1 Rey 3:12 - Kaqchiquel Bible

¹² Y roma ri' ninya' chawe ri xak'utuj chuwe. Xtinojisaj k'a ri awánima rik'in na'oj y re' kan man jun achoq chire nuya'on-wi y man jun achoq chire xtinya-wi ri chawech-apo.

1 Rey 3:12 ပူးပေါင်းရင်းမြစ်များ

Wuj Richin ri Molojri'il 1:16

Yin kan xinbij k'a pa wánima: Kan janila nuq'ij, kan xk'oje' nim nuna'oj chikiwech ri ch'aqa' chik rey ri xek'oje' yan el pa Jerusalem roma xk'oje' nuna'oj y wetamabal.

San Mateo 12:42

Chuqa' toq xtapon k'a ri q'ij richin xtiq'at-tzij pan iwi', ri reina richin ri ruwach'ulew Sabá xtubij k'a chi man utz ta xiben, chi man xinimaj ta. Roma toq xk'ase' rija', janila nej xbiyin-pe richin xorak'axaj ri etamabel ri xk'oje' rik'in ri rey Salomón. Y wakami ink'o yin ri más wetamabal chuwech ri rey ri', jak'a xa man yininimaj ta, xcha' ri Jesús.

1 Rey 5:12

Ri Jehová kan xuya' k'a runa'oj ri rey Salomón achi'el ri rusujun chire, y xk'oje' k'a uxlanibel-k'u'x chikikojol ri e ka'i' rey ri', y xkiben k'a jun jikibel-tzij chikiwech.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

Wuj Richin ri Isaías 65:24

Kan k'a man jani k'a kinkoyoj-pe rije', toq yin kan xtink'uluba' yan qa ri kich'abel. Kan k'a man jani ketane-qa richin yech'on wik'in, yin kan xkenwak'axaj yan.

2 Crón 2:12

Nim ruwa-ruq'ij ri Jehová ri Dios richin Israel, ri xbanon ri kaj y ri ruwach'ulew, ri kan xuya' chire ri rey David jun ruk'ajol ri aj-na'oj, ri k'o retamabal y kan choj, y kan ja rat ri'; y roma ri', rat k'a yapaban-q'anej ri rachoch ri Jehová y ri awachoch rat richin naq'et-tzij.

Colosenses 2:3

ri achoq ik'in ewatel-wi ronojel ri utzilej etamabel y na'oj.

1 Rey 2:9

Jak'a wakami, rat man takuy rumak. Roma rat kan k'o-wi ana'oj, takanoj k'a achike naben rik'in richin nakamisaj, xcha' ri David chire ri Salomón.

Wuj Richin ri Molojri'il 1:13

Yin kan rik'in k'a na'oj xinjech ri wánima chukanoxik y chunik'oxik ronojel ri nibanatej chuwech re ruwach'ulew. Y re samaj re' ri ruya'on kan ri Dios chiqe, kan janila k'ayew richin niqaben.

Wuj Richin Bix Chire ri Dios 10:17

Ri kirayibel ri kiqasan-ki' chawech, kan jantape' nawak'axaj; kan naya' ruchuq'a' ri kánima y ye'ato'.

1 Rey 2:6

Wakami k'a tanojij achike naben chire richin man naya' q'ij chi niken rik'in uxlanibel-k'u'x.

Wuj Richin Etamabel-Tzij 2:6

Roma xaxe k'a ri Dios ri niya'on ri na'oj, kan pa ruchi' k'a rija' nel-wi-pe ronojel ri ch'obonik y ri etamabel.

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

Deut 34:9

Y chirij re' ri Josué kan xuk'ul ri espíritu richin na'oj, roma ri Moisés kan ruya'on kan ri ruq'a' pa ruwi'. Keri' ri israelita kan xkinimaj rutzij y xkitaqej ronojel ri rubin kan ri Jehová chire ri Moisés.

1 Rey 5:9

Ri nusamajela' xtikeraj-el ri che' pa Líbano y xtikik'uaj k'a chuchi' ri palou. Y yin xtinteq-el ri che' ri' pa ruwi' ya' richin napon akuchi xtabij-wi rat. Y chiri' ri asamajela' xtikisol ri che' y xtikeraj-el. Xaxe k'a nink'utuj chawe chi xtaya-pe chike ri nusamajela' ronojel ri nik'atzin richin nitij wawe' pa wachoch, xcha'.

1 Crón 29:25

Y ri Jehová kan janila k'a xunimirisaj ri rey Salomón chikiwech konojel ri winaqi' richin ri ruwach'ulew Israel. Ri q'atbel-tzij ri xuya' ri Dios chire ri Salomón kan k'o janila ruq'ij, man jun achoq chire ta ruya'on-wi achi'el ri xuya' chire ri Salomón.

Wuj Richin ri Nehemías 13:26

Ja mak re' ri xuben ri Salomón ri rey pa ruwi' ri ruwach'ulew Israel, stape' chuwech ri ruwach'ulew man jun chik rey ri xk'oje' achi'el rija', y ri Dios kan janila xrajo' y xuben chire chi xok rey pa ruwi' chijun Israel. Ja ri ixoqi' aj juk'an chik tinamit xebanon chire richin chi xmakun.