubin chire ri nata' toq k'a k'es na rija'. Ri Jehová xubij chire ri nata' chi xtuya' kan jun chike ri ruk'ajol pa ruk'exel rija' chupan ri ruq'atbal-tzij. Y chuqa' xubij chi ri ruk'ajol ri', jari' ri xtipaban-q'anej ri rachoch.

1 Rey 5:5 ပူးပေါင်းရင်းမြစ်များ

1 Crón 22:10

Y ri Dios chuqa' xubij chi ja rija' ri xtipaban-q'anej jun jay pa rubi' ri Dios. Rija' kan xtok ruk'ajol ri Dios y ri Dios xtok rutata'; y kan xtujikiba' ri ruq'atbal-tzij richin q'asen pa ruwi' re ruwach'ulew Israel. Keri' xubij ri Jehová chuwe.

1 Crón 17:12

Rija' xtupaba-q'anej jun wachoch, y yin xtinjikiba' ri ruq'atbal-tzij richin q'asen.

1 Crón 28:6

Y chuqa' ri Dios xubij chuwe: Ja ri ak'ajol Salomón jari' ri xtipaban-q'anej ri wachoch y ri ruwa-jay, roma ja rija' ri xincha' richin xtok nuk'ajol y yin xkinok rutata'.

1 Crón 28:10

Tawetamaj k'a chi ri Jehová ri xacha'on richin napaba-q'anej ri jay richin rija'. Roma ri' tatija' aq'ij y tabana' ri samaj, xcha' ri David chire.

1 Rey 8:19

Jak'a xa man ja ta rat ri xkabebanon ri wachoch, roma xa ja ri ak'ajol ri xtawalk'ualaj, ja rija' ri xtipaban-q'anej ri wachoch, xcha' ri Dios chire.

Wuj Richin ri Chojmirisabelri'il 25:18

Kan tiyaka' k'a pa taq iwánima ronojel ri chojmirisabel y ri pixa' ri nuya'on chiwe, y kan titaqej k'a, richin keri' kan xkixk'ase' rik'in uxlanibel-k'u'x chuwech re ruwach'ulew.

Wuj Richin ri Chojmirisabelri'il 25:19

Ri ulew kan xtiwachin k'a y xtitej ronojel ri xtuya' y kan xtinoj k'a ipan chire y kan xkixk'ase' chiri' rik'in uxlanibel-k'u'x.

Deut 33:28

Rix kan xkixk'ase' rik'in kuqubabel-k'u'x y ri iwijatzul kan xkek'ase' rik'in uxlanen roma ri chiri' e maneq chik etzelanel kichin. Chuwech ri ruwach'ulew kan xtiwachin ri trigo y ri uva, y ri chikaj kan xtiqaqa-pe job pa ruwi' ri iwulew.

Wuj Kichin ri To'onela' 20:1

Jari' k'a xe'el-pe ri achi'a' ri e richin ri ch'aqa' chik tzobaj richin niban jun molojri'il pa tinamit Mispá chuwech ri Jehová. Xkimol k'a ki' y xa jun xkiben, xtiker-pe pa Dan ri k'o pa xaman, k'a pa Beerseba ri k'o pa xokon, y konojel ri achi'a' ri ek'o juk'an chik chire ri raqen-ya' Jordán.

2 Rey 18:31

Man k'a tinimaj rutzij ri Ezequías. Jak'a wi xtinimaj rutzij ri rey richin Asiria y xtijech-iwi', rija' kan xtuya' q'ij chiwe richin chi'ijujunal xkixtikir xtitej ruwech ri itiko'n, ri ruwech ri i-uva, ri ruwech ri iwíkix y kan xtiqum chuqa' ya' ri niwelesaj chupan ri i-pozo.

Wuj Richin ri Miqueas 4:4

Chupan ri q'ij ri' konojel k'a winaqi' man xtikixibij ta ki', y chikijujunal k'o kijuwi-uva y ri ruche'el ri kiwíkix, richin xtikitej pa ruk'iyal. Keri' nubij ri Jehová ri k'o pa ruwi' ronojel.

Wuj Richin ri Zacarías 3:10

Toq xtapon ri q'ij ri', rix kan xke'iwoyoj k'a ri iwachpochel, y xtimol-iwi' chuxe' ri juwi-uva y chuxe' ri ruche'el wíkix. Y kan xkixkikot k'a. Yin Jehová k'iytisanel richin ronojel ri yibin, xcha' ri ángel.