1 Rey 4:25 - Kaqchiquel Bible

²⁵ Chijun ruk'aslen ri rey Salomón, ri winaqi' aj-Judá, y ri aj-Israel kan kuqul k'a kik'u'x xek'oje' k'a pa taq kachoch, roma man jun chik xnaqon kichin. Y kan keri' k'a xkiben chijun ruwach'ulew, nitiker-pe pa Dan y napon k'a pa Beerseba.

1 Rey 4:25 ပူးပေါင်းရင်းမြစ်များ

Wuj Richin ri Miqueas 4:4

Chupan ri q'ij ri' konojel k'a winaqi' man xtikixibij ta ki', y chikijujunal k'o kijuwi-uva y ri ruche'el ri kiwíkix, richin xtikitej pa ruk'iyal. Keri' nubij ri Jehová ri k'o pa ruwi' ronojel.

Wuj Richin ri Zacarías 3:10

Toq xtapon ri q'ij ri', rix kan xke'iwoyoj k'a ri iwachpochel, y xtimol-iwi' chuxe' ri juwi-uva y chuxe' ri ruche'el wíkix. Y kan xkixkikot k'a. Yin Jehová k'iytisanel richin ronojel ri yibin, xcha' ri ángel.

2 Rey 18:31

Man k'a tinimaj rutzij ri Ezequías. Jak'a wi xtinimaj rutzij ri rey richin Asiria y xtijech-iwi', rija' kan xtuya' q'ij chiwe richin chi'ijujunal xkixtikir xtitej ruwech ri itiko'n, ri ruwech ri i-uva, ri ruwech ri iwíkix y kan xtiqum chuqa' ya' ri niwelesaj chupan ri i-pozo.

Wuj Kichin ri To'onela' 20:1

Jari' k'a xe'el-pe ri achi'a' ri e richin ri ch'aqa' chik tzobaj richin niban jun molojri'il pa tinamit Mispá chuwech ri Jehová. Xkimol k'a ki' y xa jun xkiben, xtiker-pe pa Dan ri k'o pa xaman, k'a pa Beerseba ri k'o pa xokon, y konojel ri achi'a' ri ek'o juk'an chik chire ri raqen-ya' Jordán.

Ez 38:11

Y xtich'ob richin yixok chupan ri kitinamit ri winaqi' israelita ri kikuquban kik'u'x y man jun nikimey. Man jun tz'aq kiya'on chikij ri kitinamit, ni man kiya'on ta nima'q taq ch'ich' chirij ri ruchi' ri kachoch.

Wuj Richin ri Isaías 60:18

Chupan ri iruwach'ulew man xtibebanatej ta chik kamik; ni man jun bey chik xtipe wululen. Xa kan xtibij chike ri tz'aq richin ri itinamit, chi rije' e achi'el ri kolonel, y ri chiri' pa taq okibel niya' nuq'ij yin.

2 Sam 24:15

Y kan chupan k'a ri nimaq'a' ri' ri Jehová xuteq-pe jun nimalej yabil pa ruwi' ri Israel. Xuchop k'a pe pa Dan y xapon k'a pa Beerseba y xeken e 70,000 winaqi'.

2 Sam 17:11

Ninbij k'a, chi konojel ri achi'a' aj-Israel tikimolo-pe-ki' awik'in, ri nitiker-pe pa Dan, ri k'o pa xaman, k'a pa Beerseba ri k'o pa xokon. Kan janila k'a chi achi'a' ri xtikimol-pe-ki' awik'in, ri kajlabal kan achi'el k'a ri sanayi' ri k'o chuchi' ri palou. Y kan ja rat ri xkatik'o-el chiqawech richin yojbe pan oyowal.

1 Sam 3:20

Y chijun k'a ri ruwach'ulew Israel, ri nitiker-el pa tinamit Dan ri k'o pa xaman y napon k'a pa Beerseba ri k'o pa xokon, k'a chiri' xapon-wi rutzijol chi ri Samuel kan qitzij chi q'alajirisey ruch'abel ri Jehová.

1 Crón 22:9

Chuqa' xubij chuwe chi xtik'oje' jun nuk'ajol, y kan xtok jun achin richin uxlanibel-k'u'x, roma ri Dios xtuya' uxlanibel-k'u'x rik'in, y ri e etzelanel richin man jun xtikiben chire. Y roma ri' xubij chi xtubini'aj Salomón.*f8* Y chi chupan ri ruq'atbal-tzij kan xtik'oje' k'a uxlanibel-k'u'x y uxlanenri'il wawe' pan Israel.

Wuj Richin ri Isaías 36:16

Man tiwak'axaj ri Ezequías. Más utz tiwak'axaj ri nu-rey, y tijunamatej-iwech rik'in, y kan tijacha-iwi'. Y wi keri' xtiben, chi'ijujunal rix kan xtiqum ri vino ri nel-pe pan itiko'n rix; kan xtiwux ruwech ri iwíkix; y chuqa' kan xtiqum ri iya' chupan ri i-pozo,

Ez 39:26

Ri ojer kan toq rije' ek'o pa kiruwach'ulew man jun achike ninaqo kichin, rije' xkiben banobel ri man niqa' ta chinuwech y xinkimalij kan. Jak'a chupan ri q'ij ri' man xtikiben ta chik keri'.