1 Rey 5:15 - Kaqchiquel Bible

¹⁵ Pa ruwi' re' ri rey Salomón xuteq koyoxik chuqa' e 70,000 rusamajela' ri ye'uk'uan ejqa'n, y e 80,000 achi'a' ri yechoyon abej y nikiben rutzil chiri' chuwi' taq juyu'.

1 Rey 5:15 ပူးပေါင်းရင်းမြစ်များ

Wuj Richin ri Nehemías 7:60

Y ri kajlabal ri e rijatzul ri samajela' richin ri rachoch ri Jehová y ri e rijatzul ri e rusamajela' ri rey Salomón e 392.

Wuj Richin ri Nehemías 7:57

Chuqa' xepe ri e kijatzul ri e rusamajela' ri rey Salomón. Jare' k'a ri kibi' ri kati't-kimama': Ri Sotai, ri Soféret, ri Perudá, ri Jaalá, ri Darcón, ri Guidel, ri Sefatías, ri Hatil, ri Poquéret-hasebaím y ri Amón.

Wuj Richin ri Esdras 2:58

Konojel re winaqi' re' e kijatzul kan ri e samajela' pa rachoch ri Dios, y ri rusamajela' ri Salomón. Y ri kajlabal e 392.

Wuj Richin ri Josúe 9:21

Chuqa' ri e tata'al xkibij: Tiqaya' q'ij richin yek'ase', jak'a xa xke'ok banoy si', y erey taq ya' qichin roj, xecha', roma kan keri' kisujun ri e tata'al chike ri e kiwinaq.

2 Crón 2:2

K'ari' xerukanoj k'a e 70,000 achi'a' ri ye'ejqanej y 80,000 achi'a' ri yechoyon abej pa juyu' y 3,600 achi'a' ri xkek'oje' pa kiwi' ri ch'aqa' chik samajela'.

Wuj Richin ri Josúe 19:29

Ri k'ulba't ri' nuchojmij-ri' y napon rik'in ri tinamit Ramá y chuqa' napon k'a rik'in ri tinamit ri sutin-rij rik'in tz'aq rubini'an Tiro, y niq'ax-el pa tinamit Hosá, y nik'is chiri' chuchi' ri palou. Numej chuqa' ri tinamit ri kibini'an Mahaleb, Aczib,

2 Sam 5:11

Ri chiri' pa tinamit Tiro k'o k'a jun rey rubini'an Hiram. Y rija' xeruteq k'a uk'uey rutzijol rik'in ri David. Ri achi'a' ri' kik'uan k'a el tiox-che', y e kachibilan-el ajanela' y achi'a' ri yesamajin abej richin nikipaba-q'anej ri rachoch ri David.

1 Crón 14:1

K'o k'a jun rey rubini'an Hiram richin ri ruwach'ulew Tiro, ri rey ri' xuto' ri David richin xupaba-q'anej ri jay ri akuchi niq'aton-tzij. Xeruteq-el rik'in ri David, achi'a' ri k'o kiq'ij, aj-tz'aq y ajanela'. Chuqa' xkik'uala-el tiox-che' richin xkipaba' kan ri jay.

2 Crón 2:1

Ri Salomón xuch'ob nupaba-q'anej ri rachoch ri Jehová, y chuqa' ri jay akuchi nuq'et-wi tzij rija'.

Wuj Richin Bix Chire ri Dios 45:13

K'ari' nok-apo ri xtibe'ok reina, chupan ri rachoch ri rey. Ri xten ri' kan janila jebejoj ok y ri rutziaq kan wiqon k'a rupan rik'in q'anapueq.