1 Rey 4:29 - Kaqchiquel Bible

²⁹ Y ri Dios kan xuya' xusipaj k'a runa'oj ri rey Salomón, chuqa' xuya' nima'q taq etamabel chire, y kan janila nim ri ránima xubanala' kik'in ri winaqi', y man ajlatel ta achi'el ri sanayi' ri k'o chuchi' ri palou.

1 Rey 4:29 ပူးပေါင်းရင်းမြစ်များ

1 Rey 3:12

Y roma ri' ninya' chawe ri xak'utuj chuwe. Xtinojisaj k'a ri awánima rik'in na'oj y re' kan man jun achoq chire nuya'on-wi y man jun achoq chire xtinya-wi ri chawech-apo.

Santiago 3:17

Jak'a wi ja ri etamabel ri peteneq chila' chikaj rik'in ri Dios ri k'o iwik'in, re' nuben k'a chiwe chi nik'uaj jun k'aslen ch'ajch'oj, chi man niben ta oyowal, utz niben kik'in konojel, niwak'axaj jebel ri achike nikajo' ri winaqi' chiwe, y chi kan nijoyowaj kiwech konojel. Kan niben ronojel ri utz; man niben ta rukojol, ni man ka'i' ta ipalej chuqa'.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

1 Rey 4:20

Ri aj-Judá y ri aj-Israel kan e janila k'a chi winaqi', ri kajlabal kan achi'el chik k'a ri sanayi' ri k'o chuchi' ri palou. Rije' kan jebel k'a ri k'aslen kik'uan roma jebel yewa' y ye'uk'ya', y kan janila k'a kikoten k'o kik'in.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Wuj Richin ri Molojri'il 2:26

Roma ri Dios k'o nuya' chire ri wineq ri niqa' chuwech rija': Nuya' na'oj, ronojel ruwech etamabel y kikoten, jak'a chire ri wineq aj-mak nuya' q'ij chi janila k'iy numol richin chi nuya' kan chire ri qajineq chuwech ri Dios; chuqa' re' xa kan q'axel y xa man yatikir ta nawil ronojel.

Wuj Richin Etamabel-Tzij 2:6

Roma xaxe k'a ri Dios ri niya'on ri na'oj, kan pa ruchi' k'a rija' nel-wi-pe ronojel ri ch'obonik y ri etamabel.

Wuj Richin Bix Chire ri Dios 119:34

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.

Wuj Richin ri Isaías 60:5

Y toq xtitz'et ronojel re', kan xtitze'en k'a iwech, ri iwánima kan janila k'a xtikikot, roma kan xtikik'en-pe chiwe ronojel beyomel kichin ri ruwach'ulew, y re' xtipe ri k'a juk'an chik ruchi' taq ya'.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

Wuj Richin ri Rutikeribel 41:49

Rija' kan janila k'a chi trigo ri xumol, kan pa ruk'iyal-wi ri xumol kan, kan achi'el ri sanayi' ri k'o chuchi' ri palou, y roma ri' kan man xtikir ta chik xretaj, roma kan janila chi trigo.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

Wuj Richin ri Molojri'il 1:16

Yin kan xinbij k'a pa wánima: Kan janila nuq'ij, kan xk'oje' nim nuna'oj chikiwech ri ch'aqa' chik rey ri xek'oje' yan el pa Jerusalem roma xk'oje' nuna'oj y wetamabal.

Wuj Kichin ri To'onela' 7:12

Ri aj-Madián, y ri winaqi' amalecita y ri winaqi' ri yepe pa relebel-q'ij kinojisan k'a chijun ri li'on ulew ri' y kan janila e k'iy, kan achi'el toq ye'ok'ulun ri sak' ri xa man e ajlatel ta; y ri ki-camello kan janila chuqa' e k'iy achi'el ri sanayi' ri k'o chuchi' ri palou.

Wuj Richin ri Habacuc 1:9

Konojel k'a re' xkepe richin xkekich'ek rik'in kamik. Chikiwech rije' ninabeyej k'a ri nimalej xibinri'il. Y ri awinaq ri xkekik'uaj-el pa ximonri'il, kan achi'el k'a ri sanayi' ri k'o chuchi' ri palou.

Wuj Richin Bix Chire ri Dios 119:32

Kan rik'in ronojel wánima xkibiyin chupan ri bey ri nuk'ut ri apixa'. roma kan in anojisan rik'in kikoten,

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.