1 Rey 5:4 - Kaqchiquel Bible

⁴ Y wakami ri Jehová ri nu-Dios xuya' yan uxlanibel-k'u'x qik'in roma kan man jun chik etzelanel qichin k'o, ni man jun ri achike ta xtiqach'ob rij.

1 Rey 5:4 ပူးပေါင်းရင်းမြစ်များ

2 Sam 7:5

Kabiyin rik'in ri nusamajel David, y taya' re jun rutzijol re' chire: Man ja ta rat ri xkabepaban jun wachoch ri akuchi yik'oje-wi.

1 Rey 11:25

Kan xretzelaj ri tinamit Israel janipe' xk'ase-el ri rey Salomón. Ri Hadad y ri Rezón, rey pa ruwi' ri ruwach'ulew Siria, kan janila k'a chi etzelal xkiben chire ri Salomón.

1 Rey 4:24

Ri Salomón xq'aton-tzij pa ruwi' ri ruwach'ulew ri nitiker-pe pa qajbel-q'ij chire ri tinamit Tífsah ri k'o chuchi' ri raqen-ya' Éufrates, y napon k'a pa tinamit Gaza. Ja rija' xq'aton-tzij pa kiwi' konojel ri rey ri ek'o chiri', y kik'in k'a konojel re' xk'oje' uxlanibel-k'u'x.

1 Rey 5:18

Y ri samajela' ri yechoyon abej, ri xekichojmirisala' ri che' richin ri rachoch ri Jehová, ek'o aj chiri' pan Israel, ek'o aj-Sidón y ek'o aj-Guebal chuqa'.

2 Rey 18:8

Rija' xeruch'ek k'a ri aj-Filistea y xapon k'a pa tinamit Gaza. Xuchop-pe kik'in ri kokoj tinamit y xapon k'a kik'in ri nima'q taq tinamit.

1 Crón 22:9

Chuqa' xubij chuwe chi xtik'oje' jun nuk'ajol, y kan xtok jun achin richin uxlanibel-k'u'x, roma ri Dios xtuya' uxlanibel-k'u'x rik'in, y ri e etzelanel richin man jun xtikiben chire. Y roma ri' xubij chi xtubini'aj Salomón.*f8* Y chi chupan ri ruq'atbal-tzij kan xtik'oje' k'a uxlanibel-k'u'x y uxlanenri'il wawe' pan Israel.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

Wuj Richin Bix Chire ri Dios 72:7

Chupan ri q'ij toq xtiq'aton-tzij rija', kan xtikotz'ijan k'a ri ruchojmilal. Kan xtik'oje' k'a janila uxlanibel-k'u'x. Kan keri' k'a xtuben tibe-q'ij tibe-seq.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

Wuj Richin ri Josúe 15:47

Y chuqa' xkichinaj ri nima-tinamit Asdod rik'in ri e rutinamit y ri kokoj rutinamit, y chuqa' ri nima-tinamit Gaza rik'in ri e rutinamit y ri kokoj rutinamit ri napon k'a rik'in ri raqen-ya' richin Egipto y ri palou.