1 Rey 4:26 - Kaqchiquel Bible

²⁶ Y rik'in rija', xek'oje' 4,000 kachabal kiej, kichin ri kiej ri yejik'o-el ri carruaje. Y ek'o chuqa' e 12,000 achi'a' ri yech'oke' chirij kiej.

1 Rey 4:26 ပူးပေါင်းရင်းမြစ်များ

2 Crón 1:14

Y ri Salomón xeruloq' k'a e k'iy ru-carruaje y xek'oje' e k'iy ruwinaq ri yech'oke' chirij kiej. Ronojel k'a ri ru-carruaje e 1,400, y ri achi'a' ri yech'oke' chirij kiej e 12,000. Konojel re winaqi' re' xerutaluj pa taq tinamit ri akuchi ek'o-wi ri ru-carruaje y ek'o ri xek'oje' kan chiri' pa Jerusalem rik'in rija'.

2 Crón 9:25

Ri Salomón xek'oje' e 4,000 rukiej y keri' chuqa' rajlabal ri akuchi xek'oje-wi ri kiej y ri carruaje, chuqa' e 12,000 achi'a' ri yech'oke' chirij taq kiej. Re' xerutaluj k'a pa taq tinamit ri akuchi yeyak-wi ri carruaje, y chuqa' ek'o xek'oje' kan rik'in ri chiri' pa Jerusalem.

2 Sam 8:4

Y ri David xeruchop-pe chiri' e 1,700 achi'a' yech'oke' chirij kiej,*f6* y e 20,000 aj-labal ri yebe chikaqen. Y keri' chuqa' xekitzak'ila' kan ri paten-iboch' chire ri kaqen ri kiej ri ye'uk'uan carruaje richin oyowal, y xaxe chik k'a e wok'al ri man jun xuben chike.

Wuj Richin Bix Chire ri Dios 20:7

Ek'o ri xa rik'in ri ki-carruaje richin oyowal ri nikikuquba' kik'u'x; ch'aqa' chik nikikuquba' kik'u'x rik'in ri kikiej; jak'a roj kan kuqul qak'u'x rik'in ri Jehová ri qa-Dios.

Deut 17:16

Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

1 Rey 4:27

Y ri kablajuj aj-raqen, jari' ri yek'amo-pe ronojel ri nitij pa rachoch ri rey Salomón, y ronojel k'a k'o pa ruk'iyal. Chi ik' chi ik' xa jun ri nik'amon-pe chike.

1 Rey 9:19

Y keri' chuqa' xerupaba-q'anej ri tinamit ri akuchi ek'o-wi ri ru-carruaje richin oyowal, ri tinamit akuchi xek'oje-wi ri achi'a' ri yech'oke' chirij kiej y ri tinamit ri akuchi ek'o-wi yakonabel richin ronojel ri nitij. Y chuqa' xupaba-q'anej ronojel ri xrajo' chi xban ri chiri' pa Jerusalem, ri chiri' pa Líbano y chijun ruwach'ulew ri k'o chuxe' ri ruq'atbal-tzij rija'.