1 Rey 4:8 - Kaqchiquel Bible

⁸ Ja e kablajuj achi'a' re' ri yeq'aton-tzij pa ruwi' kablajuj nima'q taq ruwach'ulew. Ri Ben-hur ja rija' ri k'o pa ruwi' ri ruwach'ulew richin ri Efraín, chiri' chuwi' taq juyu'.

1 Rey 4:8 ပူးပေါင်းရင်းမြစ်များ

Wuj Richin ri Josúe 24:33

Chuqa' xken ri Eleazar, ri ruk'ajol kan ri Aarón y xkimuq ri chuwa-juyu', ri ruk'uluman kan ri ruk'ajol ri Eleazar rubini'an Finees, ri k'o chuwi-juyu' richin ri Efraín.

Wuj Kichin ri To'onela' 19:1

Chupan k'a ri q'ij ri' toq man jani k'o rey pan Israel, k'o k'a jun levita ri xk'oje' chuwi' taq juyu' k'a más nej chire ri kiruwach'ulew ri Efraín. Y re levita re' xuk'uaj ri ru-concubina ri aj-Belén richin ri Judá.

Wuj Kichin ri To'onela' 17:1

K'o k'a jun achin rubini'an Micaías, ri k'o rachoch ri chiri' chuwi' taq juyu' pa kiruwach'ulew ri tzobaj richin ri Efraín.

1 Rey 4:7

Y ri Salomón xeruya' k'a e kablajuj q'atoy taq tzij pa ruwi' chijun ri ruwach'ulew Israel. Chuqa' ja rije' ri ye'ilin richin ri rey y ri e aj pa rachoch. Roma rije' e kablajuj, chikijujunal ri q'atoy taq tzij ri' k'o chi nikik'uaj ri nik'atzin richin nikitej ri rey y ri e aj pa rachoch chupan ri jun ik'.

Wuj Richin ri Josúe 19:50

Ri Josué kan ruk'utun-wi-pe ri tinamit Timnat-sérah y rije' kan xkiya' k'a chire achi'el ri rubin ri Jehová. Y ri tinamit ri' k'o chuwi' taq juyu' richin ri ruwach'ulew ri tzobaj richin Efraín. Y rija' xupaba-q'anej jun bey chik ri tinamit y chiri' xk'oje-wi.