1 Rey 3:13 - Kaqchiquel Bible

¹³ Y chuqa' xtinya' chawe ri man xak'utuj ta chuwe: Ri beyomel y ri ak'ojlemal. Kan man jun chik xtiq'aton-tzij achi'el ri xtaben rat.

1 Rey 3:13 ပူးပေါင်းရင်းမြစ်များ

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Wuj Richin Etamabel-Tzij 3:16

Ri na'oj achi'el xa ta k'o ruq'a' y ri pa rijkiq'a' ruk'amon-pe k'aslen, y ri pa rajxokon ruk'amon-pe beyomel y k'ojlemal.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

1 Crón 29:25

Y ri Jehová kan janila k'a xunimirisaj ri rey Salomón chikiwech konojel ri winaqi' richin ri ruwach'ulew Israel. Ri q'atbel-tzij ri xuya' ri Dios chire ri Salomón kan k'o janila ruq'ij, man jun achoq chire ta ruya'on-wi achi'el ri xuya' chire ri Salomón.

2 Crón 9:22

Kan xaxe k'a ri rey Salomón ri k'o más rubeyomel y más runa'oj chikiwech konojel rey richin ri ruwach'ulew.

Wuj Richin ri Nehemías 13:26

Ja mak re' ri xuben ri Salomón ri rey pa ruwi' ri ruwach'ulew Israel, stape' chuwech ri ruwach'ulew man jun chik rey ri xk'oje' achi'el rija', y ri Dios kan janila xrajo' y xuben chire chi xok rey pa ruwi' chijun Israel. Ja ri ixoqi' aj juk'an chik tinamit xebanon chire richin chi xmakun.

Wuj Richin ri Molojri'il 6:2

Y ek'o k'a winaqi' ri k'o beyomel ri niya'ox chike roma ri Dios, y kan nuya' ruwaq'ijaj chike. Y ronojel ri nurayij ri kánima kan k'o kik'in. Jak'a ri Dios man nuya' ta q'ij richin nikikusaj ronojel re', xa kan ch'aqa' chik winaqi' ri ye'ukusan kan. Y ronojel re' xa kan q'axel y kan ruk'amon-pe q'axo'n.

1 Rey 10:14

Ronojel juna' ri Salomón nuk'ul jubama 500 quintal q'anapueq.

Wuj Richin Etamabel-Tzij 4:9

Ri na'oj kan xtiq'alajin k'a achi'el jun wiqobel ri pan ajolon, xa kan achi'el jun corona ri sipanik ri xtuya' chawe, xcha' ri nata' chuwe.