1 Rey 4:24 - Kaqchiquel Bible

²⁴ Ri Salomón xq'aton-tzij pa ruwi' ri ruwach'ulew ri nitiker-pe pa qajbel-q'ij chire ri tinamit Tífsah ri k'o chuchi' ri raqen-ya' Éufrates, y napon k'a pa tinamit Gaza. Ja rija' xq'aton-tzij pa kiwi' konojel ri rey ri ek'o chiri', y kik'in k'a konojel re' xk'oje' uxlanibel-k'u'x.

1 Rey 4:24 ပူးပေါင်းရင်းမြစ်များ

1 Crón 22:9

Chuqa' xubij chuwe chi xtik'oje' jun nuk'ajol, y kan xtok jun achin richin uxlanibel-k'u'x, roma ri Dios xtuya' uxlanibel-k'u'x rik'in, y ri e etzelanel richin man jun xtikiben chire. Y roma ri' xubij chi xtubini'aj Salomón.*f8* Y chi chupan ri ruq'atbal-tzij kan xtik'oje' k'a uxlanibel-k'u'x y uxlanenri'il wawe' pan Israel.

Wuj Richin Bix Chire ri Dios 72:11

Konojel k'a ri rey richin chijun ruwach'ulew xkexuke' chuwech rija', y konojel tzobaj winaqi' richin re ruwach'ulew xtikisamajij rija'.

Wuj Richin ri Rutikeribel 10:19

Y ri kiruwach'ulew ri e rijatzul ri Canaán nitiker-el rik'in ri tinamit Sidón, choj napon rik'in ri tinamit Gaza napon k'a rik'in ri tinamit Guerar; y nuchojmij-ri' kik'in ri tinamit Sodoma, ri Gomorra, ri Admá, ri Seboím y nibek'is rik'in ri tinamit Lesa.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Wuj Richin Bix Chire ri Dios 72:3

Y roma ri pa ruchojmilal niq'aton-tzij, ri winaqi' nikil uxlanibel-k'u'x y ruchojmilal ri pa ruwi' taq juyu'.

1 Rey 5:4

Y wakami ri Jehová ri nu-Dios xuya' yan uxlanibel-k'u'x qik'in roma kan man jun chik etzelanel qichin k'o, ni man jun ri achike ta xtiqach'ob rij.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

Wuj Kichin ri To'onela' 16:1

K'o k'a jun q'ij ri Sansón xbe pa tinamit Gaza y chiri' xutz'et jun ixoq itzel ruk'aslen y xk'oje' rik'in.

Wuj Kichin ri To'onela' 1:18

Chuqa' xkich'ek ri tinamit Gaza, ri Ascalón, ri Ecrón y chuqa' ri winaqi' ri ek'o pa taq'aj ri ek'o chuchi' ri palou; jak'a man xetikir ta xekoqotaj-el chiri', roma ri aj chiri' kan k'o ki-carruaje ri banon rik'in ch'ich'. Jak'a ri Jehová kan k'o-wi kik'in ri tzobaj richin Judá; y roma ri' xetikir xekich'ek ri tinamit ri ek'o chuwi' taq juyu'.

1 Rey 4:23

lajuj wákix ri e tiojirisan chuwa-jay, e juwineq wákix ri e yuq'un pa taq juyu' y e wok'al kokoj taq awej. Pa ruwi' ri' nik'atzin nikiya-apo ri jalajoj kiwech masat, y ri aj-xik' taq chikopi' ri jebel e tiojirisan.

2 Crón 9:26

Y rija' xk'oje' pa kiwi' ri rey ri ek'o chupan ri ruwach'ulew ri nitiker-pe pa xaman rik'in ri raqen-ya' Éufrates, k'a pa qajbel-q'ij rik'in ri kiruwach'ulew ri aj-Filistea, y napon k'a pa xokon rik'in ruk'ulba't ri ruwach'ulew Egipto.

Wuj Richin ri Jeremías 47:1

Jare' ri rutzijol ri xuya' ri Jehová chuwe pa kiwi' ri aj-Filistea, toq ri aj-Egipto man jani tikichop chi oyowal ri tinamit Gaza.