1 Rey 3:5 - Kaqchiquel Bible

⁵ Y k'o k'a jun aq'a' ri Jehová xuk'ut-ri' chuwech pa rachik', ri chiri' pa Gabaón, y xubij chire: Tak'utuj k'a chuwe xabachike nawajo', y yin kan xtinya' chawe, xcha'.

1 Rey 3:5 ပူးပေါင်းရင်းမြစ်များ

1 Rey 11:9

Roma ri Salomón xa xujech'ej kan ri' chire ri Jehová ri ru-Dios, roma ri' ri Jehová kan janila xyakatej royowal chirij. Ri Jehová kan ruk'utun chik ri' ka'i' mul chuwech ri Salomón,

1 Rey 9:2

jari' toq ri Jehová xuk'ut chik ri' chuwech ri Salomón achi'el toq xuk'ut-ri' chuwech ri chiri' pa Gabaón.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

San Mateo 1:20

Nich'oboch'ot k'a pa ruwi' ri' toq jun ángel richin ri ajaw xuk'ut ri' chuwech pa ruwaran, y xubij chire: José, rat ri at riy-rumam kan ri rey David, man k'a taxibij-awi' chi yak'ule' rik'in ri María ri ak'utun richin nok awixjayil, roma ja ri Loq'olej Espíritu ri xqaqa pa ruwi' rija' y wakami peteneq alanik chirij.

San Mateo 2:13

Toq ri etamanela' xetzolej yan el pa kiruwach'ulew, kan jari' jun ángel richin ri Dios xuk'ut-ri' chuwech ri José, pa rachik'. Y xubij chire: Tak'uaj-el ri ak'ual rachibilan ri rute' y kixanimej-el wawe'. Kixbiyin k'a pan Egipto y kixk'oje' chiri', k'a toq xtinya' na rutzijol chawe toq utz chik yixtzolin-pe. Roma ri rey kan xtuteq rukanoxik re ak'ual richin chi nukamisaj, xcha' ri ángel.

San Mateo 2:19

Y toq kamineq chik el ri rey Herodes, jari' toq jun ángel xuk'ut chik ri' chuwech ri José pa rachik', ri chiri' pan Egipto.

Marcos 10:36

Rija' xuk'utuj chike achike chi utzil ri nikajo'.

Marcos 11:24

Roma ri', yin kan ninbij chiwe chi ronojel ri nik'utuj toq rix yixch'on rik'in ri Dios, k'o chi ninimaj chi kan xtik'ul-wi ri xtiya'ox chiwe. Y wi keri', kan xtik'ul-wi.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

San Juan 15:7

Jak'a wi rix kan itunun-iwi' wik'in, y wi nik'oje' ta ri nuch'abel iwik'in rix, kan tik'utuj k'a chire ri Dios achike ri nurayij ri iwánima, y kan keri' xtibanatej.