1 Rey 3:9 - Kaqchiquel Bible

⁹ Tabana' utzil chuwe yin ri in asamajel chi tanojisaj ri wánima rik'in na'oj, richin keri' xkitikir xtinq'et-tzij pa ruwi' ri atinamit roma, ¿achike ta k'a nitikir niq'aton-tzij pa ruwi' ri atinamit, roma kan janila nim?, xcha'.

1 Rey 3:9 ပူးပေါင်းရင်းမြစ်များ

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

Wuj Richin Etamabel-Tzij 16:16

Kan más k'a utz chi ri wineq nril na'oj, ke chuwech nril q'anapueq; y xa más utz chuqa' toq k'o utzilej ch'obonik rik'in, ke chuwech ri k'o ta saqipueq rik'in.

Hebreos 5:14

Jak'a ri kan e k'iyineq jebel, kan yetikir chik nikitej wey. Roma ri' ketaman chik ri achike ri utz y achike ri man utz ta.

San Juan 5:30

Yin kan man yitikir ta k'a yisamej pa nuyonil, roma xa kan achi'el ri q'atoj-tzij ri nuq'alajirisaj chinuwech ri Dios, keri' ri ninben. Ri nuq'atoj-tzij kan pa ruchojmilal, roma man ja ta ri nurayibel yin ri ninben, xa kan ja ri rurayibel ri nata' Dios ri taqayon-pe wichin ri ninben.

2 Sam 14:17

Ri xabij wakami kan xuben chuwe richin xkuqer-el nuk'u'x, roma rat rey kan awetaman naya' rukojol ri utz y ri man utz ta achi'el nuben jun ángel richin ri Dios. Ri Jehová ri qa-Dios xkato'on k'a richin naben ri k'atzinel chi naben, xcha' ri ixoq.

1 Crón 22:12

Kan ja ta ri Jehová xtiya'on ana'oj y awetamabal toq xtaq'et kan tzij pa ruwi' ri Israel, richin kan tataqej k'a ri pixa' ri ruya'on ri Jehová ri qa-Dios.

Santiago 3:17

Jak'a wi ja ri etamabel ri peteneq chila' chikaj rik'in ri Dios ri k'o iwik'in, re' nuben k'a chiwe chi nik'uaj jun k'aslen ch'ajch'oj, chi man niben ta oyowal, utz niben kik'in konojel, niwak'axaj jebel ri achike nikajo' ri winaqi' chiwe, y chi kan nijoyowaj kiwech konojel. Kan niben ronojel ri utz; man niben ta rukojol, ni man ka'i' ta ipalej chuqa'.

Efesios 5:17

Roma ri' man tiben achi'el ri nakaneq taq winaqi'. Xa kan nik'atzin chi niq'ax ta chiwech ri rurayibel ri qajaw pan iwi'.

Wuj Richin Bix Chire ri Dios 119:144

Ri ach'abel rat kan jantape' choj. Tabana' utzil taya' nuna'oj richin yik'ase' rik'in.

Wuj Richin Bix Chire ri Dios 119:34

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.

2 Corintios 3:5

Man niqabij ta chi roma roj k'iy yojtikir niqaben, man keri' ta. Jak'a roma ri Dios kan nuya' quchuq'a' chubanik.

San Mateo 3:14

Jak'a ri Juan man xrajo' ta, y xubij k'a chire: Ja ta yin ri ruk'amon chi naqasaj ya' pa nuwi' y mani xa kan ja rat ri xatoqaqa wik'in yin, xcha' ri Juan.

Wuj Richin ri Molojri'il 7:11

Kan janila k'a rejqalen ri na'oj, y keri' chuqa' jun ulew ri nawichinaj kan, roma re' kan k'o ri nuk'en-pe chike ri winaqi' ri ek'o chuwech re ruwach'ulew.

Wuj Richin Etamabel-Tzij 20:12

Ri rusamaj ri ruxikin ri wineq, richin nak'ex y ri rusamaj ri runaq' taq ruwech, richin nitzu'un; chi ak'axabel y chi tzubel, kan ja wi ri Jehová banayon kichin.

2 Crón 1:10

Wakami tabana' utzil taya' nuna'oj y wetamabal richin yenyuqej re winaqi' re', roma kan man jun chik k'a ri xtitikir ta xtiq'aton-tzij pa ruwi' ri atinamit re janila nim, xcha'.

1 Crón 29:19

Y keri' chuqa' tabana' chire ri nuk'ajol Salomón chi rik'in ta ronojel ránima xtutaqej ronojel ri pixa', richin xtupaba-q'anej ri awachoch, ri xinben yan kan ruchojmil, xcha'

Filipenses 1:10

richin chi niq'ax ta jebel chiwech ri achike ri kan k'o kejqalen. Keri' rix beneq ta ruwech nik'uaj jun k'aslen ch'ajch'oj, y man ta jun itzel nilitej pan ik'aslen toq xtoqaqa ri q'ij richin xtipe ri Cristo.

2 Corintios 2:16

Chike k'a ri man xkekolotej ta, xa jun uxla' richin kamik. Jak'a chike ri yekolotej, kan jun jubulej uxla' richin k'aslen. ¿Y achike kami nibanon richin nibiyin rutzijol ri ruch'abel ri Dios?

San Mateo 3:11

Yin, xaxe k'a ya' ninqasaj pa kiwi' ri winaqi' toq nitzolej-pe kik'u'x rik'in ri Dios. Jak'a re chiqawech-apo xtipe jun ri xtuqasaj ri Loq'olej Espíritu rachibilan q'aq' pa kiwi' ri winaqi'. Ri' kan man achi'el ta ok yin. Roma yin kan man ruk'amon ta ni richin nink'uaj ri ruxajab. Ri jun ri' nim ruq'ij y nim ruchuq'a'.

Wuj Richin ri Molojri'il 7:19

Ri na'oj ri k'o rik'in jun wineq aj-na'oj kan nuya' janila ruchuq'a', jun uchuq'a' más nim ke chuwech ri kuchuq'a' lajuj q'atoy taq tzij pa jun tinamit.

Wuj Richin ri Jeremías 1:6

Jak'a yin xinbij chire chi man yitikir ta yich'on, roma xa k'a janila in k'ajol.

Wuj Richin Etamabel-Tzij 14:8

Kan q'alaj wi k'a toq ri wineq k'o runa'oj, roma kan jebel nuchajij-ri' chire ri rubanobal; jak'a ri maneq runa'oj y roma ri' ch'obon man ch'obon nuben, xa ruyon k'a nuq'ol ri'.

Wuj Richin Bix Chire ri Dios 119:73

Ja rat Jehová xanuk'u wichin richin xinaben. Tabana' k'a chuwe richin ta niq'ax chinuwech y xtinwetamaj ri apixa'.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

1 Rey 3:10

Ri Dios kan janila k'a xqa' chuwech ri ch'abel ri xubij ri Salomón,

1 Rey 10:24

Konojel k'a winaqi' richin chijun ruwach'ulew nikikanoj k'a ri rey Salomón roma nikajo' nikak'axaj ri na'oj ri ya'on chire roma ri Dios.

Wuj Richin ri Jeremías 45:5

Y roma ri' man tawajo' richin ninimirisex aq'ij, roma rija' kan xtuk'en-pe ri ruk'ayewal pa kiwi' konojel winaqi'. Jak'a rat xkaruchajij xabakuchi xkabe-wi, xicha' chire.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.