1 Rey 3:28 - Kaqchiquel Bible

²⁸ Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

1 Rey 3:28 ပူးပေါင်းရင်းမြစ်များ

Colosenses 2:3

ri achoq ik'in ewatel-wi ronojel ri utzilej etamabel y na'oj.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

1 Corintios 1:24

Jak'a roj ri xojoyox roma ri Dios richin xojrukol, chi judío y man judío ta, kan qetaman chi rik'in ri Cristo niq'alajin ri uchuq'a' y ri na'oj richin ri Dios.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Wuj Richin ri Molojri'il 7:19

Ri na'oj ri k'o rik'in jun wineq aj-na'oj kan nuya' janila ruchuq'a', jun uchuq'a' más nim ke chuwech ri kuchuq'a' lajuj q'atoy taq tzij pa jun tinamit.

Wuj Richin Etamabel-Tzij 24:21

Rat, nuk'ajol yin, kan tik'oje' rukiy ri Jehová chawech y chuqa' chuwech ri rey, y man jun bey taxol-awi' kik'in ri winaqi', ri maneq Dios, ni maneq rey chikiwech.

Wuj Richin ri Esdras 7:25

Y rat, Esdras, rik'in ri na'oj ri ruya'on ri a-Dios chawe, ke'akanoj k'a ri yechojmirisan ri yebanatej, y ye'akanoj chuqa' aj-raqen ri nikiq'et-tzij pa kiwi' konojel ri awinaq ri ek'o pa ruwach'ulew ri k'o pa qajbel-q'ij chire ri raqen-ya' Éufrates. Y wi man ketaman ta ri pixa' richin ri a-Dios, tak'utu' chikiwech.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Wuj Richin Bix Chire ri Dios 72:2

richin rija' xtiq'aton-tzij pa ruwi' ri tinamit, y richin xtuya' ruchojmilal pa kiwi' ri yetz'ilox.

1 Crón 29:24

Konojel k'a ri e tata'al y ri achi'a' ri k'o janila kiq'ij y konojel ri e ruk'ajol ri rey David xkiya-ki' chuxe' rutzij ri rey Salomón.

1 Sam 12:18

Ri Samuel xch'on k'a rik'in ri Jehová, y ri Jehová xuteq k'a pe koqolajay y job chupan ri q'ij ri', y chijun k'a tinamit xkik'en rukiy ri Jehová, y chuqa' ri Samuel.

Wuj Richin ri Josúe 4:14

Chupan k'a ri q'ij ri', ri Jehová xunimirisaj ruq'ij ri Josué chikiwech konojel ri ruwinaq, kan xkiya' k'a rejqalen y xkinimaj k'a rutzij ri Josué ronojel q'ij chire ri ruk'aslen, achi'el xkiben rik'in ri Moisés.

Ex 14:31

Y toq ri winaqi' israelita xkitz'et ri nimalej banobel ri xuben ri Jehová kik'in ri aj-Egipto, rije' xkixibij-ki' chuwech ri Jehová y xkikuquba' k'a kik'u'x rik'in y chuqa' xkikuquba' kik'u'x rik'in ri Moisés, ri rusamajel.

Wuj Richin Bix Chire ri Dios 72:4

Xtuq'et k'a tzij pa kiwi' ri e k'ayewatajineq. Xkerukol k'a kalk'ual ri man jun k'o kik'in. Jak'a ri xetz'ilon kichin, rat xke'aya' pa ruk'ayewal.

Colosenses 2:2

Ninben re' richin ninkuquba' ik'u'x y junan ta iwech niwajowala-iwi', richin niq'ax jebel chiwech ri qitzijri'il ri ewatel-pe ri xuq'alajirisaj ri Qatata' Dios chirij ri Cristo,

1 Rey 3:27

K'ari' xch'on chik ri rey y xubij: Tiya' chire re ixoq re' ri ak'ual k'es, roma rija' kan qitzij te'ej, xcha' ri rey.

1 Rey 4:1

Ri Salomón xok k'a kan rey richin chijun ruwach'ulew Israel.

Wuj Richin Etamabel-Tzij 16:10

Ri ch'abel ri nubij ri rey, kan e pixa' ri kan k'o chi yebanatej; kan ja ri ch'abel ri nik'atzin chi nubij, kan jari' ri yerukusaj toq niq'aton-tzij.

Wuj Richin ri Isaías 28:6

Ri Dios xtuben chire ri q'atoy-tzij chi kan xtuq'et-tzij pa ruchojmilal. Chuqa' xtuya' uchuq'a' chike ri achi'a' ri yechajin ri okibel richin ri tinamit.

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

1 Rey 10:9

Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

Wuj Richin Etamabel-Tzij 8:15

Kan woma k'a yin ri na'oj toq ri rey yetikir yekik'uaj ri kiwinaq, y woma chuqa' yin toq ri q'atoy taq tzij yetikir yekibanala' utzilej taq pixa'.

Wuj Richin Etamabel-Tzij 25:2

Ri nibanon chire ri Dios chi nim ruq'ij, ja ri kan jebel ruyakik rubanon chire ronojel ri man etz'etel ta; y ri nibanon chire ri rey chi k'o ruq'ij, ja ri nitikir nuya' pa saqil, ronojel ri e ewatel.