1 Rey 3:14 - Kaqchiquel Bible

¹⁴ Y wi xtatzeqelibej ri nubey y kan xtataqej ronojel ri ninbij chawe achi'el xuben ri David ri atata', xtinya' k'a k'iy juna' ak'aslen, xcha' ri Jehová.

1 Rey 3:14 ပူးပေါင်းရင်းမြစ်များ

Wuj Richin Etamabel-Tzij 3:2

roma re' kan xtikiben k'a chawe chi kan k'iy q'ij ri xtatz'et-el, k'iy juna' ak'aslen ri xtaq'axaj-el y xtuk'en chuqa' pe uxlanen chawe.

Wuj Richin Bix Chire ri Dios 91:16

Xtinya' k'a k'iy q'ij ruk'aslen chuwech re ruwach'ulew. Y kan xtink'ut k'a chuwech ri kolotajik ri ninya'.

Wuj Richin ri Zacarías 3:7

Ri Jehová k'iytisanel richin ronojel kere' nubij: Wi rat yabiyin achi'el ninwajo' yin, y wi nataqej ri nupixa' richin ruchojmilal, man xkatinwelesaj ta chupan ri asamaj wawe' pa wachoch. Chuqa' xtachajij ri ruwa-jay richin ri wachoch, y xtinya' k'a q'ij chi xkak'oje' chikikojol ri ángel ri ek'o wawe'.

1 Rey 15:5

Ri David kan choj k'a ri rubanobal ri xeruben chuwech ri Jehová, y kan man xujech'ej ta kan ri' rik'in ri rupixa' ri Jehová ronojel q'ij chire ri ruk'aslen, ri xumakuj xa kan xaxe ri xuben rik'in ri Urías ri hitita.

Wuj Richin Etamabel-Tzij 3:16

Ri na'oj achi'el xa ta k'o ruq'a' y ri pa rijkiq'a' ruk'amon-pe k'aslen, y ri pa rajxokon ruk'amon-pe beyomel y k'ojlemal.

2 Crón 34:2

Rija' kan utz k'a xuben chuwech ri Jehová, y kan xuben achi'el xuben ri David; kan man xujech'ej ta kan ri' ni pa rijkiq'a' ni pa rajxokon.

1 Rey 3:6

Y ri Salomón xubij chire: Rat kan janila xajoyowaj ruwech ri asamajel David ri nata', roma rija' kan xarutzeqelibej y ja ri ruchojmilal ri xuben chawech y ronojel ri xuben chawech kan qitzij wi. Y roma ri' kan xajoyowaj ruwech richin xaya' kan jun ruk'ajol chupan re q'atbel-tzij pa ruk'exel rija' roma xken-el, y ja yin ri' ri in asamajel.

Hechos 13:22

Toq ri Dios xrajo' chi ri Saúl xel chupan ri q'atbel-tzij, xuya' ri David richin chi xok rey. Ri Dios kan xubij k'a chirij ri rey David: Kan k'o-wi jun ri xtuben ri nurayibel y kan niqa' chinuwech. Yin kan nintz'et k'a chi ri xtibanon keri' ja ri David ri ruk'ajol ri Isaí. Keri' xubij ri Dios.

Wuj Richin Bix Chire ri Dios 132:12

Chuqa' xabij chi wi ri ralk'ual nikitaqej ri jikibel-tzij ri', rije' chuqa' kan xketz'uye' jantape' chupan ri tz'uyubel richin ri q'atbel-tzij ri'.

Wuj Richin Bix Chire ri Dios 21:4

Xuk'utuj ruk'aslen chawe y kan xaya' chire; xaya' k'a k'iy q'ij ruk'aslen chuwech re ruwach'ulew.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Deut 5:16

Tiya' kiq'ij ri ite-itata', richin k'iy k'a juna' xkixk'ase-el y utz xkixbe chuwech re ruwach'ulew ri ninya' yin Jehová ri i-Dios chiwe.

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

2 Crón 29:2

Ri rubanobal rija' kan utz k'a chuwech ri Jehová, achi'el ri rubanobal ri David, ri rumama'.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.

Deut 25:15

Xa kan xaxe etabel ri e tz'aqet ri ye'ikusaj richin keri' kan xtiyaloj ri ik'aslen chuwech ri ruwach'ulew ri xtuya' ri Jehová ri qa-Dios chiwe.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

1 Rey 11:34

Y ri Dios xubij chi ja ri David ri rusamajel ri xucha', y rija' kan xutaqej ri rupixa', y roma ri rajowabal pa ruwi' ri David, man nrelesaj ta ronojel ri ajawaren pa ruq'a' ri Salomón, xa kan k'a xtik'oje' na ri ajawaren pa ruq'a' chijun ruk'aslen.

1 Crón 28:7

Y kan xtinjikiba' ri ruq'atbal-tzij richin q'asen wi rija' xtutej ruq'ij richin nuben ronojel ri pixa', xcha' ri Dios chuwe.

Wuj Richin Bix Chire ri Dios 21:5

Kan xnimer ruq'ij roma rat kan xaya' ch'akonik chire; kan xaya' k'a ruwaq'ijaj y k'ojlemal chire.