1 Rey 4:6 - Kaqchiquel Bible

⁶ Ri Ahisar jari' ri xk'oje' pa kiwi' konojel samajela' pa rachoch ri rey. Ri Adoniram ruk'ajol ri Abdá ja rija' ri k'o pa ruwi' ri k'o chi nikitoj chire ri rey.

1 Rey 4:6 ပူးပေါင်းရင်းမြစ်များ

2 Sam 20:24

Ri Adoram xk'oje' pa kiwi' ri samajela' e ximil pa samaj rik'in ri rey. Ri Josafat ruk'ajol ri Ahilud, ja rija' ri nitz'iban ri nibanatej ronojel q'ij.

1 Rey 12:18

K'o k'a jun achin ri rubini'an Adoram, ja rija' ri pa'el pa ruwi' ri kan k'o chi nikitoj chire ri rey. Y toq ri rey Roboam xuteq-el kik'in ri israelita ri ek'o pa xaman richin niberuk'ulu' ri kan k'o chi nikitoj chire ri rey, jari' toq ri winaqi' xa xkikamisaj chi abej. Y toq ri rey xrak'axaj re' xberuchapa-pe ri ru-carruaje y xanimej-el k'a pa Jerusalem.

1 Rey 4:5

Ri Azarías y ri Zabud ri e ruk'ajol ri Natán xek'oje' chuqa' chupan ri q'atbel-tzij richin ri Salomón. Ri Azarías xok aj-raqen kichin ri q'atoy taq tzij y ri Zabud ja rija' ri xk'oje' más naqaj chire ri rey, y xok rupixabanel.

1 Rey 4:7

Y ri Salomón xeruya' k'a e kablajuj q'atoy taq tzij pa ruwi' chijun ri ruwach'ulew Israel. Chuqa' ja rije' ri ye'ilin richin ri rey y ri e aj pa rachoch. Roma rije' e kablajuj, chikijujunal ri q'atoy taq tzij ri' k'o chi nikik'uaj ri nik'atzin richin nikitej ri rey y ri e aj pa rachoch chupan ri jun ik'.

1 Rey 9:15

Ri rey Salomón xerumol k'a winaqi' richin xban-q'anej ri samaj. Y ri samaj ri', ja ri xban-q'anej ri rachoch ri Jehová, ri rachoch rija', ri tz'aq ri rusutin-rij ri tinamit Jerusalem y ri ulew ri achoq ik'in xtaq'ajux-wi richin chiri' xpabex-q'anej ri tinamit, y chuqa' richin xepabex chik q'anej ri tinamit Hasor, ri Meguido y ri Guézer.

2 Crón 10:18

K'o k'a jun achin rubini'an Adoram y ja rija' ri pa'el pa kiwi' ri achi'a' ri kan k'o chi nikiben ri rusamaj ri rey y re achin re' xa xkamisex k'a chi abej, koma ri winaqi'. Y toq ri rey xrak'axaj re', xjote-el pa ru-carruaje, xanimej-el y xbe k'a pa Jerusalem.