1 Rey 3:15 - Kaqchiquel Bible

¹⁵ Toq xuna' ruwech ri Salomón, jari' toq xunabej chi jun achik' ri xuben. Y toq xtzolej pa Jerusalem xapon akuchi k'o-wi ri káxa richin ri rujikibel-tzij ri Jehová, y xusuj k'iy kamelabel ri yeporox jumul, y chuqa' xusuj sipanik richin nuq'alajirisaj chi junan ruwech rik'in ri Dios. Y xuben k'a jun nima-wa'in kik'in konojel ri e tata'al chupan ri rajawaren.

1 Rey 3:15 ပူးပေါင်းရင်းမြစ်များ

Wuj Richin ri Rutikeribel 41:7

Y ri ruwi' trigo ri e chaqi'j xekitej ri wuqu' ruwi' trigo ri e nima'q y e nojineq. Y jari' toq ri rey xk'astej y xunabej chi xa jun achik' ri xuben.

1 Rey 8:65

Ri Salomón y ri winaqi' xenimaq'ijun k'a wuqu' q'ij, y chirij ri nimaq'ij ri', xenimaq'ijun chik wuqu' q'ij richin ri nimaq'ij richin ri taq jay banon rik'in ruq'a-che'. Y kan konojel k'a ri winaqi' ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto.

Marcos 6:21

Jak'a xapon ri q'ij ri oyoben roma ri Herodías richin niqaqa ta ri Juan pa ruq'a'. Roma chupan ri q'ij ri', ri rey Herodes xtz'aqet chik jun rujuna'; xuben jun nima-wa'in y xeroyoj k'a ri e aj-raqen pa ruwi' ri ajawaren, ri e aj-raqen pa kiwi' ri aj-labal y chuqa' ri achi'a' ri k'o janila kiq'ij chikikojol ri aj-Galilea.

Dn 5:1

Chirij ronojel re' chiri' pa Babilonia, xk'oje' k'a jun rey ri xubini'aj Belsasar. Y re rey re' xuben k'a jun nima-wa'in. Xeroyoj k'a más juba' e 1,000 winaqi' ri k'o kiq'ij richin ri rajawaren y konojel rije' kan xkiqum k'iy vino.

Ester 1:3

Y xbanatej k'a, chi chupan ri rox juna' richin ri ruq'atbal-tzij, chi xuben jun nimalej nimaq'ij chike konojel ri e tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri nima'q taq ruwach'ulew.

Wuj Richin ri Jeremías 31:26

K'ari' yin Jeremías xik'astej y xinjeq ri runaq' taq nuwech y xina' chi ri xiwer kan utz xuben chuwe.

2 Crón 7:5

Y ri Salomón xerusuj k'a richin kamelabel e 22,000 nima'q taq awej y 120,000 kokoj taq awej. Keri' k'a xkiben ri rey y konojel israelita toq xkijech ri k'ak'a' rachoch ri Dios.

1 Rey 8:63

Y ri rey Salomón xusuj k'a sipanik ri niq'alajirisan chi junan ruwech rik'in ri Jehová: Xerukamisaj k'a e 22,000 nima'q taq awej y 120,000 kokoj taq awej. Keri' ri rey y ri winaqi' xkijech k'a ri k'ak'a' rachoch ri Jehová pa rusamaj.

Wuj Richin ri Rutikeribel 40:20

Y pa rox q'ij, ri rey xtz'aqet chik k'a jun rujuna' y rija' xuben jun nimalej wa'in kichin konojel ri rusamajela' ri nima'q kiq'ij. Chikiwech k'a konojel ri e royon toq xuteq kik'amik ri e ka'i' aj-raqen ri', ri e tz'apel pa cárcel.

Wuj Richin ri Rutikeribel 31:54

Ri Jacob xerukamisaj awej chiri' richin xuben kamelabel chiri' pa ruwi' jun juyu' y xeroyoj k'a ri Labán y ri ruwinaq richin xkitej kiway junan, y chiri' xkiq'axaj-wi ri aq'a' ri'.

Wuj Richin ri Rutikeribel 28:16

K'ari' xuna' ruwech ri Jacob y xubij: Kan qitzij na wi chi ri Jehová k'o ri akuchi ri xik'oje-wi kan y yin kan man wetaman ta k'a, xcha'.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

1 Rey 3:16

Pa ruq'ijul ri rey Salomón, xe'apon k'a e ka'i' ixoqi' ri itzel kik'aslen rik'in richin jun ch'ojikil.

1 Crón 16:3

Chirij re' ri David xusipaj oxi' ruwech kaxlan-wey chike; jun choj kaxlan-wey, jun ponon kaxlan-wey banon rik'in dátil, y jun chik banon rik'in uva chaqirisan. Y re' xusipaj chike konojel aj-Israel ri ek'o chiri'; chi achi'a' chi ixoqi'.