1 Rey 3:3 - Kaqchiquel Bible

³ Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.

1 Rey 3:3 ပူးပေါင်းရင်းမြစ်များ

1 Rey 11:34

Y ri Dios xubij chi ja ri David ri rusamajel ri xucha', y rija' kan xutaqej ri rupixa', y roma ri rajowabal pa ruwi' ri David, man nrelesaj ta ronojel ri ajawaren pa ruq'a' ri Salomón, xa kan k'a xtik'oje' na ri ajawaren pa ruq'a' chijun ruk'aslen.

1 Rey 11:38

Y wi xtanimaj ronojel ri xtubij chawe, y wi xtatzeqelibej ri rubey y utz xtaben chuwech rija', y wi xtataqej ronojel ri rupixa'; wi keri', ri Jehová kan xtik'oje' awik'in y kan xkerujikiba' k'a ri aj pan awachoch chupan ri q'atbel-tzij achi'el xuben chire ri rijatzul ri David, y xtujech k'a ri tinamit Israel pan aq'a'.

1 Rey 11:4

y toq ri rey Salomón xapon pa rurijixinen, ri ixoqi' kan kisachon chik k'a ruk'u'x y xerutzeqelibej ri ch'aqa' chik dios. Ri ránima kan man choj ta chik chuwech ri Jehová ri ru-Dios. Kan man xuben ta achi'el xuben ri David ri rutata',

1 Rey 11:6

Ri rey Salomón kan man utz ta k'a xuben roma man xutzeqelibej ta ri Jehová achi'el xuben ri David ri rutata'.

1 Rey 14:23

Rije' xekipaba-q'anej ri akuchi nikiya-wi ruq'ij ri wachibel ri pa ruwi' taq juyu', y chuqa' xekipaba-q'anej abej y che' richin nikiya' kiq'ij ri ki-dios. Re' xeban pa ronojel ruwi' taq juyu' y chuxe' taq che' ri jebel kimujal.

1 Rey 14:8

Yin xinwelesaj k'a el ri ajawaren chuwi-kiq'a' ri aj pa rachoch kan ri David, richin xinya' chawe rat. Jak'a rat man xaben ta achi'el xuben ri David ri nusamajel; rija' kan xutaqej ri nupixa' y xirutzeqelibej rik'in ronojel ránima, y ri rubanobal kan choj xuben chinuwech.

1 Rey 15:11

Ri Asá kan utz k'a xuben chuwech ri Jehová, achi'el xuben ri David ri rati't-rumama'.

1 Rey 15:14

Ri ránima rija' kan xuya' k'a richin xuben ri xrajo' ri Jehová chupan chijun ruk'aslen, stape' xa man xeruwulaj ta el ri akuchi xya-wi kiq'ij ri ch'aqa' chik dios ri pa ruwi' taq juyu'.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

1 Rey 15:5

Ri David kan choj k'a ri rubanobal ri xeruben chuwech ri Jehová, y kan man xujech'ej ta kan ri' rik'in ri rupixa' ri Jehová ronojel q'ij chire ri ruk'aslen, ri xumakuj xa kan xaxe ri xuben rik'in ri Urías ri hitita.

1 Rey 22:43

Y kan xutaqej k'a ri rupixa' ri Asá ri rutata' y kan man xujech'ej ta kan ri'; kan utz k'a xuben chuwech ri Jehová. Man rik'in ri', ri winaqi' xa k'a xkisuj na kamelabel y k'a xkiporoj na pom pa ruwi' taq juyu'. Ri winaqi' kan k'a xe'apon na chiri' roma ri porobel ri' man xe'elesex ta kan.

1 Rey 22:44

Y ri Josafat xuben jun jikibel-tzij richin uxlanibel-k'u'x rik'in ri rey richin Israel.

1 Rey 3:14

Y wi xtatzeqelibej ri nubey y kan xtataqej ronojel ri ninbij chawe achi'el xuben ri David ri atata', xtinya' k'a k'iy juna' ak'aslen, xcha' ri Jehová.

1 Rey 3:6

Y ri Salomón xubij chire: Rat kan janila xajoyowaj ruwech ri asamajel David ri nata', roma rija' kan xarutzeqelibej y ja ri ruchojmilal ri xuben chawech y ronojel ri xuben chawech kan qitzij wi. Y roma ri' kan xajoyowaj ruwech richin xaya' kan jun ruk'ajol chupan re q'atbel-tzij pa ruk'exel rija' roma xken-el, y ja yin ri' ri in asamajel.

1 Rey 8:25

Wakami k'a Jehová ri at qa-Dios, kan tabana' k'a chuqa' ri jun chik ach'abel ri xasuj chire ri David ri asamajel, toq xabij chire chi man jun bey xtitole' kan ri rutz'uyubal richin q'atbel-tzij, roma maneq jun rijatzul ri xtibiyin ta achi'el ri xuben rija'.

1 Rey 8:61

Ri qánima kan ta choj k'a chuwech ri Jehová ri qa-Dios, qojbiyin chupan ri rubey y tiqataqej ronojel ri pixa' achi'el re yojtajin chubanik wakami, xcha' chike.

1 Rey 9:4

Y wi rat xkabiyin chinuwech rik'in chojmilal y rik'in ronojel awánima achi'el xuben ri David ri atata' y kan naben ri nubin chawe yin y nataqej ronojel nupixa',

2 Rey 12:3

Man rik'in ri', ri akuchi niya-wi kiq'ij ri wachibel pa ruwi' taq juyu' man xe'elesex ta, y roma ri' ri winaqi' k'a nikisuj na kamelabel chiri', y k'a nikiporoj na pom chiri' chuqa'.

2 Rey 12:4

Y k'o k'a jun q'ij ri Joás xubij chike ri sacerdote chi tikimolo' ruchi' ri méro ri kan k'o chi nikitoj ri winaqi' ri k'o chik kijuna', ri richin kolotajik y ri sipanik ri nalex-pe pa kánima.

2 Rey 14:3

Ri Amasías kan janila choj xuben chuwech ri Jehová achi'el xuben ri David ri rumama', jak'a man xukuquba' ta ruk'u'x achi'el xuben rija'. Xa kan xuben chuqa' achi'el xuben ri Joás ri rutata'.

2 Rey 14:4

Roma ri' ri akuchi niya'ox-wi kiq'ij wachibel pa ruwi' taq juyu' man xe'elesex ta, y ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

2 Rey 15:35

Man rik'in ri', man xrelesaj ta el ri akuchi nikiya-wi kiq'ij ri wachibel pa ruwi' taq juyu' roma ri winaqi' k'a nikisuj na kamelabel chiri' y chuqa' nikiporoj pom. Jak'a rija' xpaban chik q'anej ri ruchi' ri rachoch ri Jehová ri k'o pa jotol chire ri ruwa-jay.

2 Rey 15:4

Man rik'in ri', man xe'elesex ta ri akuchi nikiya' kiq'ij ri wachibel pa ruwi' taq juyu' roma ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

2 Rey 18:4

Rija' xrelesaj k'a ri akuchi nikiya-wi kiq'ij wachibel pa ruwi' taq juyu'. Xerupaxij ri dios ri e banon rik'in abej y xuqupij-el ri paban-che' richin ri Asera. Chuqa' xuwulaj ri kumetz ri banon rik'in q'enq'oj-pueq ri chuqa' xkibij Nehustán*f7* chire. Ri winaqi' kan nikiya-wi k'a ruq'ij ri kumetz y kan nikiporoj pom chuwech.

2 Crón 15:17

Ri ránima rija' kan xuya' k'a richin xuben ri xrajo' ri Jehová chupan chijun ruk'aslen, stape' xa man xeruwulaj ta el ri akuchi xya-wi kiq'ij ri ch'aqa' chik dios ri pa ruwi' taq juyu'.

Wuj Richin Bix Chire ri Dios 145:20

Rat Jehová kan ye'achajij konojel ri ye'ajowan awichin. Jak'a ri e banoy taq etzelal kan ye'ak'is-el chuwech re ruwach'ulew.

Wuj Richin Bix Chire ri Dios 31:23

Ri nikitzeqelibej ri Jehová, ruk'amon chi nikiben ri nrajo' rija'. Roma rija' kan yeruchajij k'a ri choj e beneq chuwech. Jak'a ri man nuqasaj ta ri' chuwech, kan pa ruk'iyal k'a ri rutojbalil ri nuya' pa ruwi'.

Wuj Richin ri Chojmirisabelri'il 17:5

Richin keri' ri israelita kan xtikik'uaj k'a ri chikop ri nikisuj y xtikijech chire ri sacerdote richin nikamisex chuchi' ri wachoch y man nikamisex ta xabakuchi ri nikajo-wi rije'. Keri' nikamisex ri chikop richin nuq'alajirisaj chi nijunamatej-iwech wik'in.

San Mateo 22:37

Y ri Jesús xubij chire: Ri pixa' ri' ja ri tawajo' k'a ri Dios ri ajaw. Tawajo' rik'in ronojel awánima. Tawajo' rik'in chijun ak'aslen y rik'in ri anojibal.

San Juan 14:15

Wi rix yiniwajo', kan ninimaj ri pixa' ri yenbij chiwe.

San Juan 14:21

Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

1 Corintios 8:3

Jak'a wi k'o jun ri qitzij nrajo' ri Dios, niq'alajin chi kan richin chik, y ri Dios retaman chik ruwech.

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

Deut 10:13

Chuqa' tiqataqej ronojel ri pixa', richin keri' kan utz xqojbe chupan ri qak'aslen.

Deut 11:13

Wi rix kan xtitaqej ri pixa' ri xinya' chiwe re q'ij re', y kan niwajo' ri Jehová ri qa-Dios, y kan nisamajij rik'in ronojel iwánima y chijun ri ik'aslen,

Deut 30:16

Roma ri' ninbij chiwe wakami chi tiwajo' ri Jehová ri qa-Dios y kan titzeqelibej ri rubey y titaqej chuqa' ri rupixa', richin chi yixk'ase' y yixwinaqir, y ri Jehová ri qa-Dios xkixrurtisaj k'a chupan ri ruwach'ulew ri akuchi xkixberuya-wi.

Deut 30:20

Kan tiwajo' k'a ri Jehová ri qa-Dios rik'in ronojel iwánima y kan tinimaj ri nubij y kan titzeqelibej k'a; roma pa ruq'a' rija' k'o-wi ri k'aslen, richin yixk'ase' k'iy juna' pa ruwach'ulew ri xujikiba' chike ri qati't-qamama', ri Abraham, ri Isaac y ri Jacob, xcha'.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

1 Sam 9:12

Y ri xtani' ri' xkibij: Ja' wawe' k'o-wi; xaxe chi'anin kixbiyin rik'in, roma k'a juba' toqaqa chupan re tinamit re' y niberusuju' jun kamelabel chila' pa ruwi' juyu'.